(வெருளி நோய்கள் 1106-1110: இலக்குவனார் திருவள்ளுவன் தொடர்ச்சி)

வெருளி நோய்கள் 1111-1115

  1. செந்நெல்லி வெருளி – Kurberiphobia

செந்நெல்லி(Cranberry)குறித்த அளவுகடந்த பேரச்சம் செந்நெல்லி வெருளி.
1959 ஆம் ஆண்டு , செந்நெல்லி அறுவடையில் அமினோட்ரியசோல்(aminotriazole) என்ற களைக்கொல்லி கலந்திருப்பதாக அரசாங்க அறிக்கைகள் தெரிவித்தன, இதனால் இவ்வுணவு மீது அச்சம் ஏற்பட்டது. இதனால் வந்நதே செந்நெல்லி வெருளி( Kurberiphobia)

00

  1. செம்மஞ்சள் முடியர் வெருளி – Gingerphobia

செம்மஞ்சள் நிற முடியுடையவர்களைக்கண்டால் ஏற்படும் தேவையற்ற வரம்பு கடந்த பேரச்சம் செம்மஞ்சள் முடியர் வெருளி.
Ginger என்பதற்கு இஞ்சி முதலான பொருள்களுடன் மங்கிய செம்மஞ்சள் நிறம் என்றும் பொருள் உண்டு. இங்கே செம்மஞ்சள் நிறம் உடைய முடி உடையவர்களைக் குறிக்கிறது.
00

  1. செம்புற்றுப் பழ வெருளி – Fraoulaphobia

செம்புற்றுப் பழம்(Strawberry) பற்றிய அளவுகடந்த பேரச்சம் செம்புற்றுப் பழ வெருளி.
Fraoula என்னும் கிரேக்கச் சொல்லிற்குச் செம்புற்றுப் பழம் எனப்பொருள்.
00

  1. செம்மஞ்சள் வெருளி – Chrysophobia / Sandarakinophobia

செம்மஞ்சள் நிறப் பொருள்கள் குறித்த தேவையற்ற பேரச்சம் செம்மஞ்சள் வெருளி.
chrysos என்னும் கிரேக்கச் சொல்லின் பொருள் பொன் மஞ்சள். sandarakinos என்னும் கிரேக்கச் சொல்லின் பொருள் செம்மஞ்சள்.
ஒவ்வொரு நிறமாகப்பேரச்சம் உள்ளதாகப் படிக்க வேண்டுமா என எண்ணத் தோன்றும். ஆனால், 250,000 அமெரிக்கர்கள் இப்போது செம்மஞ்சள் வெருளிக்கு ஆளாகியுள்ளதாக மருத்துவப் புள்ளிவிவரம் ஒன்று கூறுகிறது. அப்படியானால் பிற நிறங்களின் பேரச்சத்திற்கு ஆளானவர்களும் மிகுதியாகத்தானே இருப்பார்கள்.
00

  1. செம்மர வெருளி – Redwoodphobia

செம்மரம்(Redwood) குறித்த வரம்பற்ற பேரச்சம் செம்மர வெருளி.
செம்மரம், செஞ்சந்தனம் என்றும் அழைக்கப்பெறுகிறது. இம்மரம் பனியைத் தாங்குவதில்லை. எனவே, பனிக்காலத்தில் செம்மரம் வளர்ப்போர் கவலையுறுவர்.
செம்மரங்கள் விலை மதிப்பானவையாக இருப்பதாலும் மருந்துகள், இசைக்கருவிகள், கலைப்பொருள்கள் முதலானவை செய்யப்படுவதாலும் அணுக்கதிர் வீச்சைத் தடுக்கும் வல்லமை உள்ளதாகக் கருதப்படுவதாலும் அடிக்கடி கடத்தப்படுகின்றன. ஆந்திராவில் செம்மரங்களைக் கடத்துவோர் அம்மாநிலத்தவராகவும் கூலிக்கு வெட்டுவோர் தமிழ்நாட்டவராகவும் உள்ளதால் தமிழ்நாட்டவர் பலிகடா ஆக்கப்படுகிறார்கள். இதனாலும் செம்மரம் தொடர்பில் பேரச்சம் வருகிறது.
00


(தொடரும்)
இலக்குவனார் திருவள்ளுவன்
வெருளி அறிவியல் 2/5