வெருளி நோய்கள் 1516-1520 : இலக்குவனார் திருவள்ளுவன்

 ஃஃஃ     அகரமுதல       இலக்குவனார் திருவள்ளுவன்      04 June 2026      

(வெருளி நோய்கள் 1511-1515 : தொடர்ச்சி)

வெருளி நோய்கள் 1516-1520

1516. நூறு கோடி எண் வெருளி – Gigaphobia

நூறு கோடி / நிகற்புத எண் தொடர்பான அளவுகடந்த பேரச்சம் நூறு கோடி எண் வெருளி
நிகற்புதம் என்பது 1,00,00,00,000 ஐக் குறிக்கும்.
00

1517. நெகிழ் நுரை குவளை வெருளி – Fr%plophobia

நெகிழ் நுரை குவளை(Styrofoam cup) குறித்த வரம்பற்ற பேரச்சம் நெகிழ் நுரை குவளை வெருளி.
நெகிழ் நுரை குவளை என்பது எடை குறைந்த, ஒருமுறை பயன்படுத்தக்கூடிய கொள்கலன் ஆகும். இது சூடாகவும் குளிராகவும் உள்ள பானங்களுக்குப் பரவலாகப் பயன்படுத்தப்படும். சிறந்த வெப்பக் காப்புத்தன்மையை வழங்கி, பானங்களை அவற்றின் சரியான வெப்பநிலையில் வைத்திருப்பதோடு, பயன்படுத்துபவரின் கைகளை மிகுந்த வெப்பம் அல்லது குளிரிலிருந்து பாதுகாக்கிறது. எனினும் சூடான பானத்தைப் பயன்படுத்தும் பொழுது வேதியல் மாற்றங்களால் உடலுக்குத் தீங்கு நேரும் எனத் தேவையற்ற பேரச்சத்திற்கு ஆளாகின்றனர்.

00

1518. நெகிழிப் பை வெருளி – Plastybolsaphobia / Plastophobia

நெகிழிப் பை (plastic bag) தொடர்பான அளவுகடந்த பேரச்சம் நெகிழிப் பை வெருளி.
செக்கு(Czech) மொழிச்சொல்லான plasty என்பதன் பொருள் நெகிழி.
தாள் பை வெருளி(Pgronphobia), பை வெருளி(Sakoulaphobia / Bolsaphobia) காண்க.
00

1519. நெஞ்சுநோய் வெருளி-Cardiophobia

நெஞ்சு அல்லது நெஞ்சு நோய்(இதய நோய் ) தொடர்பான இயல்பு மீறிய பேரச்சம் நெஞ்சுநோய் வெருளி.
தலைவன் உடன் இல்லாமையால் நெஞ்சு நோவது குறித்துத் தலைவி,
“நோம் என் நெஞ்சே நோம் என் நெஞ்சே” (அகநானூறு 4.1.) என்று கூறுவதாகப் புலவர் காமம்சேர்குளத்தார் கூறுகிறார்.
“ வருந்தியென்
நெஞ்சுபுண் ணுற்ற விழுமத் தானே.” (அகநானூறு 261.7-8)
என்று புலவர் கழார்க் கீரனெயிற்றியார், வருந்தி நெஞ்சம் புண்பட்டதை (அதனால் உறக்கம் வராததைத்)தலைவி தோழியிடம் கூறுகிறாள் என்கிறார்.
இவ்வாறு நெஞ்சு சார்ந்த வலிகளைச் சங்க இலக்கியங்களில் காணலாம். இதுவே அளவு கடந்த பேரச்சமாக மாறும் பொழுது நெஞ்சு வெருளியாகிறது.
cardio என்னும் கிரேக்கச்சொல்லின் பொருள் நெஞ்சு அல்லது நெஞ்சு சார்ந்த
00

1520. நெடுங்கழுத்தி வெருளி – Emuphobia

நெடுங்கழுத்தி(அயல் வான் கோழி/Emu) மீதான அளவுகடந்த பேரச்சம் நெடுங்கழுத்தி வெருளி.
நெடுங்கழுத்தி என்பது நீண்ட கழுத்தும் சாம்பல் அல்லது பழுப்பு நிறம் கொண்ட இறகுகளும் விரைவாக ஓடுவதற்கேற்ற நீளக்கால்களும் கொண்ட பறக்க முடியாத ஆத்திரேலியா நாட்டுப் பறவை.
பறவையினங்களில் தீக்கோழிக்கு அடுத்ததாகப் பெரிய பறக்காத பறவை நெடுங்கழுத்தி /அயல்வான் கோழி (Emu).
இதனை ஈமு என்றும் ஈமியூ என்றும் நேர் ஒலிப்பாகச் சொல்கின்றனர்.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5

வெருளி நோய்கள் 1506-1510 : இலக்குவனார் திருவள்ளுவன்

ஃஃஃ       அகரமுதல     இலக்குவனார் திருவள்ளுவன்      02 June 2026      

(வெருளி நோய்கள் 1501-1505 : தொடர்ச்சி)

வெருளி நோய்கள் 1506-1510

1506. நீள் புதுச்சொல் வெருளி-Macroxenoglossophobia

நீளமான புதுச்சொல் குறித்து ஏற்படும் தேவையற்ற வரம்பு கடந்த பேரச்சம் நீள் புதுச்சொல் வெருளி.
நீளமான சொற்களைப் பயன்படுத்த இயலாமை, அதனைச் சொல்வதற்கு வராமை போன்றவற்றால் தாழ்வு மனப்பான்மை ஏற்பட்டு அந்தச் சொல் மீது வெறுப்பு வருவதும் உண்டு. பழக்கமில்லா நீளச் சொல்லைத் தவறாகச் சொல்லி விட்டால் பிறரின் ஏளனத்திற்கு ஆளாக நேரும் என அஞ்சுவோரும் உண்டு.
இதுவும் நீள்சொல் வெருளியைப்போன்றதுதான். ஆனால் நீளமான நன்கு அறிமுகமான சொல் கண்டு பயப்படாமல் புதிய நீளமான சொற்களைக் கண்டு பேரச்சம் கொள்வோரை இது குறிக்கிறது.
தமிழில் 7 எழுத்துகளுக்கு மேல் சொல் கிடையாது. பொதுவான சொற்கள் 3 இலிருந்து 5 இற்குள் அடங்கி விடுகின்றன. என்றாலும் தமிழ் மக்கள் ஆங்கிலம் பயன்படுத்துவதால் ஆங்கிலத்தில் அல்லது தாங்கள் படிக்கும் பிற மொழிகளில் உள்ள நீண்ட சொற்களுக்கு அஞ்சுவர்.
சிலருக்கு அயலவர் வெருளி இருக்கும். அயல்நாட்டுப் பொருள்களை வெறுக்கும் அவர்கள் அயல்மொழிகளையும் வெறுப்பர்.
00

1507. நுண்ணலை அடுப்பு வெருளி – Microvophobia

நுண்ணலை அடுப்புபற்றிய பெருங்கவலையும் பேரச்சமும் நுண்ணலை அடுப்பு வெருளி.
microwave oven என்பதன் சுருக்கமே Microvo.
நுண்ணலை அடுப்புகள் வசதியானவை என்றாலும், அவற்றில் பல குறைபாடுகளும் உள்ளன. வரையறுக்கப்பட்ட சமையல் முறைகள், உணவைப் பொன்னிறமாகவோ மொறுமொறுப்பாகவோ மாற்ற இயலாமை, சீரற்ற வெப்பமூட்டல் காரணமாக நோய்மி(bacteria) வளரக்கூடிய ‘குளிர்ப் பகுதிகளை’ உருவாக்குதல், நுண்ணலை அடுப்பில பயன்படுத்தத் தகுதியற்ற நெகிழிப்பொருள்களில்(plastocs) உணவைச் சூடாக்கும்போது தீங்கு விளைவிக்கும் வேதியற்பொருள்கள் கசிவதற்கான சாத்தியம் ஆகியவை அவற்றில் அடங்கும். இவை காரணமாக தீங்கு விளையும் என்ற அச்சத்தல் நுண்ணலை அடுப்பைப் பயன்படுத்துவோருக்கு வெருளி வருகிறது.
கதிர்வீச்சு கண்டு அஞ்சுபவர்களுக்கும் நுண்ணலை அடுப்பு வெரளி வருகிறது.
00

1508. நுண்ணோக்கி வெருளி – Microscopophobia

நுண்ணோக்கி குறித்த வரம்பற்ற பேரச்சம் நுண்ணோக்கி வெருளி.
நுண்ணோக்கி மூலம் நோய்மிகளைப் பார்ப்பதால் நோய்மிகள் மீது அச்சம் உள்ளவர்களுக்கு நுண்ணோக்கி மீதும் பேரச்சம் வருகிறது. நுண்ணோக்கியைப் பயன்படுத்துவதால் தொற்றுநோய் வருமோ என்று அஞ்சுவர்.அறியப்படாதவற்றை அறிய நேர்ந்தால் சிலருக்கு அச்சம் ஏற்படும். நுண்ணோக்கி மூலம் வெறும் கண்ணால் பார்க்க இயலாதவற்றை அல்லது அவற்றின் பேரளவைப் பார்க்க நேருவதால் தேவையற்ற பேரச்சம் ஏற்படுகிறது. இவை காரணமாக நுண்ணோக்கி வெருளிக்கு ஆளாகின்றனர்.
00

1509. நுதி வெருளி/மருந்தூசி வெருளி-Trypanophobia

மருந்தூசி போடுவதற்கான காரணமற்ற மிகையான பேரச்சம் மருந்தூசி வெருளி.
நுதி என்றால் கூர்மை, முனை, நுனி எனவும் பொருள்கள் உள்ளன.கூர்மையான ஊசியின் முனை நுனியைக் குறிக்கும் வகையில் சுருக்கமான இச்சொல் கையாளப்பட்டுள்ளது. மருந்தூசி என்பது இரண்டு சொற்களின் சேர்க்கையாக உள்ளமையால் தொடக்கத்தில் புரிவதற்காகப் பயன்படுத்தி விட்டு நாளடைவில் நுதியை மட்டும் பயன்படுத்தலாம்.
கூர் வெருளி(Aichmophobia), நுனை வெருளி(Belonephobia) ஆகியவற்றுடன் ஒப்புமை உள்ளது.
trypள என்னும் கிரேக்கச்சொல்லின் பொருள் துளையிடு. (மருந்தூசி உடலில் துளையிட்டுத்தானே மருந்தைச் செலுத்துகிறது.)
00

1510. நுரையீரல் வெருளி- Pnevmonaphobia / pneumonoultramicroscopicsilicovolcanoconiosisocazoiopustropusopusoashiososinhalopotropopopobophobia

நுரையீரல் அல்லது நுரையீரல் நோய் தொடர்பான வரம்பற்ற பேரச்சம் நுரையீரல் வெருளி.
இருமல் ஏற்பட்டாலோ சளி வந்தாலோ அதனால் நுரையீரல் நோய்வரும் மூச்சுத் திணறல் ஏற்பட்டு உயிரிழக்கும் நிலை வரலாம் எனக் காரணமின்றிப் பேரச்சம் கொள்கின்றனர்.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5

வெருளி நோய்கள் 761-765: இலக்குவனார் திருவள்ளுவன்

 

ஃஃஃ       இலக்குவனார் திருவள்ளுவன்      03 December 2025      அகரமுதல

(வெருளி நோய்கள் 756-760: தொடர்ச்சி)

வெருளி நோய்கள் 761-765

761. கால் வருடி வெருளி – Fwautphobia

கால் வருடி(foot massager) தொடர்பான அளவுகடந்த பேரச்சம் கால் வருடி வெருளி.
கால் வருடியில் பாதங்கள் சிக்கிக் கொள்ளுமோ, மின் அதிர்ச்சிக்கு ஆளாகிப்பேரிடர் நேருமோ என்றெறல்லாம தேவையற்ற கவலைக்கு ஆளாகி வருடி வெருளிக்கு ஆளாகின்றனர்.
00

762. கால் விரல் வெருளி- Digitusphobia

கால்விரல்கள் தொடர்பான அளவுகடந்த பேரச்சம் கால்விரல் வெ
கால்விரல்களில் வலி ஏற்படும், சேற்றுப் புண் ஏற்படும், விரல் முட்டிகளில் வீக்கம் ஏற்படும் என்பன போன்ற தேவையற்ற பேரச்சம் கொண்டு கால் விரல் வெருளிக்கு ஆளாகின்றனர்.
“digitus” என்னும் இலத்தீன் சொல்லின் பொருள் கால் விரல்.
காண்க : கால் வெருளி.
00

763. கால் வெருளி –Podophobia

கால்கள் தொடர்பான அளவுகடந்த பேரச்சம் கால் வெருளி.
Podo என்னும் கிரேக்கச் சொல்லிற்குக் கால் எனப் பொருள்.
காண்க : கால் விரல் வெருளி- Digitusphobia

00

764. கால்நடை வெருளி – Bovinophobia

கால்நடைகள் மீதான அளவுகடந்த பேரச்சம் கால்நடை வெருளி.
கால் நடைகள் முட்டி விடும், குத்திவிடும், தள்ளி விடும் என்பன போன்ற அச்சங்களுக்கு ஆளாகின்றனர்.
காால்நடை மோதிய பயங்கர நிகழ\வைப் பார்க்கும் குழந்தை அதன் பின்னர் படத்திலோ தொலைக்காட்சியிலோ கால்நடையைப் பார்த்தாலே பகுத்தறிவற்ற தேவையற்ற பேரச்சத்திற்கு ஆளாவதுண்டு.
bovi என்னும் இலத்தீன் சொல்லின் பொருள் எருது அல்லது ஆடுமாடுகள்.
00

765. காவல் ஊர்தி வெருளி – Jingchephobia

காவல் ஊர்தி(police car) தொடர்பான வரம்பற்ற பேரச்சம் காவல் ஊர்தி வெருளி.
குற்றவாளிகள் மட்டுமல்லாமல் பிற பொது மக்களும் ஒலி எழுப்பிக் கொண்டு வரும் காவல் ஊர்தியைக் கண்டு அல்லது அதன் ஒலிப்பான் எழுப்பும் ஒலி கேட்டுப் பெரு வெருளிக்கு ஆளாகின்றனர்.
மகிழுந்து வெருளி(cochephobia),ஊர்தி வெருளி(ochophobia) உள்ளவர்களுக்குக் காவல் ஊர்தி வெருளி வர வாய்ப்புள்ளது.
Jingche என்னும் சீனச்சொல்லின் பொருள் காவல் ஊர்தி.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5