(வெருளி நோய்கள் 1241-1245-தொடர்ச்சி)

வெருளி நோய்கள் 1246 -1250

  1. தானி உந்து வெருளி – Jiqimuphobia
    தானியங்கி உந்து(robotic car) தொடர்பான வரம்பற்ற பேரச்சம் தானி உந்து வெருளி.
    இயந்திர இழுவையான ‘ஆட்டோ/ Auto Rickshaw’ என்பதைத் தானி எனத் தமிழன்பர்கள் குறிப்பிடுகின்றனர். (Rickshaw என்பது சப்பானியச் சொல்.) அந்த இடத்தில் அச்சொல் இயந்திரம் என்னும் பொருளில்தான் கையாளப்படுகின்றது. உண்மையில் இந்த இடத்தில்தான் தானி என்பது பொருத்தமாக இருக்கும். இருப்பினும் மிதியூர்தியாகிய ஆட்டோ ரிக்சாவைத்(Auto Rickshaw) தானி எனச் சொல்வது மறையும் வரை robotic car என்பதனைத் தானி உந்து (தானியுந்து) எனலாம்.
    00
  2. திகிலி வெருளி – Deimosphobia
    செவ்வாய்க்கோளின் திகில் உலவி(Mars’s moon Deimos) குறித்த வரம்பற்ற பேரச்சம் திகிலி வெருளி.
    கிரேக்கத் தொன்மைக் கதையின்படி திகில் கடவுள். சுருக்கமாகத் திகிலி எனலாம். இதையே செவ்வாயின் இரட்டைஉலவி ஒன்றின் பெயராகச் சூட்டியுள்ளனர். நாம் இதனைத் திகிலி என்றே கூறலாம். (மற் றொரு உலவியின் பெயர் வெருட்டி/Phobos)
    00
  3. திகில் வெருளி – Tromophobia
    திகில்(terror) குறித்த வரம்பற்ற பேரச்சம் திகில் வெருளி.
    திடீரென்று வெடிக்கும் அதி பயங்கரம், மிகு வன்முறை முதலிய திகில் நிலை குறித்த அளவுகடந்த பேரச்சம் அனைத்துத் தரப்பாரிடமும் உருவாகிறது. 11.09.2001 இல் பன்மாடி அடுக்கத்தில் வானூர்தி மோதி வெடிக்கச்செய்து உயிர்ப்பலி நடைபெற்றது. இந் நிகழ்விற்குப் பின்னர் திகில் வெருளி பலரிடம் பெருகியுள்ளது.
    Tromo என்னும் கிரேக்கச் சொல்லிற்குத் திகில் எனப் பொருள்.
    00
  4. திகைப்பு வெருளி – Anapsychiphobia / Ekplixiphobia / Xafniasmaphobia
    திகைப்பு (பிரமிப்பு) குறித்த வரம்பற்ற பேரச்சம் திகைப்பு வெருளி.
    கிரேக்கத்தில் Anapsychi – கேளிக்கை, Xafniasma – திடுக்கிடல், Ekplixi – வியப்பு எனப் பொருள்கள்.
    கேளிக்கையால், திடுக்கிடும் நிகழ்வால், வியப்பால் பிரமித்து – திகைத்துப்போவது குறித்த வெருளி என்பதால் பொதுவாகத் திகைப்பு வெருளி எனச் சொல்லாம்.
    00
  5. திக்கல் வெருளி-Psellismophobia
    திக்கிப்பேசுவது குறித்த தேவையற்ற அச்சம் திக்கல் வெருளி.
    திக்குவாய் என்பதைக் கொன்னை வாய் என்றும் சொல்வர்.
    திக்கிப்பேசுவதால் பிறரால் மதிக்கமாட்டோம் என்ற எண்ணமும் திக்குவாயால் ஏற்படும் தாழ்வுணர்ச்சியும் திக்கிப்பேசுதல் குறித்த அச்சத்தை மிகுதியாக்குகிறது. திக்கிப் பேசுவதை ஊனமாக எண்ணாமையும் குணப்படுத்த முடியும் என்ற நம்பிக்கையும் அதற்கான முயற்சியும் அதன் மீதான அச்சத்தைப் போக்கும்.
    திக்குவாயரை நகைச்சுவையாகக் காட்டும் பழக்கத்தை ஊடகத்தினர் கை விட வேண்டும். அத்தகைய காட்சிகளைப் படிப்பதால் அல்லது பார்ப்பதால் திக்குவாயினர் தாழ்வுமனப்பான்மையை வளர்த்துக்கொண்டு கவலையையும் அச்சத்தையும் உடன் வளர்த்துக் கொள்கின்றனர்.
    psellismo என்னும் கிரேக்கச் சொல்லிற்குத் திக்குவாய் எனப் பொருள்.

(தொடரும்)
இலக்குவனார் திருவள்ளுவன்
வெருளி அறிவியல் 3/5