(வெருளி நோய்கள் 1607-1610 தொடர்ச்சி)

வெருளி நோய்கள் 1611-1615

  1. பயனிலித்தள வெருளி – Oinutiliaphobia

பயனிலி வலைத்தளங்கள் தொடர்பான காரணமற்ற அளவுகடந்த பேரச்சம் பயனிலித்தள வெருளி.
பயனிலித் தளம்(The Useless Website) என இப்பொழுது நூற்றுக்கு மேற்பட்ட தளங்கள் உள்ளன.
தேவையற்ற தகவல்கைளத் தருவனவாகவும் பயனற்ற விவரங்களை அளிப்பனவாகவும் தவறான பொருள் விளக்கம் தருவனவாகவும் பல தேவையற்ற இணையத் தளங்கள் உள்ளன.இவற்றால் தவறாக வழிகாட்டப்படுவோம், தீய விளைவிற்கு ஆட்படுவோம் என்றெல்லாம் தேவையற்ற காரணமற்ற பேரச்சத்திற்கு ஆளாகின்றனர். பயனற்ற தளங்களை அடையாளங் கண்டால் முற்றிலுமாக அவற்றைப் புறக்கணிக்க வேண்டும்.
00

  1. பயணியர் வெருளி – Viatorphobia

சுற்றுலாப்பயணிகள் குறித்த தேவையற்ற பேரச்சம் பயணியர் வெருளி.
சுற்றுலாப் பயணிகளால் ஒழுங்கற்ற ஊர்திகள் நிறுத்தம், சில நேரங்களில் பண்பாட்டுச் சீரழிவு, உண்மைவிலையறியாமல் பொருள்களை வாங்கித் தேவையற்ற விலையேற்றத்தை உருவாக்குதல் போன்ற பல தொல்லைகளுக்கு உள்ளூர் மக்கள் ஆளாகின்றனர்.
இத்தொல்லைகளால் சுற்றுலாப் பயணிகள்மீது அளவுகடந்த தேவையற்ற பேரச்சத்திற்கு ஆளாகின்றனர்.
viator என்னும் இலத்தீன் சொல்லிற்குப் பயணி எனப் பொருள்.
00

  1. பயன்பாட்டு வெருளி – Tabellaphobia

சுட்டுரைக் கணக்கைத் தவறாகப் பயன்படுத்தல் அல்லது தவறான எழுத்தொலிப்பில் பயன்படுத்தல் குறித்த அளவுகடந்த பேரச்சம் பயன்பாட்டு வெருளி.
சுட்டுரை மட்டுமல்லாமல் பிற குமுகத் தளங்கள் அல்லது கடவுச்சொல் மூலம் காணக்கூடிய தளங்களுக்கும் இது பொருந்தும். எனவேதான், தவறான சுட்டுரைக்கணக்கு எனக் குறிப்பிடாமல் பயன்பாட்டு வெருளி எனக் குறிக்கப்பெற்றது.
00

  1. பயிர் வெருளி-Botanophobia

தாவரங்கள் குறித்த தேவையற்ற அறிவுக்குப் பொருந்தாத மிகையான பேரச்சம் கொள்வது பயிர் வெருளி.
செடி கொடிகள், மூலிகைகள், மரங்கள் இவற்றின் மீது இவை வளர்ந்து தன்னை அழித்துவிடும், தீங்கு இழைக்கும், ஒவ்வாமை ஏற்படும் என்றெல்லாம் அஞ்சுவர். எல்லாத் தாவரங்கள மீதும் பேரச்சம் இருக்க வேண்டும் என்றில்லை. சில தாவர வகை மீது மட்டும் சிலருக்குப் பேரச்சம் இருக்கும். பூக்கள் வெருளியும் (Anthophobia) இது போன்றதே.
botane என்னும் கிரேக்கச்சொல்லின் பொருள் புல் அல்லது தீவனம்.
batno என்னும் இலத்தீன் சொல்லின் பொருள் தாவரம்.
00

  1. பரத எண் வெருளி – Yottaphobia

பரத எண் குறித்த வரம்பற்ற பேரச்சம் பரத எண் வெருளி.
yotta என்றால் ஒன்றுடன் நாற்பத்திரண்டு சுன்னங்களைக் கொண்ட பேரெண். பிரித்தானிய வழக்கில் கோடி கோடி கோடி கோடி கோடி கோடி. அமெரிக்க, பிரஞ்சு வழக்கில் ஆயிரங் கோடி கோடி கோடி.
தமிழில் பரதம் எனப்படும். நாட்டியத்தைக் குறிக்கும் பரதம் வேறு.
தமிழில் பழங்காலத்தில் பயன்படுத்தப்பெற்ற இத்தகைய கணக்கு எண்கள் இப்போது கணிணியில் பயன்படுத்தப்படுகிறது.
பரத எண்ணின் மதிப்பு 10,00,00,00,00,00,00,00,00,00,00,000.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5