ஈராயிரம் துறைகளின் தமிழ்ப் பெயர்கள்: 1253 – 1269 : இலக்குவனார் திருவள்ளுவன்

 அகரமுதல

இலக்குவனார் திருவள்ளுவன்      10 April 2022      No Comment

(ஈராயிரம் துறைகளின் தமிழ்ப் பெயர்கள்  1241- 1252 இன் தொடர்ச்சி)

1253. பாறை இயற்பியல்	Petrophysics
1254. பாறை நகர்வியல்	Petrotectonics
1255. பாறை விசையியல்	Rock mechanics
1256. பாறைக் காந்தவியல் Palaeo என்பதற்குப் பண்டைய என்பதுதான் பொருள். எனினும் இங்கே பண்டைய தோற்றமான பாறையைக் குறிப்பிடுகிறது. எனவே  பாறைக் காந்த வியல் எனப்படுகிறது.	Palaeo Magnetism
1257. பாறையியல் Litho என்னும் கிரேக்கச் சொல்லின் பொருள் பாறை/கல். Petra என்னும் இலத்தீன் சொல்லின் பொருள் பாறை.	Lithology / Lithoidology/ Petrology
1258. பாற்கட்டிஇயல்	Cheesology / Fromology
1259. பான்மைஇயல்	Characterology
1260. பிசாசியல்	Diabology
1261. பிட்ட  ஆரூடவியல். Rump என்றால் பிட்டம் எனப் பொருள். உடலின் ஆசனப் பக்கம் பிட்டம் அல்லது புட்டம் எனப்படுகிறது. பிட்ட அடிப்படையில் எதிர் காலத்தைக் கணித்து ஆரூடம் சொல்வது பிட்ட ஆரூடவியல்.	Rumpology
1262. நோய்ப்புள்ளி யியல் Morbidity Statistics– நோய் புள்ளியியல், பிணிநிலை புள்ளியியல்  எனப்படுகிறது. இவற்றில் சுருக்கமான நோய் புள்ளியியல் இடையில் ஒற்று சேர்த்து நோய்ப்புள்ளியியல் – Morbidity Statistics என இங்கே பயன்படுத்தப்பட்டுள்ளது.	Morbidity Statistics
1263. பிணைப்பு நுட்பியல்	Linkage technology
1264. பிந்தைய பட்டுக்கூட்டு நுட்பியல்	Post cocoon technology
1265. ஒத்த அண்டவியல்  ஒத்த அண்டங்களை வகைப்படுத்திய இலுயூகி பியான்சி(Luigi Bianchi) பெயரில் பியான்சி அண்டங்கள் எனப்படுகின்றன. இதனை ஆராயும் துறை ஒத்த அண்டவெளியியல் அல்லது ஒத்த அண்டவியல்.  பொதுவாக, அவ்வறிஞர் பெயரில் பியான்சி அண்டவியல் என்று சொல்லப்படுகிறது.	Bianchi cosmology
1266. பிரிநிலைக் கணக்கியல்	Discrete mathematics
1267.  பிரிநிலைத் திணையியல்	Discrete topology
1268. பிறகோள் திணையியல் héteros என்னும் கிரேக்கச்சொல்லின் பொருள் பிற.  Topos என்னும் கிரேக்கச் சொல்லின் பொருள்  இடம். இரண்டும் சேர்ந்து இங்கே பிற கோள் என்னும் பொருளில் வருகிறது.	Heterotopology
1269. பிறழ்நர் இயல்	Kookology

(தொடரும்) 

இலக்குவனார்திருவள்ளுவன்,
அறிவியல் வகைமைச் சொற்கள் 3000

ஈராயிரம் துறைகளின் தமிழ்ப் பெயர்கள்: 1241- 1252 : இலக்குவனார் திருவள்ளுவன்

 அகரமுதல

இலக்குவனார் திருவள்ளுவன்      09 April 2022      No Comment

(ஈராயிரம் துறைகளின் தமிழ்ப் பெயர்கள்  1225 – 1240 இன் தொடர்ச்சி)

1241. பார்ப்பியல் neos என்னும் கிரேக்கச் சொல்லின் பொருள்கள் இளமை, புதிய. Neossos என்பது இளம்பறவை எனப் பொருள். “மாற்றருஞ் சிறப்பின் மரபியல் கிளப்பின் பார்ப்பும் பறழும் குட்டியும் குருளையும் கன்றும் பிள்ளையும் மகவும் மறியும் என்று ஒன்பதும் குழவியோடு இளமைப் பெயரே” என்னும் தொல்காப்பியப் பொருளதிகார நூற்பா(548) மூலம் தொல்காப்பியர் பறவை களின் இளமைப் பெயராகப் பார்ப்பு எனக் குறிப்பிடுகிறார். எனவே, பார்ப்பியல் எனலாம்.	Neossology
1242. பார்வல் வானிலையியல் தொலைக்கண்டுணர்வி(Radio Direction And Ranging-RADAR), வானொலி அலைகள் அல்லது நுண் அலைகளைப் பயன்படுத்தித் தொலைவில் உள்ள போர் விமானங்கள், கப்பல்கள் முதலான நடமாட்டத்தைக் கண்டுணரும் கருவியமைப்பாகும். பருந்துகளும் பறந்து செல்ல இயலா உயரத்தில் இருந்து தொலைவில் உள்ள எதிரிகளின் நடமாட்டத்தைக் கண்டுணர்ந்துள்ளனர் தமிழர்கள். இதனைப் பார்வல் என்றனர். ‘பார்வல்’ என்றால் தொலை உணர்வுப் பார்வை வல்லமை மிக்க அமைப்பு. எனவே. ‘இராடார்’ என்பதற்கான ஒற்றைச் சொல்லாக இதனைக் கையாளலாம். இன்றைய அறிவியல் நுட்பக் கருவி செய்வதை அன்றைக்கு ஆட்கள் செய்துள்ளனர். எனினும் அதற்குத் துணைக்கருவிகள் இருந்திருக்க வேண்டும். அவை பற்றிய விவரம் தெரியவில்லை.	Radar Meteorology
1243. பார்வையியல்	Optics/Optology
1244. பாலங்களியல்	Gephyrology
1245. பாலணுவியல்	Gametology
1246. பாலியல்	Sexology
1247. பாலினக் கருத்தியல்	Gender ideology
1248. பாலூட்டிஇயல்/ பாலூட்டியல்	Mammalogy / Mazology
1249. பாலூட்டியின உயிரியல்	Therology
1250. பாலையியல்	Eremology
1251. பால்கனிய அரசியல்	Balkan politics
1252. பால்நோயியல் கலவிமேகவியல், பால்வினை நோய் இயல், பால்வினை மருத்துவம், மேகநோய் ஆய்வு நூல், மேகநோய்ச் சிறப்பு மருத்துவத் துறை எனப்படுகின்றது. ஆணின் பிறப்புறுப்பில் புண்களை உண்டாக்கும் ஒரு பால்வினை நோய் குறித்த அறிவியல். இவற்றுள் தீய நீரால் உண்டாம் நோய்வகையைக் குறிக்கும் மேகநோய். (மேகம் + நோய்) என்பதும் தமிழ்ச்சொல்லே. மேகத்திலிருந்து நீர் வெளிப்படுவதுபோல் இந்நோயினால் ஏற்படும் புண்ணிலிருந்து நீர் வெளிப்படுவதால் மேகநோய் என்பர். பால்வழி பரவும் நோய் / sexually transmitted disease (பா.ப. நோ./S.T.D.) எனவும் இதனைக் குறிப்பர். (பால் என்பது பாலுறவைக் குறிக்கிறது.) கலவியால் ஏற்படுவதால் கலவி மேகவியல் எனக் குறிக்கின்றனர். எனினும் பால்வினை நோய்களைப் பொதுவாகக் குறிப்பிடும் வகையில் பால்வினைநோயியல் > பால்நோயியல் – Venereology எனப் பயன்படுத்தப்பட்டுள்ளது.	Venerology/ Venereology

(தொடரும்) 

இலக்குவனார்திருவள்ளுவன்,
அறிவியல் வகைமைச் சொற்கள் 3000

ஈராயிரம் துறைகளின் தமிழ்ப் பெயர்கள்: 1225 – 1240 : இலக்குவனார் திருவள்ளுவன்

 அகரமுதல

இலக்குவனார் திருவள்ளுவன்      08 April 2022      No Comment

(ஈராயிரம் துறைகளின் தமிழ்ப் பெயர்கள்  1210 – 1224   இன் தொடர்ச்சி)

1225. பன்னாட்டுப் பொருளியல்	International economics
1226. பாசக்கியூ இயல் ஐரோப்பாவிலுள்ள பீரெனே (Pyrenees) மலைத்தொடரின் மேற்குப் பகுதியில் உள்ள பாசக்கியூ(பாசுக்கு) நாட்டில் வாழும்  பாசக்கியூ மக்களால் பேசப்படும் மொழியே பாசக்கியூ மொழி அல்லது ஈசுகரா மொழி(Basque/Euskara) ஆகும். இம்மொழி பேசும் மக்களின் கலை, பண்பாடு முதலிய குறித்து ஆராயும் துறையே பாசக்கியூ இயல்.	Bascology
1227. பாசி உயிரிய நுட்பியல்	Algae biotechnology
1228. பாசியியல் Phycology/Algalogy/Sphagnology– கடற்பாசி இயல், சாதாழையியல்,  பாசிஇயல், பாசியியல், அல்காவியல், ஆல்கவியல் எனப்படுகின்றன. இவற்றுள் பின்னிரண்டும் ஒலிபெயர்ப்புச் சொற்கள். எனவே, விலக்க வேண்டும். Phykos என்னும் கிரேக்கச் சொல்லின் பொருள் கடற்பாசி. Alga என்பதும் இதைத்தான் குறிக்கிறது. Sphagnology என்பதற்குச் சா தாழையியல் பொருத்தமாக உள்ளது. இதனைத் தரைப்பாசியியல் என்று சொல்லலாமோ என்றும் தோன்றுகிறது. எனினும் மூன்றுமே பாசியைப்பற்றிய அறிவியலின் வெவ்வேறு பெயர்கள். எனவே, பாசியியல் – Phycology / Sphagnology/ Algalogy எனலாம்.	Phycology / Sphagnology/ Algalogy
1229. பாசியினவியல்	Muscology
1230. பாட்டை  இணைப்பியல் topology என்பது திணையியல் என்றும் பரப்புருவியல் என்றும் குறிக்கப்படுகிறது. எனினும் இந்த இடத்தில் பயன்பாட்டு அடிப்படையில் இணைப்பியல் எனப்படுகிறது. Bus என்பது இங்கே பேருந்து என்பதைக் குறிக்காது. பாட்டை எனப் பொருள்படும்.	Bus topology
1231. பாதவியல் Podology – பாதவியல், அடிக்காலியல், காலடியியல் என மூவகையாகக் கூறப் படுகின்றது. Podós என்னும் கிரேக்கச் சொல்லின் பொருள் பாதம். நாம் ஒரே சொல்லையே எல்லா இடங்களிலும் கையாள வேண்டும். (நிலத்தில்)பதி(யும் உறுப்பு) என்பதன் அடிப்படையில் உருவான பாதம் என்பதும் தமிழ்ச்சொல்தான். குறைந்த எழுத்துகள்கொண்ட பாதவியல் என்பதையே நாம் பயன்படுத்தலாம். 1232. பாதவியல் –  Podology	Podology
1233. பாப்பிரசு சுவடியியல்	Panyrology
1234. பாம்பியல்	Ophiology / Serpentology
1235. பாய்ம இயங்கியல்	Fluid Dynamics
1236. பாய்ம நிலையியல்	Fluid statics
1237. பாய்ம விசையியல்	Fluid mechanics
1238. பாய்மவியல்	Fluidics
1239. பாய்வியல் உருமாற்றவியல், பாய்ம மீள்மையியல், பாய்வியல் என மூவகையாகக் குறிக்கின்றனர். Rheo என்றால் பாய்வு எனப் பொருள். எனவே, பாய்வியல் சரிதான். பாய்மத்தால் உருமாற்றம் ஏற்படுவதன் அடிப்படையில் உருமாற்றவியல் என்றும்  பாய்ம மீள்மையியல் என்றும் குறிக்கின்றனர். எனினும் சுருக்கமாக நாம் பாய்வியல் என்றே குறிக்கலாம்.	Rheology
1240. பாரம்	Ton

(தொடரும்) 

இலக்குவனார்திருவள்ளுவன்,
அறிவியல் வகைமைச் சொற்கள் 3000

ஈராயிரம் துறைகளின் தமிழ்ப் பெயர்கள்: 1210 – 1224 : இலக்குவனார் திருவள்ளுவன்

 அகரமுதல

இலக்குவனார் திருவள்ளுவன்      07 April 2022      No Comment

(ஈராயிரம் துறைகளின் தமிழ்ப் பெயர்கள்  1190 – 1209 இன் தொடர்ச்சி)

1210. பறியியல் பறிதல் என்றால் ஒலியுடன் வெளிப்படுதல் எனப் பொருள். பின்வாய் வழியாக வெளியேறும் காற்று பறி எனப்படுகிறது. அதனை நாம் ககர உகரத்திலும் சகரஉகரத்திலும் சேர்த்துக் கூறுவது வழக்கம். இருப்பினும் இச்சொல்லைச் சொன்னாலே கெட்ட நாற்றமே நினைவிற்கு வருவதால், இச்சொல்லைப் பயன்படுத்தப் பலரும் தயங்குவர். எனவே, இது குறித்த ஆராய்வியலைப் பறியியல் எனலாம்.

Flatology

1211. பற் கட்டுப்பாட்டியல்	Contrology
1212. பற்களியல்	Odontology
1213. பற்சிதைவியல்	Cariology
1214. பற்சீரமைப்பியல்	Orthodontics/ Orthodontia
1215. பற்பதியவியல் Implantology – செயற்கைப் பல் இணைப்பியல், பல் பதிய இயல், உள்வைப்பியல்,  உட்பதிவியல், அச்சம் நீக்கும் மருத்துவம், உணர்வகற்றும் மருத்துவம் எனப்படுகின்றது. பின்னிரண்டும் பொதுவானது. ஆதலின் இங்கே பொருந்தி வராது. பிற அனைத்துமே சரிதான். எனினும் உட்பதிவியல் என்பது பதிவுத்துறை சார்ந்ததாக எண்ணப்படலாம். உள்வைப்பியல் என்பது தொகை வைப்பு  தொடர்பாகக் கருதப்படலாம். எனவே, சுருக்கமாகப் பல்பதிய இயல் > பற்பதியவியல் எனலாம்.	Implantology
1216. பற்றுறுதியியல்	Pisteology
1217. பனி உறைவியல் Cryopedology- குளுமை உறைநிலைப்பியல், குளுமை உறைவியல், உறைநிலையியல்,  தாழ்வெப்ப உறைநிலைப்பியல், தாழ்வெப்பநிலை உறைவியல், உறைபனியியல், குளுமையியல் எனப் பலவாறாகக் கூறப் படுகின்றது. cryos என்னும் கிரேக்கச் சொல்லின் பொருள் மிகு குளிர் / பனிக்குளிர். cryo என வரும் முன்னொட்டைப் பனி என்றே பிற இடங்களில் குறித்துள்ளோம். எனவே, பனி உறைவியல் –  cryopedology  எனலாம்.	Cryopedology
1218. பனிக்  கால நிரலியல்	Glacial Chronology
1219. பனிநில அதிர்வியல்	Cryoseismology
1220. பனிநிலை உயிரியல் பழங்கிரேக்கச் சொல்லில் இருந்து உருவான cryo- என்னும் சொல்லின் பொருள் குளிர்ச்சி/ பனி. பனிநிலைச் சூழலில் வாழும் உயிரிகள் பற்றிய ஆய்வு. முதலில் தண்ணுயிரியல் எனக் குறித்திருந்தேன். சொற்சீர்மை கருதிப் பனிநிலை உயிரியல் என மாற்றியுள்ளேன்.	Cryobiology
1221. பனிநிலைப் பொறியியல்	Cryogenic Engineering
1222. பனிநிலையியல் Cryogenics – மீக்குளிர் நுட்பவியல், உறைவியல், கடுங்குளிரியல், தண்ணாய் வியல், தண்ணியல், குளிரியல், தாழ் வெதணநிலை, வினை முறை ஆய்வியல், தாழ் வெப்ப நிலையியல், தாழ் வெப்பவியல், பனிநிலையியல், தாழ் வெப்பநிலை, மீக் குளிர்வியல், தாழ்ந்த தட்பவெப்ப நிலைபற்றிய இயற்பியலின் கிளைத்துறை எனப் பலவாறாகக் கூறப்படுகிறது. இவற்றுள் இறுதியாகக் கூறப்பட்டது சொல்லாக இல்லாமல் விளக்கமாக உள்ளது. தண் என்பது குளிர்ச்சியைக் குறிப்பதுதானே. எனவே, சுருக்கமாகத் தண்ணியல் என முதலில் குறித்திருந்தேன். எனினும் சீர்மை கருதிப் பனி என்னும் சொல்லையே கையாள்வதே சிறப்பு என முடிவிற்கு வந்தேன். மீக்குளிர், தாழ் வெப்பம் முதலிய எல்லாம் பனிக்குரியவை தானே! Cryo என்பது பனி என்றே பிற இடங்களில் பயன்படுத்தப் பட்டுள்ளதால் பனிநிலையியல் –  Cryogenics எனலாம்.	Cryogenics
1223. பனிப்புவி யியல்	Glacial geology
1224. பனியியல் Glaciology– பனிப்பாளவியல், பனியாற்றியல், பனியாற்றியியல்,  பனிப்பாறை யியல் என நால்வகையாகக் கூறப்படுகின்றது. Glacial chronology – பனியூழிக் காலவியல்  எனப்படுகின்றது. Glacies என்னும் இலத்தீன் சொல்லின் பொருள் பனி. இதிலிருந்து உருவானதே Glaciology. எனவே, பனியியல் என்றாலே போதுமானது. ஒரே சொல்லிற்குப் பொருள்களாகப் பனியாறு, பனிப்பாளம், பனிப்பாறை என வேறுபடுத்த வேண்டா.  பனியியல்  – Glaciology ; பனிக்காலவியல் – Glacial chronology; கதிரியப் பனியியல் –  Radioglaciology;  பனிப் புவியியல் – Glacial geology.	Glaciology

(தொடரும்) 

இலக்குவனார்திருவள்ளுவன்,
அறிவியல் வகைமைச் சொற்கள் 3000