வெருளி நோய்கள் 1291 -1295 : இலக்குவனார் திருவள்ளுவன்

ஃஃஃ   அகரமுதல         இலக்குவனார் திருவள்ளுவன்      20 April 2026      

(வெருளி நோய்கள் 1286 -1290 : இலக்குவனார் திருவள்ளுவன் -தொடர்ச்சி)

வெருளி நோய்கள் 1291 -1295

1291. தீயர் வெருளி – Maleficiphobia

தீங்கிழைக்கும் தீயவன் அல்லது தீயவள் குறித்த அளவுகடந்த பேரச்சம் தீயர் வெருளி.
தனக்கோ பிறருக்கோ தீங்கிழைப்பவர்களைக் கண்டு வெறுப்பும் பேரச்சமும் கொள்வர்.
தொலைக்காட்சித் தொடர்களிலும் திரைப்படங்களிலும் கதைகளிலும் வரும் தீய பாத்திரங்களுடன் ஒப்பிட்டுப் பார்த்தும் பேரச்சத்திற்கு ஆளாவர். பொறாமையால் அல்லது பழி வாங்குவதற்காகத் தனக்குச் சூனியம் வைப்பதாக அல்லது மந்திரத் தகடு வைப்பதாக எண்ணியும் பிறர் மீது வெறுப்பும் சினமும் கொண்டு அஞ்சுவர்.
00

1292. தீச்செய்தி வெருளி – Kakosphobia

தீச்செய்தி பற்றிய பெருங்கவலையும் பேரச்சமும் தீச்செய்தி வெருளி.
தேர்வில் தோல்வி, தேர்தலில் தோல்வி, உறவினர் மரணம், கூட்டாளி மோசடி செய்து ஓட்டம், கடை தீப்பற்றி எரிதல், வெள்ளத்தால் பயிர் நாசம் என்பன போன்ற தீயச் செய்திகள் ஆள்மூலம் அல்லது தொலைபேசி மூலம் அல்லது குறுந்தகவல், பகிரித் தகவல் மூலம் வரும் எனப் பேரச்சம் கொள்வர். தீங்கு நேரும் என எதிர்பார்த்தும் தீய செய்தி குறித்து அது வரும் முன்னரே அளவுகடந்த அச்சம் கொள்வர். தீய செய்தி வந்தாலும் அ்தை எதிர்கொள்ள முயலாமல் மனம் கலங்கி மேலும் துயரம் வரும் எனப் பேரச்சம் கொள்வர். சிலர் நோய்வந்தால் மருத்துவரைப் பார்த்தால் ஏதும் தீரா நோய் இருப்பதாகச் சொல்வாரோ எனக் கவலைப்பட்டு அவரைச் சந்திக்கவும் அஞ்சுவர்.
00

1293. தீத்தடுப்புப் பயிற்சி வெருளி -Puraskisiphobia

தீத்தடுப்புப் பயிற்சி குறித்த வரம்பற்ற பேரச்சம் தீத்தடுப்புப் பயிற்சி வெருளி.
பள்ளியில் முதலுதவி வகுப்பில் தீத்தடுப்புப் பயிற்சிஅளிக்கும் பொழுதே உண்மையில் தீப்பற்றியுள்ளதாகக் கருதி அஞ்சுவர். தீத்தடுப்புப் பணியில் சேர்ந்த சிலருக்கும் இதுபோன்ற பேரச்சம் வருவதுண்டு.
தீத்தடுப்புப்பயிற்சியின் பொழுது தீக்காயம் ஏற்படுமோ தீயால் பாதிப்பு ஏதும் வருமோ என்று தேவையற்ற அச்சம் கொள்வோரும் உள்ளனர்.
00

1294. தீப்பெட்டி வெருளி – Spirtophobia

தீப்பெட்டி குறித்த வரம்பற்ற பேரச்சம் தீப்பெட்டி வெருளி.
தீக்குச்சி அல்லது தீப்பெட்டி தொடர்பாக ஏற்படும் அளவுகடந்த பேரச்சம் தீப்பெட்டி வெருளி.
சூட்டில் தீக்குச்சி தானாகப் பற்றிக்கொண்டு விடும், கவனக் குறைவால் வேறு எதிலும் தீப்பற்றிப் பரவி அ்ழிவு ஏற்படுத்தும் என்பனபோன்ற தேவையற்ற அளவுகடந்த பேரச்சத்திற்கு ஆளாவர்.
00

1295. தீய கனவு வெருளி – Kakoneirophobia

தீய கனவு / நள்ளிரவுக் கனவு(nightmare) தொடர்பான அளவு கடந்த பேரச்சம் தீய கனவு வெருளி.
kakos என்றால் தீய என்று பொருள். oneiros என்றால் கனவு என்று பொருள்.
கனவு வெருளி(Oneirophobia)யுடன் தொடர்புடையது. ஆனால் கனவு வெருளி நல்ல கனவுகள் தொடர்பானது.
காண்க: அணங்கு வெருளி
00

(தொடரும்)
இலக்குவனார் திருவள்ளுவன்
வெருளி அறிவியல் 3/5

வெருளி நோய்கள் 1281 -1285 : இலக்குவனார் திருவள்ளுவன்

 ஃஃஃ    அகரமுதல        இலக்குவனார் திருவள்ளுவன்      18 April 2026      

(வெருளி நோய்கள் 1276-1280 தொடர்ச்சி)

வெருளி நோய்கள் 1281 -1285

1281. திறனாய்வு வெருளி – Enissophobia / Enosiophobia

திறனாய்வு அல்லது இடித்துரை குறித்த வரம்பற்ற பேரச்சம் திறனாய்வு வெருளி.
நிறை காண்பதற்கான குறை கூறுதல் என்பது வரவேற்கத்தக்கதுதான். எனினும் தங்கள் செயல் அல்லது படைப்பைப் பற்றித் தவறாகக் கூறுவதாக எண்ணி அஞ்சுவோர் உள்ளனர். சிலர் நடுநிலை தவறித் தனிப்பட்ட தாக்குதலாகத் திறனாய்வு செய்வர். இதனால் திறனாய்வு என்றாலே தேவையற்ற அளவு கடந்த பேரச்சம் கொள்கின்றனர்.
enissein என்னும் கிரேக்கச் சொல்லின் பொருள் குறை / பழிமொழி.
00
1282.திறன் கருவி வெருளி – Dachoingphobia / Ergalilektriphobia

திறன் கருவி குறித்த வரம்பற்ற பேரச்சம் திறன் கருவி வெருளி.
உரிய கையேட்டைப்படித்துப் பார்த்துப் பயன்படுத்தினால் இடர் எதுவும் வராது. அவ்வாறில்லாமல் – படித்துப் பார்க்காமலேயே – கருவிகளைக் கையாளும் பொழுது காயம் ஏற்படல், மின் அதிர்ச்சிக்கு ஆளாதல் போன்ற துன்பங்கள் நேர்கின்றன.
ergaleio என்னும் கிரேக்கச் சொல்லிற்குக் கருவி எனப் பொருள்.
ilektrismos என்னும் கிரேக்கச் சொல்லிற்கு மின்சாரம் எனப் பொருள்.
00

1283. தீ மணி வெருளி – Igniterroremophobia

தீ எச்சரிக்கை மணி தொடர்பான அளவுகடந்த பேரச்சம் தீ மணி வெருளி.
தீத்தடுப்புப் பயிற்சிகளால் பள்ளிச் சிறுவர்கள் தீவிழிப்பொலி குறித்துப் பேரச்சம் கொள்வதாகவும் இதனால் பள்ளி செல்ல அஞ்சுவதாகவும் ஆய்வு ஒன்று கூறுகிறது. இதற்கு அஞ்சுபவர்கள் உரத்த ஒலி எது கேட்டாலும் அஞ்சுபவர்களாக உள்ளனர். உரத்த ஒலி எது கேட்டாலும் கேடு அல்லது அழிவு வரப்போவதாகத் தேவையற்ற பேரச்சம் கொள்கின்றனர்.
igni terroremo என்னும் இலத்தீன் சொல்லிற்குத் தீ விழிப்பொலி / தீ எச்சரிக்கை மணி எனப் பொருள்.
00

1284. தீ நாக வெருளி – Dracophobia

தீ நாகம் (dragon)பற்றிய பெருங்கவலையும் பேரச்சமும் தீ நாக வெருளி.
கீழை நாட்டுத் தீ நாகம் பாம்பு போல் இருப்பதாகக் கூறப்பட்டாலும் மேலை நாடுகளில் இறக்கைகள் இருக்கும். பறக்கம் தீ நாகம் எனலாம்.
கட்டுக்கதைகளிலும் தொன்மக்கதைகளிலும் தீ நாகம் பற்றிக் கூறப்பட்டாலும் சில மத நெறிகளிலும் முதன்மையான இடத்தைத் தீ நாகம் பெறுகிறது.
திரைப்படங்களில் அல்லது படங்களில் அல்லது கதைகளில் தீ நாகத்தைப் பார்த்தாலோ இது குறித்துக் கேட்டாலோ அளவுகடந்த பேரச்சத்திற்குச் சிலர் ஆளாகின்றனர். இப்படி ஓர் உயிரினம் (இப்பொழுது) இல்லை என்றாலும் தீ நாகம் குறித்துத் தேவையற்று அஞ்சுவோர் உள்ளனர்.
draco என்னும் இலத்தீன் சொல்லிற்குத் தீ நாகம் (dragon) எனப் பொருள்.
00

1285. தீ நாற்ற வெருளி – Autodysosmophobia

தீய நாற்றம் தொடர்பான அளவுகடந்த பேரச்சம் தீ நாற்ற வெருளி.
இத்தகையோர் அழுக்கைக் கண்டு அஞ்சும் இயல்பினராக இருப்பர். கையைத் தூய்மையாக்குவதாகப் பன்முறை கழுவுவதும் இவர்கள் வழக்கம்.
நறுமண வெருளி/நறை வெருளி(Olfactophobia/Osmophobia, Osphresiophobia)
என்பனவற்றின் எதிர் நிலை
auto, dys, osmo ஆகிய கிரேக்கச் சொற்களுக்கு முறையே தான், தீய, மணம் எனப் பொருள்.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5

வெருளி நோய்கள் 816-820: இலக்குவனார் திருவள்ளுவன்

 

இலக்குவனார் திருவள்ளுவன்      14 December 2025      No Comment

(வெருளி நோய்கள் 811-815: தொடர்ச்சி)

வெருளி நோய்கள் 816-820

816. குடும்ப மர வெருளி – Oikogeneiaphobia

குடும்ப மர வலைத்தளங்கள் குறித்தும் உருவாக்கநர் குறித்தும் அளவுகடந்த தேவையற்ற பேரச்சம் கொள்வது குடும்ப மர வெருளி.
தடத்தள வெருளி(Oikoechophobia) என்பது குடும்பர மர உருவாக்கல் தொடர்பான குறிப்பிட்ட -குடும்பத்தடம் – வலைத்தளம் பற்றியது. இது பொதுவாகக் குடும்ப மரம்(Family Tree) குறித்த எல்லா வலைத்தளங்கள் பற்றியது.
00

817. குடுவைப்பயிர் வெருளி – Terrarophobia

கண்ணாடிக் கொள்கலனில் வளர்க்கப்படும் பயிர்கள் குறித்த தேவையற்ற அளவுகடந்த பேரச்சம் குடுவைப்பயிர் வெருளி.
கண்ணாடிக் குடுவைப் பயிர் என்னும் பொருள் கொண்ட terrarium என்ற சொல்லில் இருந்து Terraro உருவானது.
தாழி மரம்(bonsai) போன்றதே குடுவைப் பயிரும். பயிர் என்பது சிறு தோட்டச் செடிவகைகளைக் குறிக்கிறது.
00

818. குடுவை வெருளி – Kypellophobia

குடுவை தொடர்பான அளவுகடந்த பேரச்சம் குடுவை வெருளி.
Kypello என்றால் குடுவை, குவளை, கிண்ணம் எனப் பொருள்கள்.
00

819. குடை வெருளி – Umbrellaphobia

குடை தொடர்பான அளவுகடந்த பேரச்சம் குடை வெருளி.
குடையைப் பிடித்து இருத்தல், குடைக்குள் அல்லது குடைக்கருகில் இருத்தல் அல்லது குடையைப் பார்த்தல் போன்ற சூழல்களிலேயே குடையைக் கண்டு காரணமற்ற பேரச்சம் கொள்வோர் உள்ளனர்.
சிறு குடை என்னும் பொருள் உடைய pellebant என்னும் இலத்தீன் சொல்லில் இருந்து Pelleba என்னும் சொல் உருவானது.
00

820. குட்டிச்சாத்தான் வெருளி – Fayophobia

குட்டிச்சாத்தான்(elve))பற்றிய பெருங்கவலையும் பேரச்சமும் குட்டிச்சாத்தான் வெருளி.
குட்டிச் சாத்தான்பற்றிய கதைகள், திரைப்படங்கள் முதலானவற்றின் மூலம் குட்டிச்சாத்தானால் தீங்கு நேரும் எனப் பேரளவு அச்சம் கொள்கின்றனர். சிறு அகவையில் குட்டிச்சாத்தான் நேரில் வந்து தொல்லை கொடுக்கும் என அஞ்சியோர் அதிலிருந்து மீளாமல் அச்சத்திலேயே வளர்ந்து விடுகின்றனர். குட்டிச்சாத்தான் படத்தைப் பார்த்தாலோ பிறர் சொல்லக் கேட்டாலோ அளவு கடந்த அச்சத்திற்கு ஆட்பட்டு விடுகின்றனர்.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5

 

அகரமுதல

ஈராயிரம் துறைகளின் தமிழ்ப் பெயர்கள் 21-43: இலக்குவனார் திருவள்ளுவன்

இலக்குவனார் திருவள்ளுவன்      02 January 2022      No Comment

(ஈராயிரம் துறைகளின் தமிழ்ப் பெயர்கள் 1-20 இன் தொடர்ச்சி)

21. அண்டஆண்டியல்   அண்டநேரவியல், அண்டக் காலவியல் என்றும் குறிக்கின்றனர். நேரம் என்பது இந்த இடத்தில் பொருந்தாது.  காலம் என்பதும் பொதுவாகப் பருவகாலத்தையே குறிப்பதால் அண்டத்திலுள்ள விண்மீன் முதலான உறுப்புகளின் ஆண்டுக் காலத்தைக் குறிப்பதால் ஆண்டியல் எனப் படுகிறது.	Cosmochronology
22. அண்ட மின்னியங்கியல்	Cosmic electrodynamics
23. அண்டப் பயணவியல்	Cosmonautics
24. அண்டவியல்   Universology அண்ட கோளங்கள், அண்ட கோளங்கள் பற்றிய ஆய்வு, படைப்பாய்வு நூல், மன்னல ஆய்வு நூல் எனப்படுகிறது. மண்ணல ஆய்வு நூல் என்பதுதான் சென்னைப் பல்கலைக்கழக அகராதியில் தட்டச்சுப்பிழையாக மன்னல ஆய்வு நூல் என இடம் பெற்றுப் பிற இடங்களில் பகிரப்பட்டுள்ளதா எனத் தெரியவில்லை. அல்லது மன்பதை நலம் என்பதன் சுருக்கமாக மன்னலம் எனக் குறிக்கப் பெற்றுள்ளதா என்றும் எனக்குத் தெரியவில்லை. cosmology அண்டவியல், காயவியல், அண்டப் பிறப்பியல், அண்டவியல், இயலுலகவியல்,  பிரபஞ்சவியல், ஞாலவியல், பேரண்ட இயல், பேரண்டவியல், விண்ணியல் எனப்படுகிறது. இவற்றுள் பிரபஞ்ச இயல்/ பிரபஞ்சவியல் நற்றமிழ்ச் சொற்களன்று.  kosmos என்னும் கிரேக்கச் சொல்லின் பொருள் உலகம். இரண்டும் ஒன்றைத்தான் குறிக்கின்றன. எனவே, சுருக்கமான அண்டவியல் – Universology / Cosmology என்பதைப் பயன்படுத்துவோம். cosmo என்பது பழங் கிரேக்கத்தில் இருந்து உருவான இலத்தீன் சொல். universe என்பது இதே பொருளுடைய univers என்னும் பிரேஞ்சுச் சொல்லில் இருந்து உருவான ஆங்கிலச்சொல். இவற்றைத் தனித்தனித் துறைகளாகக் கருதுவது தவறு. காயம் என்பது அடி முதலிய பட்டதனாலான புண்ணை மட்டுமல்ல, ஆகாயம்/விண்வெளி எனவும்  குறிக்கும். அந்தப்பொருளில் காயவியல் எனக் கூறுகின்றனர். “விண் என வரூஉம் காயப்பெயர்” என்கிறார் தொல்காப்பியர் (தொல்காப்பியம் 1-8-10). காயம் என்பது ஏற்ற சொல்லாக இருப்பினும் உடற்காயம் எனத் தவறாகக் கருதக் கூடும். எனவே,  காயவியல் என்பதை இங்கே பயன்படுத்தவில்லை. “காயமே இது பொய்யடா” என்ற சித்தர் பாடலில்  ‘காயம்’ உடலைக் குறிக்கும்.	Cosmology /  Universology
25. அண்மையியல்	Proximics/Proxemics
26. அந்துஇயல்   பழங் கிரேக்கத்தில் lepís  என்றால் செதில் என்றும் pterón என்றால் சிறகு என்றும் பொருள். இங்கே அந்துப்பூச்சிகளையும் வண்ணத்துப் பூச்சிகளையும் குறிக்கிறது. எனவே, பொதுவாக அந்து இயல் எனப்படுகிறது.	Lepidopterology
27. அமைதியியல்   பழங் கிரேக்கத்தில் eirḗnē  என்றால் அமைதி எனப் பொருள். அமைதிபற்றிய இயல் அமைதி யியல் எனப்படுகிறது.	Irenology
28. அமைப்பிலியியல்   அமைப்பாக இல்லா தனவற்றைக் குறிக்கும் இயல். எனவே, அமைப்பிலியியல்.	Hylology
29. அமைப்புக் கிளைமொழியியல்	Structural Dialectology
30. அமைப்புப் பொறியியல்	Structural Engineering
31. முறைமை  வளைசலியல்   Systems Ecology – அமைப்புச் சூழலியல், கூட்டணுகுமுறைசார் சூழ்நிலையியல் எனப்படுகின்றது. Ecology வளைசலியல் என வகைப்படுத்தியுள்ளோம். எனவே, முறைமை வளைசலியல் –  Systems Ecology எனலாம். Systems, Structural இரண்டும் அமைப்பு என்றே குறிக்கப்படுகின்றன. Structure என்பது கட்டமைப்பு என்றாலும் சுருக்கமாக அமைப்பு என்பதையே பயன்படுத்து கிறோம். எனவே, System என்பதற்குப் பொருத்தமான சொல்லான முறைமை எனப் பயன்படுத்துகிறேன்.	Systems Ecology
32. ஒப்பமைவியல் Homology – அமைப்பொப்பியல், உறுப்பு ஒற்றுமை, ஒத்தமைப்பு, சமவமைப்பு, உடனொத்திசை, அமைப்பு ஒப்புமை இயல், செயல் ஒப்புமை, படிவொப்புமை, ஓர்மைத் தன்மை, ஓரகநிலை, ஓர்மை, உறுப்பிலும் தோற்றத்திலும் ஒற்றுமை எனப் பொருள்கள். ஓர்மை அடிப்படையில் சுருக்கமாக ஓர்மையியல்  என்று முதலில் குறித்திருந்தேன். ஓர்மம், மனஉறுதி, மனத்திட்பம் என்னும் பொருள்கள் கொண்டது. அமைப்புஒப்பு என்பதைக் கருதிப் பார்த்துப் பயன்படுத்தினேன். ஆனால், Organization என்பது அமைப்பு எனப்படுவதால் குழப்பம் வரலாம். எனவே, ஒப்புமை அடிப்படையிலும் அமைப்பு அடிப்படையிலும்  ஒப்பமை வியல் எனக் குறிக்கப்பட்டது.	Homology
33. அயலெச்சத் தொல்லியல்	Exoarcheology(1)
34. அயற்புவியர் இயல்   xenos என்னும் கிரேக்கச் சொல்லிற்கு அயல், திரிபவர், அகதி, வெளியார், அயலார் எனப் பல பொருள்கள் உள்ளன. இங்கே புவிக்கு வெளியே உள்ள பிற கோள்களில் இருப்பவர் களைக் குறிக்கிறது. எனவே, அயற்புவியர் எனலாம். அயற்புவியர் பண்பாடு குறித்த கற்பனை அறிவியல். அயலர்  இயல் என்றால் புவியில் உள்ள அயலவரைக் குறிக்கும் என்பதால் அயற் புவியர் எனப்பட்டது.	Xenology
35. அயற்புவியர் தொல்லியல் archeology தொல்லியல். இங்கே தொன்மை நிலையில் உள்ளஅயற்புவியரைக் குறிக்கிறது. அயற்புவியர் தொன்மையைக் குறிப்பதால் அயற்புவியர் தொல்லியல். காண்க அயற்புவியர் இயல் –   Xenology	Xenoarcheology
36. அரசறிவியல்	Politicology /  Politology /  Political Science
37. அரசியல் குமுகவியல்	Political Sociology
38. அரசிலி ஆட்சியியல்	Anarcheology
39. அருங்காட்சியியல் mūsēum என்னும் இலத்தீன் சொல்லின் பொருள்  நூலகம். நூல்கள் தொகுப்பாக வைக்கப் படுவதுபோல் அரிய காட்சிப்பொருள்கள் தொகுப்பாக வைக்கப்படும் காட்சியகமும் mūsēum எனப்பட்டது.	Museology
40. அருஞ்சொல்லியல் glôssa என்னும் பழங் கிரேக்கச்சொல்லின் பொருள் நாக்கு / நாக்கால் மொழியப் படும் மொழி என்பன ஆகும். எனவே, நேர் பொருள் மொழியியல் என்பதுதான். எனினும், மொழியப்படும் சொற்களைப்பற்றிய இயல் என்னும்  பொருளில் கையாளப்படுகிறது. பொதுவாக எளிய சொற்களை விட்டுவிட்டு அரிய சொற்களையே படிப்பதால் அருஞ்சொல்லியல் எனப்பட்டது. காண்க : நாக்கியல் – Glossology(2)	Glossology(1)
41. அருளரியல் hagios என்னும் பழங்கிரேக்கச் சொல்லின் பொருள் புனிதர், தூயர் என்பன. தூய அருளாளர் குறித்த இயல் என்பதால் அருளரியல் எனப்பட்டது. அருளர், முனிவர் முதலியோர் குறித்த இலக்கியம் என்னும் பொருளில் hagiography என்றும் அழைக்கப் பெறுகிறது.	Hagiology /  Hagiography
42. அலைஇயக்க இயல் kymatics/cymatics என்றால் அலை இயக்கம் என்று பொருள்.	Kymatology
43. அலைபேசியியல் mobile என்றால் பழம் பிரெஞ்சிலும் இலத்தீனிலும் நகரக்கூடிய எனப் பொருள். ஓரிடத்தில் நிலையாக உள்ள தொலைபேசி போல் அல்லாமல் நாம் எங்கு நகர்ந்து சென்றாலும் அலைந்து திரிந்தாலும் அலைவழி இணைப்பு கிடைக்கக் கூடிய அலைபேசி யையே (mobile phone) இங்கே  சுருக்கமாகக் குறிக்கிறது. எனவே, அலைபேசி யியல் என்கிறோம். Mociology என்பது mobile +‎ sociology என்னும் இரு சொற்களின் பகுதிக்கூட்டுச் சொல். கருவியில்லாத் தொழில் நுட்பத்தைப் பயன்படுத்துவதை இங்கே குறிக்கிறது. கம்பி யில்லாத் தொழில் நுட்பத்தில் அலைபேசி இயங்குவதால் Mociology என்பதும் அலைபேசி யியல் என்பதைக் குறிக்கிறது.	Mobilology / Mociology

(தொடரும்)

அறிவியல் வகைமைச் சொற்கள் 3000 நூலில் இருந்து