ஈராயிரம் துறைகளின் தமிழ்ப் பெயர்கள் 107- 132 : இலக்குவனார் திருவள்ளுவன்

 அகரமுதல

இலக்குவனார் திருவள்ளுவன்      06 January 2022      No Comment

(ஈராயிரம் துறைகளின் தமிழ்ப் பெயர்கள் 79 – 106 இன் தொடர்ச்சி)

ஈராயிரம் துறைகளின் தமிழ்ப் பெயர்கள் 107- 132 

107. இணைமுரண் இறையியல்	Dialectical Theology
108. இணைவிய உளவியல்	Association Psychology
109. இந்தியவியல்	Indology
110. இயக்க இயல்	Kinetics
111. மீ இயற்பியல்   மேம்பூதிகம், அடிப்படைத் தத்துவம், அப்பாலைத் தத்துவம், அப்பாலையியல், இயங்கா வியல், இயல் கடந்த ஆராய்வு, மீ இயற்பியல், மீயியல், மீ இயல், அதீதவியல் எனப் பலவாறாகக் கூறுகின்றனர். அப்பாலை(Apalaí) என்பது பிரேசில் நாட்டில் பேசப்பட்டு வரும் ஒரு கரிபிய மொழி. ஏறத்தாழ 450 பேர் இந்த மொழியைப் பேசுகின்றனர். அப்பாலைமொழி இலத்தீன் எழுத்துகளில் எழுதப்படுகிறது. அதற்கும் இதற்கும் தொடர்பில்லை.	Metaphysics
112. இயங்கியல்	Dynamics
113. இயங்குஉளவியல்	Dynamic Psychology
114. இயங்குபுவிவடிவியல்	Dynamic Geomorphology
115. இயங்குபொருளியல்	Dynamic Economics
116. இயங்கு வானிலையியல்	Dynamic Meteorology
117. இயந்திர உளவியல்	Engineering Psychology
118. இயந்திரனியப் பொறியியல்	Robotics Engineering
119. இயலறிவு உளவியல்   folk  என்றால் நாட்டுப்புறம், நாட்டார், மக்கள், மக்களினம் எனப் பொருள்கள். இங்கே மக்களின் இயல்பான அறிவைக் குறிக்கிறது. எனவேதான் இவ்வியலின் மற்றொரு பெயர் Commonsense Psychology   என்பதாகும். பகுத்தறிவு உளவியல் என்று சிலர் குறிப்பிட்டாலும் பொதுவாக இயலறிவு உளவியல் என்றே குறிப்பது சிறப்பாகும்.	Folk psychology / Commonsense Psychology
120. இயற் தட்பியல்   காண்க : தட்பியல்-Climatology	Physical Climatology
121. இயற்சமயவியல்	Physico Theology
122. இயற்பியப்புவி யியல்	Physical Geology
123. இயற்கணிதமொழியியல்	Algebraic linguistics
124. இயற்கணிதப் பரப்புருவியல் Algebraic Topology என்றால் அறமத் திணையியல் என்றும் இயற்கணிதப் பரப்புருவியல் என்றும் குறிப்பிடுகின்றனர். இயற்கணிதம் என்பதே பரவலாகப் பயன்படுத்துப் படுவதாலும் கணக்குத் துறையில் பரப்புருவியல் என்பதே சரி என்பதாலும் இயற்கணிதப் பரப்புருவியல் என்றே பயன்படுத்தலாம்.	Algebraic Topology
125. இயற்கை இறையியல் (இயற்கைச் சமயம்)	Natural Theology (Natuaral Religion)
126. இயற்கைவளப்பொருளியல்	Natural Resource Economics
127. இயற்பிய ஒளியியல்	Physical Optic
128. இயற்பிய வானிலையியல்	Physical Meteorology
129. இயற்பிய வேதியியல்	Physical Chemistry
130. இயற்பியல் Physicology- இயற்பியல். சிலர் கூகுள் மொழிபெயர்ப்பு அடிப்படையில் தவறுதலாக உடலியல் எனக் குறித்துள்ளனர். Physiological Anthropology –  உடம்பிய மனித வியல்	Physics /  Physicology
131. இயற்பொருளியல்	Sistology
132. இயன்மருத்துவ இயல் Physiotherapy-இயன் மருத்துவம், உடற்பண்டுவம், உடற்பயிற்சி மருத்துவம், உடற்பயிற்சிச் சிகிச்சை, உடலியக்க மருத்துவம், உடலியச்சிகிச்சை, தசைப் பயிற்சி எனப் பலவாறாகக் குறிக்கப் படுகின்றது. முதலில் உடற் பண்டுவம் என்பதே சரியாகப்பட்டது.  Treatment என்பதற்குப் பண்டுவம் எனக் கையாளலாம் என்பதால், இப்பொழுது பரவலாகக் கையாளப்படும் இயன்மருத்துவ இயல் – Physiotherapy என்பதே  அனைவருக்கும் ஏற்றதாக உள்ளது.	Physiotherapy

(தொடரும்)

இலக்குவனார் திருவள்ளுவன்,
அறிவியல் வகைமைச் சொற்கள் 3000

ஈராயிரம் துறைகளின் தமிழ்ப் பெயர்கள் 79-106 : இலக்குவனார் திருவள்ளுவன்

 

அகரமுதல

இலக்குவனார் திருவள்ளுவன்      05 January 2022      No Comment

(ஈராயிரம் துறைகளின் தமிழ்ப் பெயர்கள் 60-78 இன் தொடர்ச்சி)

79. ஆவியியல்   pneûma என்னும் பழங் கிரேக்கச் சொல்லின் பொருள் மூச்சு. நடைமுறையில் ஆவி, தூய ஆவி என்று சொல்கின்றனர். pneûma என்னும் பழங்கிரேக்கச் சொல்லின் பொருள் மூச்சு. நடைமுறையில் ஆவி, தூய ஆவி என்று சொல்கின்றனர். spectrum என்னும் இலத்தீன் சொல்லின் பொருள்கள் தோற்றம், உரு. மாய உருவை – பேயுருவை இதன் மூலம் குறிக்கின்றனர். spook என்பதற்கு ஒல்லாந்தர் (Dutch) மொழியில் பேய் எனப் பொருள்.  fantosme என்னும் பழம்பிரெஞ்சுச் சொல்லின் பொருள் தோற்றம். அனைத்தும் வெவ்வேறு மொழிச்சொல் அடிப்படையில் உருவாகியிருந்தாலும் ஆவியையே குறிக்கின்றன. ஆவிபற்றிய இயல் ஆவியியல். Pneumatology     நல்லுயிரியல் (பரிசுத்த ஆவி) என்றும் கூறுகின்றனர். எல்லாம் ஒன்றுதான். எனவே, தனியாகக் குறிக்கப்பட்டது நீக்கப் பட்டுள்ளது.	Pneumatology, Spectrology, Phantasmology, Spookology
80. ஆழ் உளவியல்	Depth Psychology
81. ஆழ் வளைசலியல்	Deep Ecology
82. ஆழ்துளைப்பாறையியல்	Borehole Lithology
83. ஆளுமை இயல்	Personology
84. ஆறுகளியல்   potamo என்னும் கிரேக்கச் சொல்லின் பொருள் ஆறு.	Potamology
85. ஆற்றலியல்	Energetics
86. ஆற்றல் இயற்பியல்	Energy Physics
87. ஆற்றல் நுட்பியல்	Energy Technology
88. ஆற்றுப் பொறியியல்	River Engineering
89. ஆற்று வடிவியல்   Fluviomorphology என்பது கிளை ஆறுகளியல் எனக் குறிக்கப்பெற்றுள்ளது. Fluvio என்றால்தான் ஆறு. இங்கே கிளைகள் வரவில்லை. எனவே ஆற்று வடிவியல் எனலாம்.	Fluviomorphology /River Morphology
90. ஆற்றுப்படுத்துளவியல்	Counselling Psychology
91. இசுலாமியஅரசியல்	Islamic politics
92. இசுலாமியல்	Islamology
93. இசைஒலியியல்	Musical Acoustics
94. இசைக்கருவியியல்	Organology
95. இசைப்பியல்	Harmonics
96. இசையியல்	Musicology
97. இடியியல்	Brontology
98. இடை நுட்பியல்	Intermediate Technology
99. இடை மாற்றியல்   இடைநிலை உரு மாற்றியல் என்பது சுருக்கமாக இடை மாற்றியல் எனப்படுகிறது.	Metarheology
100. இடை  வானிலையியல்   Meso என்பது இடை(நிலை) என்னும் பொருளிலான முன்னொட்டாகும். நுண் எனச் சிலர் கையாள்வது தவறான பொருளைத் தரும். வட்டாரவானியல் என்பதைவிட இடை வானிலையியல் சரியாக உள்ளது.	Mesometeorology
101. இடைவளசையியல்   Mesology – சூழலியல், இடைச்சூழலியல் என்கின்றனர். Mesology என்பது சுற்றுப்புறவியலின் முந்தைய பெயராகும். mésos என்னும் கிரேக்கச்சொல்லின் பொருள்கள் நடு, இடை என்பனவாகும்.  இதனை இடைவளசையியல்  – Mesology எனலாம்	Mesology
102. இட்டைட்டு (பேரரசு) இயல்   இட்டைட்டு மொழி, இந்திய-ஐரோப்பிய மொழிகளில் ஒன்றான, அனதோலியா மொழிகளில் ஒன்றாகும். இட்டைட்டு மொழி பேசிய இட்டைட்டு மக்கள், வடமத்திய அனதோலியாவில், இக்காலத் துருக்கி, சிரியா, இலெபனான் பகுதிகளை, அட்டுசா எனும் நகரத்தை தலைமையிடமாகக் கொண்டு, கிமு 1,600 முதல் கிமு 1,178 முடிய  ஆட்சி செய்தனர். இப்பேரரசு குறித்த ஆய்வியல்.	Hittitology
103. இணக்க ஒளியியல்	Adaptive optics
104. இணைப்பியல்	Topology(3)
105. பிணைப்பியல்   connectere என்னும் இலத்தீன் சொல்லின் பொருள் ஒன்றாகக் கட்டுதல். con-  என்றால் ஒன்றாக என்றும்‎ nectere கட்டுதல் என்றும் பொருள்கள். முதலில் இணைப்பியல் எனக் குறித்திருந்தேன். ஆனால் இணைப்பியல் என்பது Topology (3) எனக் குறிப்பதால் பிணைப்பியல் என மாற்றி உள்ளேன்.	Connectology
106. இணை முரணியல்	Dialectics

(தொடரும்)

இலக்குவனார் திருவள்ளுவன்,
அறிவியல் வகைமைச் சொற்கள் 3000

ஈராயிரம் துறைகளின் தமிழ்ப் பெயர்கள் 60-78 : இலக்குவனார் திருவள்ளுவன்

 அகரமுதல

இலக்குவனார் திருவள்ளுவன்      04 January 2022      No Comment

(ஈராயிரம் துறைகளின் தமிழ்ப் பெயர்கள் 44-59 இன் தொடர்ச்சி)

60. அறியாப்பறப்பியல் பறக்கும் தட்டு ஆய்வியல், அறியா பறக்கும் பொருளியல், அறியாப் பறப்பியல்   எனப்படுகிறது. Ufo என்பது unidentified flying object என்பதன் தலைப் பெழுத்துச் சொல்லாகும். இதன் பொருள் அடையாளம் அறியாத பறக்கும் பொருள் என்பதாகும். இதனைச் சுருக்கமாக அறியாப் பறப்பியியல்  – Ufology எனலாம்.	Ufology
61. அறிவீட்டவியல்	Gnoseology
62. அறுவடை பிந்திய நுட்பியல்	Post Harvest Technology
63. அறை ஒலியியல்	Room Acoustics
64. அற்பச் செய்தியியல்   leptós என்னும் பழங்கிரேக்கச் சொல்லிற்கு மெல்லிய, குறுகிய, அற்ப எனப்பொருள்கள். அற்பச்செய்திகள் குறித்த இயல் என்பதால் அற்பச்செய்தியியல் எனலாம்.	Leptology(2)
65. அற்பத் திணைஇயல்   lepto என்னும் பழங்கிரேக்கச் சொல்லின் பொருள் மெல்லிய, குறுகிய என்று பொருள்கள். அற்பம் என்னும்  பொருளில் பயன்படுத்தியுள்ளனர்.	Trivial Topology
66. அனைத்துச் சமயவியல்   Pan என்னும் பழங்கிரேக்கச் சொல்லின் பொருள் அனைத்து.	Pantheology
67. ஆக்கப் பொறியியல்   உருவாக்கம், செய்பொருள் ஆக்கம் ஆகியவற்றின் சுருக்கமாக ஆக்கம் எனப் படுகிறது. உற்பத்தி என்பதை production எனச் சொல்லலாம்.	Manufacturing Engineering
68. ஆசானியல்   Pedagogy – ஆசிரியரியல், போதனைமுறை, ஆசானியல், போதனைமுறை, கல்வியியல், ஆசிரியரியல் போதனை முறை, கற்பிக்கும் கலை, கற்பித்தல் முறை எனப் பல வகையாகக் குறிப்பிடுகின்றனர். போதனை தமிழ்ச் சொல்லன்று.  Patrology என்பதைக் கற்பிப்பியல் என்பதால் இங்கே கற்பித்தல் தொடர்பான சொற்கள் தவிர்க்கப்பட்டன. ஆசிரியப் பயிற்சிக்குரிய கல்வியியல் என்பதால் ஆசானியல் – Pedagogy என்பது ஏற்கப்பட்டுள்ளது. paidagōgía என்னும் கிரேக்கச் சொல்லில் இருந்து ஃபிரெஞ்சு மொழி வழியாக இச்சொல் இடம் பெற்றுள்ளது.	Pedagogy
69. ஆடல் தொற்றுஇயல்	Dance Epidemics
70. ஆடவர் நோயியல் Andro என்னும் பழங்கிரேக்கச் சொல்லின் பொருள் ஆண்.	Andrology
71. ஆடிஒளியியல்	Mirror Optics
72. ஆட்சிமாற்றஇயல்	Transitology
73. ஆமையியல்	Testudinology /  Chelonology /  Cheloniology
74. ஆயுதவியல்	Hoplology
75. ஆய்திட்டவியல்	Projectiology
76. ஆய்வு வினையியல்	Sakanology
77. ஆர்மீனியரியல்	Armenology
78. ஆவணவியல்	Anagraphy

(தொடரும்)

இலக்குவனார் திருவள்ளுவன்,
அறிவியல் வகைமைச் சொற்கள் 3000