வெருளி நோய்கள் 1061-1065: இலக்குவனார் திருவள்ளுவன்

இலக்குவனார் திருவள்ளுவன்      01 February 2026      No Comment

(வெருளி நோய்கள் 1055-1060: தொடர்ச்சி)

வெருளி நோய்கள் 1061-1065

1061. சிறை வெருளி – Carcerophobia

சிறைபற்றிய பெருங்கவலையும் பேரச்சமும் சிறை வெருளி.
சிறைவாசிகளுக்கு எஞ்சிய வாழ்நாள் முழுவதும் சிறையிலேயே கழிந்து விடுமோ என்ற பேரச்சம் வரும்.
செல்வாக்கு உள்ளவர்க்கு ஒரு நிலைப்பாடு இல்லாதவர்க்கு ஒரு நிலைப்பாடு என நிலவுவதால், விசாரணையில் உள்ள கைதிகளுக்கும் குற்றஞ் சாட்டப்பட்டவர்களுக்கும் சிறைபற்றிய அச்சம் மிகுதியாகின்றது. சட்டப்படியான குற்றம் புரியாதவர்களும் சிறைபற்றிய செய்திகளையும் கதைகளையும் படிப்பதாலும் தொலைக்காட்சி, திரைக்காட்சிகளில் காண்பதாலும் சிறைகள்பற்றிய பேரச்சம் வருகிறது.
carcer என்னும் இலத்தீன் சொல்லிற்குச் சிறை எனப் பொருள்.
00

1062. சிற்றுணாமனை வெருளி – Snicascophobia

சிற்றுண்டிகள் விற்பனையகம் குறித்த காரணமற்ற மிகையான பேரச்சம் சிற்றுணா மனை வெருளி.

சிற்றுணா மனையில் மலிவு விலையில் நொறுக்குத் தீனிகள், சிற்றுண்டிகள் தரப்படுமு்.இதனால் நலக்கேடான உணவுகளாக இருக்குமோ எனச் சிலர் பேரச்சம் கொள்வர். அதே நேரம், திரையரங்குகளில் அமையும் சிற்றுணா மனைகளில் எல்லாம் கூடுதல் விலையில் இருக்கும். எனவே, அங்கும் விலையைக் கண்டு பேரச்சம் கொள்வர்.
00

1063. சிற்றுரு / ஈ மோசி திரைப்பட வெருளி – Lapeliculadeemojiphobia

மோசமான இயக்கம், மோசமான கதைக்களம், மோசமான திரைக்கதை, மோசமான படம் என விருதுகள் வாங்கிய சிற்றுரு / ஈ மோசி(EMOJI) திரைப்படம் குறித்த அளவுகடந்த பேரச்சம் ஈ மோசி வெருளி.
இராசுபெறி தங்க விருதுகள் (Golden Raspberry Awards/ சுருக்கமாக இராசீ விருதுகள்/Razzie Awards), மோசமான திரைப்பட ஆக்கங்களுக்கு வழங்கப்படும் விருதுகள்.
இசுபானிய (Spanish)மொழியில், La = தனி ஒருமைச் சுட்டுக் குறிப்பு/’the’, Pelicula = திரைப்படம், De = உடைமைக் குறிப்பு/’of’, Emoji = சிற்றுரு/’emoji’ எனப் பொருள்கள்.
00

1064. சிற்றெண் வெருளி – Micronumerophobia
      சிற்றெண் குறித்த வரம்பற்ற பேரச்சம் சிற்றெண் வெருளி.
      Micronumero என்னும் கிரேக்கச் சொல்லிற்குச் சிறிய எண் எனப் பொருள்.
      00
1065. சீமை ஆல் வெருளி – Drusophobia

சீமை ஆல்(oak tree) தொடர்பான அளவுகடந்த பேரச்சம் சீமை ஆல் வெருளி.
இதனைக் கருவாலி மரம் என்றும் குறிப்பிடுவர்.
இதனைக் குவெர்கசு என்னும் இனத்தைச்சேர்ந்தது என்பர். குவெர்கசு(Quercus) என்பது என்பது இலத்தீன் மொழியில் சீமை ஆல் / oak என்பதாகும்.

மர வெருளி (Dendrophobia) உள்ளவர்களுக்குச் சீமை ஆல் வெருளி வரும் வாய்ப்பு உள்ளது.

00

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1051-1055: இலக்குவனார் திருவள்ளுவன்

 ஃஃஃ    இலக்குவனார் திருவள்ளுவன்      31 January 2026      அகரமுதல

(வெருளி நோய்கள் 1046-1050)

வெருளி நோய்கள் 1051-1055

1051. சிறுத்தைப் புலி வெருளி – Gatopardophobia/Leopardaliphobia/ Pardalophobia/ Iagouarophobia 

சிறுத்தைப்புலி தொடர்பான அளவுகடந்த பேரச்சம் சிறுத்தைப்புலி வெருளி.

Gatopardo என்னும் இசுபானியச் சொல்லின் பொருள் சிறுத்தைப்புலி. Iagouaro என்றால் jaguar  எனப் பொருள்.  மாயன் மொழியில் jaguar என்றால் ஒரே பாய்ச்சலில் கொல்லும் விலங்கு எனப் பொருள்.

காண்க: சிவிங்கிப்புலி வெருளி (Acinonyxphobia/Panthiraphobia)

00

1052. சிற்றின நாய் வெருளி- Chihuahuaphobia

சிறிய அளவிலே வளரும் சிற்றின நாயைக் கண்டு ஏற்படும் பேரச்சம் சிற்றின நாய் வெருளி.

முதலில் சிறுநாய் எனக் குறித்திருந்தேன். சிறு நாய் என்றால் குட்டி நாய் எனத் தவறாகக் கருதப்படலாம். எனவே, சிற்றின நாய் என மாற்றியுள்ளேன்.

நாயினம் உள்ள ஊரின் பெயரல் நாம் இராசபாளையம் நாய், கோம்பை நாய் என்றெல்லாம் சொல்கிறோம் அலலவா? அதுபோல், மெக்சிகனில் உள்ள சிஃகாஃகா(Chihuahua) நகரின் பெயரில் இந்நாய் அழைக்கப்படுகின்றது.

00

1053. சிறுநீரகநோய் வெருளி- Albuminurophobia

சிறுநீரக நோய் தொடர்பான அளவுகடந்த பேரச்சம் சிறுநீரகநோய் வெருளி.

Albumin என்பது இங்கே வெண்சிறுநீரைக் குறிக்கிறது.

00

1054. சிறுநீரக வெருளி-Nefrophobia

சிறுநீரகம் தொடர்பான அளவுகடந்த பேரச்சம் சிறுநீரக வெருளி.

Nefro என்னும் கிரேக்கச் சொல்லிற்குச் சிறுநீரகம் எனப் பொருள்.

00

1055. சிறுநீர் வெருளி-Urophobia

பொதுவிடங்களில் சிறுநீர் கழிப்பது குறித்த பேரச்சம் சிறுநீர் வெருளி.

சிறுநீர் நாற்றம், நிறம், சிறுநீர் கழிக்கும் பொழுது ஏற்படும் வலி போன்றவற்றாலும் சிறுநீர் கழிப்பதில் பேரச்சம் கொள்வர்.

uro என்னும் கிரேக்கச் சொல்லின் பொருள் சிறுநீர்.

00

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1046-1050: இலக்குவனார் திருவள்ளுவன்

ஃஃஃ    இலக்குவனார் திருவள்ளுவன்      30 January 2026      அகரமுதல

(வெருளி நோய்கள் 1041-1045)

வெருளி நோய்கள் 1046-1050

1046. சிறப்புந்து வெருளி – Unicurrophobia

சிறப்பு மகிழுந்து தொடர்பான அளவுகடந்த பேரச்சம் சிறப்புந்து வெருளி.
சிறப்பாக வடிவமைக்கப்பட்டது என்பதால் பயன்பாட்டுச் சிக்கல் தெரியாது, குறைபாடு நேர்ந்தால் உடன் சரி செய்ய முடியுமா என்னும் ஐயப்பாட்டு நிலை போன்ற காரணங்களால் பேரச்சம் கொள்வர்.
புதிய வெளியீட்டுச் சீருந்துகள், ஊர்திகள் பற்றிய அளவுகடந்த பேரச்சம் என்பதால் புத்தூர்தி வெருளி என்றும் சொல்லலாம்.
curr என்னும் இலத்தீன் முன்னொட்டு ஓடுவதைக் குறிக்கும். இங்கே சாலையில் ஓடும் ஊர்தியைக் குறிக்கிறது.
00

1047. சிறிய எழுத்து வெருளி – Lowcayphobia

சிறிய எழுத்து தொடர்பான அளவுகடந்த பேரச்சம் சிறிய எழுத்து வெருளி.
கீழ் விசை எழுத்து வெருளி என்றுதான் சொல்ல வேண்டும். ஆனால், நடைமுறையில் எல்லா மொழிக்கும் இது பொருந்தாது. ஆங்கிலத்தில் கீழ்ப்பகுதியில் சிறிய எழுத்துகள் உள்ளதால் அவற்றைத்தான் இது குறிக்கின்றது. தட்டச்சுப் பொறி உருவாக்கிய முதலில் மொத்த எழுத்துகளும் மேலே உயர்ந்து தட்டச்சிடும் வகையில் இருந்தது. இப்பொழுது முற்றிலும் மாறிவிட்டது. மேலும் கணியச்சு வந்த பின்னர், தட்டச்சு பயன்பாடு பெரும்பாலும் குறைந்த விட்டது. எனவே, நேர் பொருளாகக் காணாமல் சிறிய எழுத்துகள் மீதான வெருளி எனக் கொள்ள வேண்டும். எனினும் கீழ்ப் பகுதி எழுத்திற்காக விசையை அழுத்தும் பொழுது சரியாக அழுத்தாமல் எழுத்துப்பிழை நேருவது தொடர்பான அச்சம் பலருக்கும் உண்டு.
00

1048. சிறு குள வெருளி – Snerolakophobia

சிறு குளம் குறித்த வரம்பற்ற பேரச்சம் சிறு குள வெருளி.
00

1049. சிறு தொகை வெருளி – Dimephobia

சிறு தொகை குறித்த வரம்பற்ற பேரச்சம் சிறு தொகை வெருளி.
00

1050. சிறு பார வண்டி வெருளி – Semirophobia / Semitrophobia

சிறு பார வண்டி(semi-truck)குறித்த அளவுகடந்த பேரச்சம் சிறு பார வெருளி.
சுமைப்பகுதியும் அதனை இழுத்துச்செலலும் இழுவையும் இணைந்த இச்சுமை ஊர்தியை அரைப்பார வண்டி என்பதைவிடச் சிறுபார வண்டி என்பது சிறப்பாக உள்ளது.
semi-trailer truck என்பதன் சுருக்கம் semi-truck
00

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1041-1045: இலக்குவனார் திருவள்ளுவன்

ஃஃஃ இலக்குவனார் திருவள்ளுவன்      29 January 2026      அகரமுதல

(வெருளி நோய்கள் 1036-1040: தொடர்ச்சி)

வெருளி நோய்கள் 1041-1045

1041. சிலுவை வெருளி-Staurophobia

சிலுவை மீதான அளவுகடந்த வெறுப்பும் தேவையற்ற பேரச்சமும் சிலுவை வெருளி.
இயேசுநாதரை அறைந்து கொல்லப்பயன்படுத்திய கழுமரத்தின் குறியீடு சின்னம். எனவே, இது கிறித்துவத்தின் குறியீடாகத் திகழ்கிறது. தாழ்ந்த நிலத்திலிருந்து உயர்ந்த குன்று, மலைப்பாறை,கடல் நடுவே தெரியும் பாறைத்திட்டு எனப்பார்க்கும் இடங்களிலெல்லாம் சிலுவை அடையாளத்தை வரைந்து கிறித்துவத்தைப் பரப்புகின்றனர். இது பிற சமயத்தவருக்கு இதன்மீதான வெறுப்பை உண்டாக்குகிறது. கிறித்துவப்பரப்பலால், தங்கள் சமயம் அழியுமோ, தாங்கள் வழிபடும் கடவுள் மீதுான நம்பிக்கை மறையுமோ என்பன போன்ற கவலைகள் ஏற்பட்டுக் கிறித்துவத்தின் அடையாளமான சிலுவை மீது தேவையற்ற பேரச்சத்தை உண்டாக்குகிறது.
கிறித்துவ வெருளி, கிறித்துவர் வெருளி போன்றவையே இதுவும்.
stauro என்னும் கிரேக்கச் சொல்லின் பொருள் சிலுவைக் குறியீடு.
00

1042. சிவப்பு விளக்கு வெருளி – Erythophobia/ Ereuthophobia

சிவப்பு விளக்கு குறித்த வரம்பற்ற பேரச்சம் சிவப்பு விளக்கு வெருளி.
இந்த இடத்தில் சிவப்பு நிற விளக்கைக் குறிக்கிறது.
00

1043. சிவப்பு வெருளி – Erythro Phobia/Ereuthophobia/Erytophobia

செந்நிறத்தைக் கண்டால் ஏற்படும் இயல்பு மீறிய பேரச்சம் சிவப்பு வெருளி
சிவந்த(22), சிவந்தன்று(1), சிவந்தன(3), சிவந்தனை(2), சிவந்து(15), சிவப்ப(14),
சிவப்புற(1) எனச் சங்க இலக்கியங்களில் இடம் பெற்றிருந்தாலும், சிவப்பு என நான்கு இடங்களில் இடம் பெற்றுள்ளது. அவற்றில் ஒன்று சினம் என்னும் பொருளில் வந்துள்ளது. நிறத்தைக் குறிக்கும் பிற:
சிவப்பாள் அன்று (நற்றிணை : 120.10)
சிவப்புஆனாவே (புறநானூறு : 100.11)
உன்கண் சிவப்புஅஞ்சுவாற்கு (பரிபாடல் : 6.96)
போராட்டங்களின் குறியீடாகச் சிவப்பு உள்ளதால் முதலாளிகளுக்குச் சிவப்பைக் கண்டால் அச்சம் வருகிறது.
போராட்டக்கட்சியான பொதுவுடைமக் கட்சியின் குறியீடாகவும் செந்நிறம் உள்ளதால்/செங்கொடி உள்ளதால், செந்நிறம் கண்டு அஞ்சுவோர் உள்ளனர்.
கண்டம்(ஆபத்து) என்பதன் அடையாளமும் சிவப்பு என்பதால் பொதுமக்களுக்கும் சிவப்பு அச்சம் தருவதாக அமைந்து விடுகிறது. சிவப்பு நிறத்தில் அமையும் எதுவாக இருந்தாலும் இத்தகையோருக்கு அளவுகடந்த பேரச்சம் வருகிறது.
Erythrள என்னும் கிரேக்கச் சொல்லிற்கு (அரத்தச்)சிவப்பு நிறம் எனப் பொருள்.
00

1044. சிவிங்கிப்புலி வெருளி – Acinonyxphobia / Panthiraphobia

சிறுத்தைப்புலி வகையைச் சேர்ந்த சிவிங்கிப்புலி மீதான காரணமற்ற பேரச்சம் சிவிங்கிப்புலி வெருளி. இது விலங்கு வெருளி வகையைச் சேர்ந்தது.
பூனையைப் போன்ற உடலில் புள்ளிகள் உடைய எந்த விலங்கைப் பார்த்தாலும் இவரகளுக்குப் பேரச்சம் வரும்.
சிறுத்தைப் புலி, கருஞ்சிறுத்தை முதலானபிற விலங்குகள் மீதும் பேரச்சம் இருக்கும்.
சிறுத்தை வெருளி என்று சொல்வதை விடச் சிவிங்கிப்புலி வெருளி என்பது வகைப்பாட்டிற்கு ஏற்பப் பொருத்தமாக இருக்கும்.
சோசுவா புரூக்கசு(Joshua Brookes) 1828 இல் நெடுங்கால்களுடைய புள்ளிவிலங்கைக் குறிக்க Acinonyx என்னும் சொல்லைப் பயன்படுத்தினார்.
காண்க:சிறுத்தைப் புலி வெருளி(Gatopardophobia/Leopardaliphobia/ Pardalophobia/Iagouarophobia)
00

1045. சிறப்பிலி பாவன வெருளி – Thantomemephobia

சிறப்பில்லாத பாவனம்(meme) குறித்த வரம்பற்ற பேரச்சம் சிறப்பிலி பாவன வெருளி.
பாவனங்கள் கண்டு களிப்பதற்காகத்தான். பல மிகுதியாக விளக்க வேண்டியவற்றைச் சுருக்கமாச் சுட்டிக்காட்டும் வண்ணம் சிறப்பாகவும் உள்ளன. ஆனால், நகைச்சுவை என்ற பெயரில் பொலிவற்ற, சிறப்பற்ற, மோசமான பாவனங்களும் வருகின்றன. இவை குறித்த பேரச்சத்தால் தொடர்புடையவர்களுக்கு வருவதே பாவன வெருளி.
00

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1036-1040: இலக்குவனார் திருவள்ளுவன்

 ஃஃஃஃ      இலக்குவனார் திருவள்ளுவன்      28 January 2026      அகரமுதல

(வெருளி நோய்கள் 1031-1035: இலக்குவனார் திருவள்ளுவன்)

வெருளி நோய்கள் 1036-1040+

1036. சிரிப்பு வெருளி-Geliophobia/Gelophobia

சிரிப்பு குறித்த தேவையற்ற வெறுப்பும் அளவுகடந்த பேரச்சமும் சிரிப்பு வெருளி.
வாய்விட்டுச் சிரித்தால் நோய் விட்டுப் போகும் என்பார்கள். நோய் நமக்கு மருந்து போன்றது. எனினும் சிலருக்குச் சிரிப்பும் சிரிப்பவர்களும் எமனாகத் தெரிவார்கள்.
பிறர் சிரிப்பதைப் பார்த்தால் நம்மைப்பற்றித்தான் கேலிசெய்து நகைக்கிறார்களோ என்று அஞ்சுவோர் உள்ளனர். இத்தகையோர் சிரிப்புக்கதைகளைப் படிக்கவோ சிரிப்புத் திரைப்படங்களைப் பார்க்கவோ சிரிப்பவர்கள் அருகில் இருக்கவோ சிரிப்புத் துணுக்குகளைக் கேட்கவோ விரும்பாமல் தவிர்ப்பர்.
சிரித்தால் சிக்கல்களை எளிதாக்கலாம் என்பதால்தான் மே முதலாம் ஞாயிற்றுக்கிழமையை உலகச் சிரிப்பாளர் நாளாகக் கொண்டாடுகின்றனர். மதன் கதரியா(Madan Kataria) என்னும் இந்தியாவிலுள்ள மும்பைவாசிதான் 1998இல் உலகச்சிரிப்பாளர் நாளை உருவாக்கினார்.
gelo என்னும் கிரேக்கச் சொல்லின் பொருள் சிரிப்பு.
00

1037. சிரை வெருளி-Venephobia

குருதிநாளங்கள் ஆகிய சிரைகள் குறித்த அளவுகடந்த பேரச்சம் சிரை வெருளி.
நரம்பிற்குள் ஊசி செலுத்தப்படுவது போன்ற சூழலிலும், நரம்பு தெரியக்கூடிய மணிக்கட்டு, கையகம்(inner arm), பின் கால்கள்,புறங்கால், கழுத்து முதலிய பகுதிகளைப் பிறர் தொடுவதாலும் அளவுகடந்த எரிச்சலுக்கும் வெறுப்பிற்கும் ஆளாவர்.
00

1038. சிலந்தி வெருளி-Arachnophobia/Arachnephobia/ Arachneophobia

சிலந்தி, சிலந்திப்பேரினவகையைச் சேர்ந்த உயிரிகள், தேள் முதலான எட்டுக்காலிகள் மீதான வரம்பு கடந்த பேரச்சம் சிலந்தி வெருளி.
Arachno என்னும் கிரேக்கச் சொல்லிற்குச் சிலந்தி எனப் பொருள்.
00

1039. சிலந்தியன் வெருளி – Spidermanphobia

சிலந்தியன்(சிலந்தி மனிதன்/Spiderman) குறித்த வரம்பற்ற பேரச்சம் சிலந்தியன் வெருளி.
தொலைக்காட்சி, திரைப்படம், படக்கதைகள், கதை முதலியவற்றில் சிலந்தியனைப் பார்த்தும் கேட்டும் அவன் வலிமையைக் கண்டு வியப்பவர்களும் உண்டு. கயவர்களுக்கு எதிராகப் பாய்ந்து சென்று துணிவாகச் செயற்படுவதைப் பார்த்துப் பேரச்சம் கொள்பவர்களும் உண்டு.
சிலந்தி வெருளி உள்ளவர்களுக்குச் சிலந்தியன் வெருளி வர வாய்ப்புள்ளது.
சிலந்தி மனிதன் எனப் பிறர் கூறினாலும் ஒற்றைச் சொல்லாகச் சிலந்தியன் எனக் குறிப்பிட்டுள்ளேன்.
00

1040. சிலிர்ப்பு வெருளி – Gloriaphobia

சிலிர்ப்பு குறித்த வரம்பற்ற பேரச்சம் சிலிர்ப்பு வெருளி.
உடலைச் சிலிர்க்கச்செய்யும் செயல்கள்மீது ஏற்படும் பேரச்சம் சிலிர்ப்பு வெருளி எனப்படுகிறது.
உடலைச் சிலிர்க்கச்செய்யும் செயல்கள்மீது ஏற்படும் பேரச்சமும் சிலிர்ப்பு உணர்வு மீது ஏற்படும் பேரச்சமும் சிலிர்ப்பு வெருளி எனப்படுகிறது.rp
00

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1031-1035: இலக்குவனார் திருவள்ளுவன்

 ஃஃஃ     `இலக்குவனார் திருவள்ளுவன்      27 January 2026      அகரமுதல

(வெருளி நோய்கள் 1026-1030: தொடர்ச்சி)

வெருளி நோய்கள் 1031-1035

1031. சிம்சு காணாட்ட வெருளி – Simphobia

சிம்சு காணாட்ட குறித்த வரம்பற்ற பேரச்சம் சிம்சு காணாட்ட வெருளி.
சிம்சு(The Sims) என்பது 2000 ஆம்ஆண்டு மேக்குசிசு(Maxis) நிறுவனத்தால் உருவாக்கப்பட்டு, மின்னணுக் கலைகள் நிறுவனத்தால்(Electronic Arts) வெளியிடப்பட்ட குமுக உருவகப்படுத்தும்காணொளி ஆட்டமாகும்.
இது பல வரிசைத்தாெடராக வந்து கொண்டுள்ளது. இவ்வாட்டத்தை ஆடுபவர்களும் காண்பவர்களும்
தூய்மைக்கேடு தொடர்பான பொதுக்கழிப்பறையைப் பயன்படுத்தல் போன்ற வற்றிற்குப்பேரச்சம் கொள்கின்றனர்.
காணாட்ட வெருளி உள்ளவர்களுக்குச்சிம்சு காணாடட வெருளி வரும் வாய்ப்பு உள்ளது.
00

1032. சிம்பசன் வெருளி – Simpsonphobia

சிம்பசன் என்னும் அசைவூட்டக் கதை மாந்தர் குறித்த வரம்பற்ற பேரச்சம் சிம்பசன் வெருளி.
அசைவூட்டக் கதை மாந்தர் குறித்த வெருளி உள்ளவர்களுக்குச்சிம்பசன் காணாடட வெருளி வரும் வாய்ப்பு உள்ளது.
00

1033. சியா வெருளி – Shiaphobia

சியா இசுலாமியம் அல்லது சியா இசுலாமியர் மீதான அளவுகடந்த வெறுப்பும் பேரச்சமும் சியா வெருளி.
சியா என்பது அலியைப் பின்பற்றுவோரைக் குறிக்கும் அரபுச் சொல்லாகும். சியாக்கள் முகமது நபியின் மருமக்களுள் ஒருவரான அலியே அவரின் உண்மையான வழிமுறையனிர் என்ற நம்பிக்கையில் அவரைப் பின்பற்றுவோராவர்.
இவர்களின் சமயநம்பிக்கைகள், பழக்கவழக்கங்க்ள, பண்பாட்டுப் பரம்பரை,வெறுப்பு முதுலியவற்றின் மீது வெறுப்பும வருத்தமும் கொண்டு வெருளிக்கு ஆளாகின்றனர்.
00

1034. சியார்சு இலண்டுகிரென் வெருளி – Georgelundgrenphobia

சியார்சு இலண்டுகிரென் தொடர்பான அளவுகடந்த பேரச்சம் சியார்சு இலண்டுகிரென் வெருளி.
ஆர்தர் என்னும் அசைவூட்டத் தொடரின் ஒரு பாத்திரத்தின் பெயர் யார்சு இலண்டுகிரென்(Georgelundgren).
இவன், கூச்சத் தன்மையும் அமைதியான இயல்பும் திறமையற்ற போக்கும் முட்டாளாக உள்ளவன். மர ஒட்டகச்சிவிங்கியுடனே அடையாளம் காணப்படுவான்.
இத்தகைய பண்புகளை விரும்பாதவர்களும் இதைப் பார்க்கும் தங்களுக்கும் இத்தகைய பண்புகள் வருாோ என்று அஞ்சபவர்களுக்கும் இலண்டுகிரென் வெருளி வருகிறது.
00

1035. சிரங்கு வெருளி-Scabiophobia

சொறி,சிரங்கு குறித்த அளவு கடந்த பேரச்சம் சிரங்கு வெருளி.
கரப்பன் புண், பற்று, படை, சொறி, சிரங்கு முதலான தோல் நோய்கள் குறித்து நாம் விழிப்புடன் இருக்க வேண்டும். கண்ணுக்குப் புலப்படாத, ஒட்டுண்ணியால் ஏற்படுகின்றது. பெண் நுண்ணுயிரி, தோலைத் தோண்டி முட்டைகளையிட்டுக் கடுமையான அரிப்பை ஏற்படுத்துகிறது. அதே நேரம் சிலர் ஒவ்வாமை போன்றவற்றால் அரிப்பு ஏற்பட்டாலும் மருத்துவரைக் காணாமல் சிரங்கு முற்றிய நிலைக்கு மாறப்போவதாகப் பேரச்சம் கொள்வர்.
சொறி, சிரங்கு ஒட்டுவார் ஒட்டி. எனவே, மக்கள் திரளாக உள்ள இடங்களில் எளிதில் பரவுகிறது. நோயரின் படுக்கை விரிப்புகள் உடைகளைப் பயன்படுத்துவதாலும் எளிதில் பரவுகிறது.
தொற்றுநோய் என்பதால், சொறி சிரங்கு உடையவர்களைப்பற்றிக் கேள்விப் பட்டாலே தமக்கும் சொறி சிரங்கு பரவிவிட்டதாக எண்ணிப் பேரச்சம் கொள்வோரும் உள்ளனர்
சிரங்கினை ஏற்படுத்தும் நுண்மி மனிதர்களிடம் மட்டுமே இனப்பெருக்கம் செய்யும். இதை அறியாமல் நாய், பூனை முதலான வளர்ப்பு உயிரிகள் மூலம் பரவிடும் என அறியாமையால் பேரச்சம் கொள்வோரும் உள்ளனர்.
scabio என்னும் இலத்தீன் சொல்லின் பொருள் சிரங்கு.

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1026-1030: இலக்குவனார் திருவள்ளுவன்

 

இலக்குவனார் திருவள்ளுவன்      26 January 2026      No Comment

(வெருளி நோய்கள் 1021-1025: தொடர்ச்சி)

வெருளி நோய்கள் 1026-1030

1026. சிதை பொருள் வெருளி – Seplophobia/Septophobia

சிதை பொருள்(decaying matter) குறித்த வரம்பற்ற பேரச்சம் சிதை பொருள் வெருளி.
அழுகும் பொருள்களால் ஏற்படும் தீய நாற்றம்,நோய் முதலியவற்றால் பேரச்சம் கொள்வர்.
sep என்னும் கிரேக்கச் சொல்லின் பொருள் சிதைவு/அழுகிப்போதல்.
00

1027. சிதைவுரு வெருளி -Teratophobia(2)

குழந்தை உருச்சிதைந்து பிறக்கும், கோரமாகப் பிறக்கும், அருவருப்பான தோற்றத்தில் பிறக்கும் என்றெல்லாம் குழந்தைப் பிறப்பு குறித்து அளவுகடந்த தேவையற்ற பேரச்சம் கொள்வது சிதைவுரு வெருளி.
இது மகப்பேறு வெருளியுடன் (Lockiophobia/Tokophobia/Tocophobia/ Maieusiophobia/ Parturiphobia தொடர்புடையது.
பழங்கிரேக்கத்தில் téras என்றால் கோர உரு எனப் பொருள். இச்சொல்லில் இருந்து பிறந்த terato என்றால் பிறப்புக் குறைபாடுடைய எனப் பொருள்.
காண்க: அசுரன் வெருளி – Teratophobia(1)
00

1028. சிந்தனை வெருளி-Phronemophobia

சிந்தை/சிந்தனை குறித்த அளவுகடந்த வெறுப்பும் பேரச்சமும் சிந்தனை வெருளி.
சிந்தனை வளர்ச்சியே மக்கள் வளர்ச்சிக்கு அடையாளம். இதை அறிந்திருந்தாலும் சிந்தனை, கருத்துகள் முதலான வற்றின் மீது வெறுப்பு கொள்வோர் உள்ளனர். அறிவியல் சிந்தனையை இறைநெறிக்கு எதிராகக் கருதி எதிர்ப்போர் காலங்காலமாக உள்ளனர். சிலர் தொழிலாளர் முன்னேற்றம் தொடர்பான கருத்துகளை வெறுப்பவர்களாகவும் மற்றும் சிலர் முதலாளிகள் நலன் சார்ந்த கருத்துகளை வெறுப்பவர்களாகவும் உள்ளனர். சிலருக்கு மத வெறி, இன வெறிக் கருத்துகள் பிடிக்கா. இத்தகையோர் கருத்துகளை அழிவின் அடையாளமாகப் பார்த்துப் பேரச்சம் கொள்வர். தமிழின் சிறப்பைக் கூறும் கருத்துகள், ஆரியத்தின் தவறான இல்லாச் சிறப்புக் கருத்துகளைப் படம் பிடித்துக்காட்டுவதால் இது கேட்டு எரிச்சலடைந்து வெறுப்பு கொள்வோரும் உள்ளனர்.
phron என்னும் கிரேக்கச் சொல்லின் பொருள் சிந்தனை
00

1029. சிப்ப வெருளி – colligaphobia

சிப்பம் / பொதிவு கட்டுவது(packing) தொடர்பான பேரச்சம் சிப்ப வெருளி.
திம் இலிஃகோரோ (Tim Lihoreau) “இந்நோய் ஆடவருக்கே வரும். ஏனெனில் பெண்கள் இந்தப்பணிகளைப்பார்ப்பதில்லை” என்கிறார். இது தவறாகப்படுகிறது. துணிக்கடைகள், ஆயத்த உடை நிலையங்கள், மளிகைக்கடைகள், அஞ்சல் சிப்பப்பணி எனச் சிப்பம் கட்டும் பணி உள்ள எல்லா இடங்களிலும் பெண்கள் மிகுதியாக வேலை பார்ப்பதைப் பார்க்கிறோம். ஒருவேளை அவரது நாட்டில் அத்தகைய நிலை போலும்.
சிப்பம் கட்டும்பொழுது உள்ளடக்கத்தில் தவறான எண்ணிக்கை வைத்துவிட்டதாக அல்லது மொத்தம் முடித்த சிப்ப எண்ணிக்கையில் தவறிழைத்துவிட்டதாக இத்தகையோர் அஞ்சுவர்.
colliga என்னும் இலத்தீன் சொல்லின் பொருள்கள் கட்டு, சேர், திரட்டு என்பனவாகும்.
00

1030. சிப்பி வெருளி – Teuthiphobia

சிப்பி மீன் அல்லது தூண்டில் மீன் குறித்த தேவையற்ற பேரச்சம் சிப்பி வெருளி.
teuthis என்றால் பழங்கிரேக்கத்தில் சிறு சிப்பி எனப் பொருள்.
00

(தொடரும்)
இலக்குவனார் திருவள்ளுவன்
வெருளி அறிவியல் 2/5

வெருளி நோய்கள் 1021-1025: இலக்குவனார் திருவள்ளுவன்

ஃஃஃ     இலக்குவனார் திருவள்ளுவன்      25 January 2026      அகரமுதல

(வெருளி நோய் + படங்கள் 1016-1020 தொடர்ச்சி)

வெருளி நோய்கள் 1021-1025

1021. சாவு வெருளி -Necro Phobia/Thanato Phobia/ Thantophobia/ Tanatophobia

இறப்பு வரும் என்ற அச்சத்தால் ஏற்படும் இயல்பு மீறிய பேரச்சம் சாவு வெருளி
சாதல் அஞ்சேன்; அஞ்சுவல், சாவின்
பிறப்புப் பிறிது ஆகுவதுஆயின் (நற்றிணை : 397.7)
கயத்து இட்ட வித்து வறத்தின் சாவாது (புறநானூறு :137 : 5)
சாவா மரபின் அமரர்க்காச் சென்ற நின் (பரிபாடல் : 2:71)
(‘இறப்பு அருங் குன்றம் இறந்த யாமே’ எனக் குறுந்தொகை(209.3) அடியில் இறப்பு என்பது கடத்தல் என்னும் பொருளில்தான் வருகின்றது. பிறகுதான் உலக வாழ்வைக் கடத்தலையும் இறப்பு குறிக்கின்றது. எனவே இப்போதைய வழக்கில் இறப்பு வெருளி என்றும் சொல்லலாம்.)
மரண வெருளி(Tanatophobia) எனப் புதிய வெருளிவகைகளில் குறித்துள்ளனர். சாவு வெருளி உள்ளதால் இதனையும் அவ்வகையிலேயே குறிக்கலாம்.
நோய்வாய்ப்பட்டவர்கள் சிலர் தங்களைப்போன்ற நோய் உள்ளவர்கள் இறந்தால் தாங்களும் இறந்துவிடுவோம் என அஞ்சுவர். முதுமையாளர்கள் சிலர், யாரேனும் முதியவர் இறந்த செய்தி அறிந்ததும் தமக்கும் மரணம் வரும் எனத் தேவையற்ற பேரச்சம் கொள்வர். இத்தகையோரிடம் பிற இறப்புச் செய்திகளைச் சொல்லாமல் இருக்க வேண்டும்.
பாலுமகேந்திராவின் ‘வீடு’ திரைப்படத்தில் கதைநாயகியின் பாட்டனார் முருகேசன் தாத்தா(சொக்கலிங்க பாகவதர்). முதிய நண்பர் அந்தோணிசாமி இறந்ததாக நண்பர் ஒருவர் சொன்னதும் தனக்கும் இறப்பு வரும் என அஞ்சி இவர் இறுதி முறி எழுதுவதுபோல் காட்சி வரும். இயற்கையான ஒன்றே இது. இதுவே தேவையற்ற பேரச்சமாக மாறி வெருளியாகலாம்.
nekros என்னும் கிரேக்கச் சொல்லிற்குப் பிணம் எனப் பொருள்.
Thanatos என்னும் கிரேக்கச் சொல்லிற்கு மரணம் எனப் பொருள்.
00

1022. சிக்கல் சொல் வெருளி – Cliahiyuataphobia

சிக்கலான சொற்கள்(complicated words) குறித்த வரம்பற்ற பேரச்சம் சிக்கல் சொல் வெருளி.
நீளமான சொற்கள், நெடுஞ்சொற்கள், கலைச்சொற்கள், புதிய சொற்கள், படிக்கும் பொழுது தடுமாற்றம் தரும் சொற்கள் முதலிய சிக்கலான சொற்களைப் படிக்கும் பொழுது சிலர் அளவுகடந்த பேரச்சம் கொள்கின்றனர்.
00

1023. சிக்காகோ வெருளி – Chicagophobia

சிக்காகோ(Chicago)மாநகரம் குறித்த வரம்பற்ற பேரச்சம் சிக்காகோ வெருளி.
சிகாகோ(Chicago)மாநகரம், ஐக்கிய அமெரிக்காவின் இலினொய் மாநிலத்தில் அமைந்துள்ளது. இந்நகர் தொடர்பான மக்கள், பண்பாடு, உணவு வகை, தொழில்முறை, பழக்க வழக்கம் என அளவு கடந்த பேரச்சம் கொள்வோர் உள்ளனர்.
00

1024. சிண்டிரெல்லா வெருளி – Cinderellaphobia

கதை நாயகி சிண்டிரெல்லா தொடர்பான அளவுகடந்த பேரச்சம் சிண்டிரெல்லா வெருளி.
சிண்டிரெல்லா தன்னைக்கவனித்துக் கொள்ளவும் தன் சொந்த முயற்சிகளால் தன் சூழ்நிலையை மாற்ற இயலாதவளாகவும் இருக்கிறாள். இது பெண் ஒருத்தி உண்மையான தன்னுரிமைக்கு அஞ்சும் உளவியல் நிலையைக் குறிக்கும். இந்த நிலைக்குத் தானும் தள்ளப்படுவோமோ முயற்சிகளில் வெற்றி காண முடியாதவளாக ஆகிவிடுவோமோ எனத் தேவையற்ற கவலையும் பேரச்சமும் கொள்வர்.
00

1025. சிதள் மூ மா வெருளி-Stegosaurusphobia

சிதள் மூ மா(stegosaurus) குறித்த வரம்பற்ற பேரச்சம் சிதள் மூ மா வெருளி.
சிதள் மூமா, கூரைப்பல்லி என்னும் பொருளில் அழைக்கப்படுகிறது. முதுகில் உள்ள சிதள்கள் கூரைபோல் அமைவதால் அவ்வாறு கூறுகின்றனர். அதைவிடச் சிதள் மூமா என்பது தமிழுக்கு ஏற்றதாக அமையும். .தீங்கற்றது; பயிர் உண்ணி. எனினும் படத்திலோ காட்சிப்படத்திலோ தொலைக்காட்சியிலோ இதன் தோற்றம் கண்டு தேவையற்றுப் பெரிதும் அச்சம் கொள்வோர் உள்ளனர்.
00

(தொடரும்)
இலக்குவனார் திருவள்ளுவன்
வெருளி அறிவியல் 2/5