மெய்ம்மிகள் (திசுக்கள்) / tissues

மெய்ம்மிகள் (திசுக்கள்)  (Tissues)

- இலக்குவனார் திருவள்ளுவன்

ஆகத்து 29, 2012    12:03  இந்தியத் திட்ட நேரம்

உடல் என்றும் கூறப்பெறும் மெய்அமைய ஏதுவாக ஓரே திறனும் ஒத்த பண்பும் கொண்ட உயிர்மிகள்(cells) இணைவதற்கு மெய்ம்மிகள் என்று பெயர். திசு எனத் திஃச்யூ (tissue) என்னும் சொல்லின் தமிழ் ஒலிவடிவமாகக் கூறப்படுவது இதுவே ஆகும். நெய்வு என்னும் பொருளுடைய இலத்தீன் சொல், பழைய பிரெஞ்சில் இடம் பெற்று, . அதிலிருந்து இடைக்கால ஆங்கிலத்தில் உயர்வகைத் துணியைக்குறிக்கும் (tissu என்னும்) சொல்லில் இருந்து பிறந்ததே திஃச்யூ(tissue) என்னும் சொல். இவ்வாறே நெய்வு அல்லது இழைமம் என நெசவுடன் தொடர்பு படுத்திக் கூறுவதைவிட மெய்யுடன் தொடர்புபடுத்தி மெய்ம்மி என்னும் பொழுது மிகப் பொருத்தமாக அமைகின்றது.

இவ்வாறு உயிர்மிகளின் இணைப்பால் உருவாகும் மெய்ம்மி பலவகைப்படும். இவற்றுள் முதன்மையானவை வருமாறு:- 

1. பரப்பு மெய்ம்மி (Epithelial tissue)

2. இணைப்பு மெய்ம்மி (Connective tissue)

3. தசை மெய்ம்மி (Muscle tissue)

4. நரம்பு மெய்ம்மி (Nervous tissue)

உடலின் ஆழத்தில் உள்ள பகுதிகளைப் பாதுகாக்கும் மெய்ம்மி பரப்பு மெய்ம்மி ஆகும். இது பெரும்பான்மை உயிர்மிகளையும் மிகச்சிறுபான்மை உயிர்ம இடைப் பொருள்களையும் கொண்டது. சுரத்தல், உறிதல், நகர்த்தல். சேமித்தல் தன்மை உடையது.

எ.கா.:-

புறத்தோல் உணவுக்குழாய் மெய்ம்மி - காக்கும் தன்மை

இரைப்பையின் உட்பரப்பு மெய்ம்மி - சுரக்கும் தன்மை

குடலின் உட்பரப்பு மெய்ம்மி - உறிஞ்சும் தன்மை

மூச்சுக்குழாய் உட்பரப்பு மெய்ம்மி - நகர்த்தும் தன்மை

கல்லீரல் மெய்ம்மி - சேமிக்கும் தன்மை

உறுப்புகளுக்கு உறுதியும் வலிமையும் அளிக்கும் மெய்ம்மி இணைப்பு மெய்ம்மி. இணைப்பு மெய்ம்மியில் உயிர்மி எண்ணிக்கை குறைவு; இடைப்பொருள் மிகுதி. சவ்வுமெய்ம்மி,கொழுப்புமெய்ம்மி, நார்மெய்ம்மி, குருத்தெலும்பு மெய்ம்மி, எலும்பு மெய்ம்மி, குருதி மெய்ம்மி, ஊனீர் சவ்வு மெய்ம்மி என இது பிரிக்கப்பட்டுள்ளது. குருதி மெய்ம்மியின் உயிர்ம இடைப்பொருள் குருதம்.

உடலின் அசைவிற்கும் நடமாட்டத்திற்கும், உடலில்அமைந்துள்ள பல்வேறு பாதைகளில் உள்ள பொருள்களை நகர்த்துவதற்கும் உதவுவது தசை மெய்ம்மி. தசை மெய்ம்மியில் உள்ள உயிர்மிகள் சுருங்கும் தன்மை உடையன. ஆதலால் உடல் அசைவிற்கும் நடமாட்டத்திற்கும் உடல் பாதைகளில் அமைந்துள்ள பொருள்களின் நடமாட்டத்திற்கும் உதவுகின்றன.

நரம்புமெய்ம்மியால் ஆன மிகப் பெரிய உறுப்பு மூளை நரம்பு. மெய்ம்மியின் உயிர்மிகள் நரம்பன்கள் எனப் பெறும்.

மெய்ம்மிகளைப் பற்றி ஆராயும் துறை மெய்ம்மியல் (histology) ஆகும். நோயறிதலுக்காக மெய்ம்மிகளை ஆராயும் துறை மெய்ம்மிநோயியல் (histopathology)ஆகும்.

(பயிர்மெய்ம்மிகள்பற்றித் தனியே பார்க்கலாம்.)

நன்றி : 

புத்தறிவியல் http://www.newscience.in/articles/article-19

மெய்ம்மி தொடர்பான வேறு சில சொற்களையும் காண்போம்.

அடர் மெய்ம்மிப் பாய்மம்	dense tissue fluid
ஆக்கு  மெய்ம்மி	meristematic tissue
புரத மெய்ம்மி	aleurone tissue
இடை மெய்ம்மி இணைப்பு	conjunctive tissue
இணைப்பு மெய்ம்மி	stromal tissue
இணைப்பு மெய்ம்மி நோய்	connective tissue disease
இணைப்பு மெய்ம்மிக் கற்றை	fibrillar binding tissue
இரண்டாம் நிலை மெய்ம்மி	secondary tissue
இலையிடை மெய்ம்மி	mesophyll tissue
இழைம நெகிழ்மெய்ம்மி	fibro elastic tissues
இழைம மெய்ம்மி,(நார் மெய்ம்மி)	fibrous tissue
இறந்த மெய்ம்மி	nectrotic tissue
இனப்பெருக்க  மெய்ம்மி	germplasm (reproductive tissue)
உடல் மெய்ம்மி	body tissue
உணக்கல் மெய்ம்மி	mummified tissue
உறுதி  மெய்ம்மி	mechanical tissue
உறுப்பு மெய்ம்மி  மாற்றிப் பொருத்தல்	transplantation of organs and tissues
ஊட்டு மெய்ம்மி	transfusion tissue
எலும்பு  மெய்ம்மியின் நுண்ணமைப்பு	microstructure of bone tissue
எலும்புச் சட்ட மெய்ம்மி	skeletal tissue
எலும்பு முகை மெய்ம்மி	osteoid tissue
காற்றக மெய்ம்மி	aerenchyma tissue
ஒட்டு  மெய்ம்மி	graft tissue
கரவிட மெய்ம்மி	perineal tissue
கரு மெய்ம்மி	nuclear tissue
கருவுறு பின் மெய்ம்மி	post fertilization tissue
குருணை  மெய்ம்மி, (சிறுமணி  மெய்ம்மி)	granulation tissue
குருதியாக்க  மெய்ம்மி	hemopoietic tissue
குருத்தெலும்பு மெய்ம்மி	cartilaginous tissue
குழிப்பை மெய்ம்மி	alveolar tissue
கூட்டு மெய்ம்மி	complex tissue
கொழுப்பு மெய்ம்மி	adipose tissue
கொழுப்புமிகு மெய்ம்மி	fatty tissue
மெலி  மெய்ம்மி	lean tissue
சிதையாளி மெய்ம்மி	caseous tissue
சூல் மெய்ம்மி	nucellar tissue
சூல்முகை மெய்ம்மி	trophoblast tissue
சூழ் மெய்ம்மி	periarticular tissue
தசை மெய்ம்மி	muscle tissue
தள  மெய்ம்மி	ground tissue (pith)
தாய்சார்  மெய்ம்மி	maternal tissue
தாவர மெய்ம்மிகளின் தனிமச் சேர்மானம்	elemental composition of plant tissues
தானிய மெய்ம்மி வளர்ப்பு	cereal tissue culture
தொடர்நிலை மெய்ம்மித் தொகுப்பு,   ஒருங்கிய மெய்ம்மித் தொகுப்பு	coherent tissue system
தோலடிப் படல மெய்ம்மி	sub cutaneous tissue
நலமிலாக் குறுணை மெய்ம்மி	unhealthy granulation tissue
இழைம மெய்ம்மிக் கழலை	fibrous tissue tumour
நிணநீர்  மெய்ம்மி	lymphatic tissue
நிலை மெய்ம்மி	permanent tissue
நிறமி மெய்ம்மி	chromaffin tissue
நீர்ச்சேமிப்பு மெய்ம்மி	water storage tissue
கிடை  மெய்ம்மி	horizontal tissue
பயிர் மெய்ம்மி வளர்ப்பு	plant tissue culture
பழுப்புநிறக் கொழுப்பு மெய்ம்மி	brown adipose tissue
பற்புற  மெய்ம்மி	periodontal tissue
பிடிப்பு இணைப்பு மெய்ம்மி	catch connective tissue
புற மெய்ம்மி	peripheral tissue
புறத்தோல் மெய்ம்மி	epithelial tissue
மர மெய்ம்மி	wood tissue
மீள்திற மெய்ம்மி /(நெகிழ் மெய்ம்மி)	elastic tissue
முகிழ் இணைப்பு மெய்ம்மி	primitive connective tissue
முதல்நிலை மெய்ம்மி	primary tissue
அடிப்படை  மெய்ம்மி	fundamental tissue
முளை  மெய்ம்மி	germinal tissue
முனைப்புறு மெய்ம்மி மறுதலிப்பு	acute tissue rejection
மூட்டு மெய்ம்மி	articular tissue
மெய்ம்மிக் குறடு	tissue forceps
மெய்ம்மி அழுகல்	tissue necrosis
மென் மெய்ம்மி	spongy tissue
மெய்ம்மி உட்கவர் அளவு	tissue dose
மெய்ம்மி ஊறு	tissue damage
மெய்ம்மி நிலைப்படுத்துதல்	fixation of tissues
மெய்ம்மி நீர்மம்	tissue fluid
மெய்ம்மி பொடியாக்கம்	tissue friability
மெய்ம்மி மறுதலிப்பு,	tissue rejection
மெய்ம்மி வளர்ப்பறை	tissue culture room
மெய்ம்மி வளர்ப்பியல் உத்திகள்	tissue culture techniques
மெய்ம்மி வளர்ப்பு	tissue culture
மெய்ம்மி வேறுபாடு	tissue differentation
மெய்ம்மி	tissue
மெய்ம்மிக்காரணி	tissue factor
மெய்ம்மிச் சிதைமாற்றம்	tissue catabolism
மெய்ம்மித் தோன்றல்கள்	tissue derivatives
மெய்ம்மிப் படிவு	tissue deposits
மெய்ம்மிப் பண்ணை	tissue farm
மெய்ம்மிப் பரவல்	tissue distribution
மெல்லிய இணைச் சவ்வு	long connective tissue
மென் மெய்ம்மி	soft tissue
மென் மெய்ம்மிப் புற்று	soft tissue sarcoma
மென்படல நிணநீர் மெய்ம்மி	mucosa associated lymphoid tissue
வலை மெய்ம்மி	reticular tissue
வளர்  மெய்ம்மி	growing tissue
விரவு மெய்ம்மித் தொகுப்பு	disperse tissue system
விலங்கு மெய்ம்மி வளர்ச்சி	animal tissue culture
வில்லை துடைப்பி	lens tissue
வெள்ளை, மாநிறக் கொழுமை மெய்ம்மி	white and brown adipose tissue
வெள்ளைக் கொழுமை மெய்ம்மி	white adipose tissue
வேலிக்கால் மெய்ம்மி	palisade tissue

இலக்குவனார் திருவள்ளுவன்