(வெருளி நோய்கள் 1411 -1415: தொடர்ச்சி)

வெருளி நோய்கள் 1416 -1420

  1. நடை பேசி வெருளி – Buhuajiphobia

நடை பேசி குறித்த வரம்பற்ற பேரச்சம் நடை பேசி வெருளி.
நடைபேசிகள்(walkie-talkies) காவல் துறையினரால் பயன்படுத்தப் படுகின்றன. எனவே, காவல் துறையின் குறியீடாகக் கொண்டு இவை குறித்துப் பேரச்சம் கொள்வோர் உள்ளனர். காவலர் சிலர் கவனக் குறைவால் தமக்குரிய நடைபேசியைத் தொலைத்துள்ளனர்.இதுபற்றி அறிந்த பிறர் விழிப்பாக இருப்பதற்கு எண்ணி அளவு கடந்து கவலைப்படுகின்றனர்.
00

  1. நட்பு ஏற்காமை வெருளி – Amicusophobia

முகநூலில் ஒருவர் விடுக்கும் நப்புக் கோரிக்கையை மற்றவர் ஏற்காததால் வரும் அளவுகடந்த பேரச்சம் நட்பு ஏற்காமை வெருளி.
எல்லாக் குமுகத் தளங்களிலும் கோரிக்கை ஏற்காமை குறித்த பொது வெருளியாக இதைக் கருதலாம். கோரிக்கை ஏற்கப்படாததால் வெறுப்போர் இருப்பதாகக் கருதி அளவு கடந்த பேரச்சம் கொள்கின்றனர்.

Amicus என்னும் இலத்தீன் சொல்லிற்குப் பொருள் நட்பு. இங்கே நட்பு மீது அச்சம் ஏற்பட்டு அதனை ஏற்காமையைக் குறிக்கிறது.
00

  1. நண்டு வெருளி- Kavouriphobia/Kabourophobia

நண்டு தொடர்பான அளவுகடந்த பேரச்சம் நண்டு வெருளி.
உயிருள்ள நண்டுகள் குறித்துப் பேரச்சம் கொள்வோரும் உள்ளனர். நண்டுக்கறி குறித்துப் பேரச்சம் கொள்வோரும் உள்ளனர்.
Kavouri/kabouros ஆகிய கிரேக்கச் சொற்களுக்கு நண்டு எனப் பொருள்.
காண்க: கடல் நண்டு வெருளி(Astakophobia)
00

  1. நண்பர் வெருளி – Amicophobia

நண்பர் தொடர்பான அளவுகடந்த பேரச்சம் நண்பர் வெருளி.
நண்பர்களால் தம்முடைய கமுக்கச் செய்திகள் பரவுமோ, நண்பர்கள் திசைமாறிப் போவார்களோ என்ற கவலை பேரச்சமாக மாறி நண்பர் வெருளிக்கு ஆளாகின்றனர்.
நட்பிற்கும் கூடா நட்பிற்கும் வேறுபாடு காணத் தெரியாமலும் நண்பர் வெருளிக்கு ஆளாகின்றனர்.
Amico என்னும் இத்தாலியச் சொல்லிற்கு நண்பன் எனப் பொருள்.
00

  1. நமைச்சல் வெருளி – Pruritophobia

நமைச்சல் பற்றிய பெருங்கவலையும் பேரச்சமும் நமைச்சல் வெருளி.
pruritus என்னும் இலத்தீன் சொல்லிற்கு நமைச்சல் எனப் பொருள்.
00

(தொடரும்)
இலக்குவனார் திருவள்ளுவன்
வெருளி அறிவியல் 3/5