(வெருளி நோய்கள் 36-40 தொடர்ச்சி)

வெருளி நோய்கள் 41-43

41. ‘புணர் வாய்’ /’vagina’ சொல் வெருளி – Yindaophobia

‘புணர் வாய்’ /’vagina’ சொல் குறித்த வரம்பற்ற பேரச்சம் புணர் வாய் /’vagina’ சொல் வெருளி.

பெண்ணின் பிறப்புறுப்பைக் குறிக்கும் ‘vagina’ என்ற  சொல்லைப் பொதுவிடங்களிலும் தனிமையிலும் பெண்ணை வெறுப்பேற்ற சொல்கின்றனர். இப்பொழுது அலைபேசிவாயிலாகவும் தெரிவித்து ஏளனம் செய்வோரும் வெறுப்பூட்டுவோரும் உள்ளனர். எனவே, இச்சொல்லைக் கேட்டதும் வெறுப்பும் பேரச்சமும் கொள்வோர் உள்ளனர்.

00

42. ‘புணர்குறி’ / ‘dick’ சொல் வெருளி Imkengphobia

‘புணர்குறி’ / ‘dick’ சொல்பற்றிய பெருங்கவலையும் பேரச்சமும் ‘புணர்குறி’ / ‘dick’ சொல் வெருளி.

புணர்ச்சி உறுப்புகள் குறித்துக் கேள்விப்பட்டாலும் படத்தைப் பார்க்க நேர்ந்தாலும் அஞ்சுவோர் அந்தச்சொல்லைக் குறிப்பிடவும் அஞ்சுவர்.

காண்க :‘ஆண் குறி ‘/’penis’ சொல் வெருளி – Yinjingphobia

00

43. ‘பூனா’ சொல் வெருளி – Nuyinphobia

‘பூனா’ சொல் (‘pussy’ ) சொல்  தொடர்பான அளவுகடந்த பேரச்சம் ‘பூனா’ சொல் வெருளி.

பூனை அடிக்கடி தன் எச்சிலை முன்னங்காலால் தொட்டு முகத்தைப் பூசிக்கொள்ளும்.எனவே, இதனைப் பூசை என்பர். பூசை என்பதுதான் பூனையாக மாறிற்று என்பர்.

“வெவ்வாய் வெருகினைப் பூசை யென்றலும்” எனத் தொல்காப்பியர் (தொல்காப்பிம், மரபியல் 69) கூறுகிறார்.

ஆனால், தமிழில் பூசை என்பதற்கும் பெண்குறி என்பதற்கும் எத் தொடர்பும் இல்லை. ஆனால், ஆங்கிலத்தில் pussy பூனையைக் குறிப்பதுடன் கோழை அல்லது நலிவடைதல் முதலான வேறு சில பொருள்களையும் குறிக்கும். மேலும் பெண்குறி, கருவாய்க்குழல், பெண்ணுடன் உடலுறவு கொள்ளுதல் ஆகிய பொருளையும் தரும். எனவே, சிலர் இரு பொருளில் குறிப்பதால் இச்சொல்லைக் கண்டு வெறுப்போர் உள்ளனர். எனவே, தமிழில் இத்தகைய தொடர்பு இல்லாவிட்டாலும், பரவலாக இப்பொழுது வழக்கிலில்லாத பூச்சை என்ற சொல்லை முதலில் குறிப்பிட்டேன்.

‘பூனா’ சொல் வெருளி என்றால் ஒலிப்பில் பூனையுடன் ஒத்து வருகிறது. உண்மையில் இதற்கும் பூனைக்கும் தொடர்பில்லை. பெண்குறியைக் கொச்சையாகக் குறிக்கும் மூன்றெழுத்து சொல்லின் முதலெழுத்து அடிப்படையில் இவ்வாறு கூறுவதைக் கதைகளில் பயன்படுத்தி உள்ளனர். எனவே, நேர் பொருளாகச் சொல்வது பொருந்தாது என்பதால் இவ்வாறு குறித்துள்ளேன்.

00

(தொடரும் )

இலக்குவனார் திருவள்ளுவன்

வெருளி அறிவியல் தொகுதி 1/5