(வெருளி நோய்கள் 256 – 260 தொடர்ச்சி)

வெருளி நோய்கள் 261 – 265

261. ஆமை வெருளி – Chelonaphobia

ஆமை, கடலாமை பற்றிய அளவுகடந்த பேரச்சம் ஆமை வெருளி.

00

262. ஆய்வக வெருளி – Laboratoryphobia

ஆய்வகம் பற்றிய பெருங்கவலையும் பேரச்சமும் ஆய்வக வெருளி.

வேதியப்பொருள்கள்(chemicals) மீதான ஒவ்வாமை, பேரச்சம் உள்ளவர்கள் ஆய்வகம் அல்லது ஆய்வுக்கூடம் பற்றிப் பேரச்சம் கொள்கின்றனர்.

ஆய்வின் பொழுது தவறு நேர்ந்து தீய வாயு வெளியேறும், தீப்பிடிக்கும், கண்ணாடிக் குடுவைகள் உடைய நேரிடும், இவற்றால் உடலுக்குத் தீங்கு நேரிடலாம், உயிரிழப்பும் நேரலாமஎன்பன போன்ற அச்சங்கள் ஏற்பட்டு ஆய்வக வெருளிக்கு ஆட்படுகின்றனர்.        

00

263. ஆரிகன் வெருளி – Oregonphobia 

ஆரிகன்( Oregon) குறித்த வரம்பற்ற பேரச்சம் ஆரிகன் வெருளி.

ஆரிகன்/ஓரிகன் ஐக்கிய அமெரிக்காவில் 33 ஆவது மாநிலமாக 1859இல் இணைந்தது. இதன் தலைநகரம் சேலம்(Salem). பழங்குடியினர் பெரும்பான்மையர் வசித்து வந்த நிலப்பகுதி இது.

ஆரிகன்/ஓரிகன் மக்கள், வாழ்க்கை முறை, உணவுப்பழக்க வழக்கம், நாகரிகம்,பண்பாடு முதலியன குறித்த பேரச்சம் கொள்கின்றனர்.

00

264. ஆர்கன்சாசு வெருளி – Arkansasphobia

ஆர்கன்சாசு(Arkansas) மாநிலம் குறித்த வரம்பற்ற பேரச்சம் ஆர்கன்சாசு வெருளி.

முதல் எழுத்து குறிலாக இருக்கும் பொழுது இரண்டாவது எழுத்து ‘ர்’ ஆக இருந்தால் ‘ரு’ வடிவம் பெறும். ஆனால், ‘ர்’ என்றே ஒலிக்கும் வகையில் முதல் எழுத்தை நெடிலாக உச்சரித்தால் சொல்லினிமை ஏற்படுகிறது. எனவே, அருக்கன்சாசு என்பதை விட ஆர்கன்சாசு  என்பது நன்றாக உள்ளது. ஐக்கிய அமெரிக்காவில் 25 ஆவது மாநிலமாக 1836 இல் இணைந்தது இது. தென்பகுதியில் அமைந்துள்ள இதன்தலைநகரம் சிறுமலை(Little Rock)

ஆர்கன்சாசு மாநிலம், மக்கள், அவர்களின் நாகரிகம், உணவு, பண்பாடு, கொடி, முத்திரை, பழக்க வழக்கம், முதலானவற்றின்மீதான வெறுப்பும் பேரச்சமும் ஆர்கன்சாசு வெருளியை உருவாக்கிறது.

00

265. ஆர்தர் வெருளி – Arthurphobia

புனைவுரு ஆர்தர்(Arthur Timothy Read) குறித்த வரம்பற்ற பேரச்சம் ஆர்தர் வெருளி.

மார்க்கு பிரெளன் (Marc Brown) உருவாக்கிய ஆர்தர்  புத்தகத்திலும் தொலைக்காட்சி அசைவூட்டத் தொடரிலும் ஆர்தர் திரிமோதி முதன்மைப் பாத்திரம்.

00

(தொடரும்) 

இலக்குவனார் திருவள்ளுவன், 

வெருளி அறிவியல் தொகுதி 1/5