(வெருளி நோய்கள் 261 – 265 தொடர்ச்சி)

வெருளி நோய்கள் 266 – 270

266. ஆர்லண்டோ வெருளி – Orlandophobia 

ஆர்லண்டோ(Orlando) நகரம் தொடர்பான அளவுகடந்த பேரச்சம் ஆர்லண்டோ வெருளி.

ஆர்லண்டோ / ஓர்லாண்டோ ஐக்கிய அமெரிக்காவின் புளோரிடா மாநிலத்திலுள்ள புகழ்பெற்ற நகரமாகும். இங்கே உலகப்புகழ்பெற்ற திசுனிஉலகம்,  உலகளாவிய(யுனிவெர்சல்) பொழுதுபோக்குப் பூங்காக்கள் உள்ளன.

ஆர்லண்டோ நகரம், பொழுதுபோக்கு அரங்கங்கள், உணவுமுறை முதலான பல குறித்தும் பேரச்சம் கொள்கின்றனர்.

00

267. ஆர்வ வெருளி – Endiaferonphobia 

ஆர்வம் தொடர்பான அளவுகடந்த பேரச்சம் ஆர்வ வெருளி.

காண்க  :  அவா வெருளி – Periergeiaphobia

00

268. ஆர்வப்பெயர்ச்சி வெருளி –Anoraknophobia

ஆர்வப்பெயர்ச்சி குறித்த வரம்பற்ற பேரச்சம் ஆர்வப்பெயர்ச்சி வெருளி.

‘anorak’, ‘arachnophobia’ ஆகியவற்றின் ஒட்டுச்சொல்லே இச்சொல். தேவையற்ற தவறான பேரார்வத்தின் அடிப்படையிலான இடப்பெயர்ச்சி குறித்த அளவு கடந்த பேரச்சம்.

00

269. ஆர்னால்டு வெருளி – Arnoldphobia

புனைவுரு ஆர்னால்டு(Arnold) குறித்த வரம்பற்ற பேரச்சம் ஆர்னால்டு வெருளி.

சாலப்பள்ளிப்பேருந்து (The Magic School Bus)  என்னும் அசைவூட்டப் படத்  தொடரில் புனைவுரு பாத்திரம் ஆர்னால்டு மாத்தியூ பெர்லிசுடன்(Arnold Matthew Perlstein).

00

270. ஆலங் கட்டி மழை வெருளி – Grandophobia

ஆலங் கட்டி(hail) மழை தொடர்பான அளவுகடந்த பேரச்சம் ஆலங் கட்டி மழை வெருளி.

00

(தொடரும்) 

இலக்குவனார் திருவள்ளுவன், 

வெருளி அறிவியல் தொகுதி 1/5