வெருளி நோய்கள் 816-820: இலக்குவனார் திருவள்ளுவன்

 

இலக்குவனார் திருவள்ளுவன்      14 December 2025      No Comment

(வெருளி நோய்கள் 811-815: தொடர்ச்சி)

வெருளி நோய்கள் 816-820

816. குடும்ப மர வெருளி – Oikogeneiaphobia

குடும்ப மர வலைத்தளங்கள் குறித்தும் உருவாக்கநர் குறித்தும் அளவுகடந்த தேவையற்ற பேரச்சம் கொள்வது குடும்ப மர வெருளி.
தடத்தள வெருளி(Oikoechophobia) என்பது குடும்பர மர உருவாக்கல் தொடர்பான குறிப்பிட்ட -குடும்பத்தடம் – வலைத்தளம் பற்றியது. இது பொதுவாகக் குடும்ப மரம்(Family Tree) குறித்த எல்லா வலைத்தளங்கள் பற்றியது.
00

817. குடுவைப்பயிர் வெருளி – Terrarophobia

கண்ணாடிக் கொள்கலனில் வளர்க்கப்படும் பயிர்கள் குறித்த தேவையற்ற அளவுகடந்த பேரச்சம் குடுவைப்பயிர் வெருளி.
கண்ணாடிக் குடுவைப் பயிர் என்னும் பொருள் கொண்ட terrarium என்ற சொல்லில் இருந்து Terraro உருவானது.
தாழி மரம்(bonsai) போன்றதே குடுவைப் பயிரும். பயிர் என்பது சிறு தோட்டச் செடிவகைகளைக் குறிக்கிறது.
00

818. குடுவை வெருளி – Kypellophobia

குடுவை தொடர்பான அளவுகடந்த பேரச்சம் குடுவை வெருளி.
Kypello என்றால் குடுவை, குவளை, கிண்ணம் எனப் பொருள்கள்.
00

819. குடை வெருளி – Umbrellaphobia

குடை தொடர்பான அளவுகடந்த பேரச்சம் குடை வெருளி.
குடையைப் பிடித்து இருத்தல், குடைக்குள் அல்லது குடைக்கருகில் இருத்தல் அல்லது குடையைப் பார்த்தல் போன்ற சூழல்களிலேயே குடையைக் கண்டு காரணமற்ற பேரச்சம் கொள்வோர் உள்ளனர்.
சிறு குடை என்னும் பொருள் உடைய pellebant என்னும் இலத்தீன் சொல்லில் இருந்து Pelleba என்னும் சொல் உருவானது.
00

820. குட்டிச்சாத்தான் வெருளி – Fayophobia

குட்டிச்சாத்தான்(elve))பற்றிய பெருங்கவலையும் பேரச்சமும் குட்டிச்சாத்தான் வெருளி.
குட்டிச் சாத்தான்பற்றிய கதைகள், திரைப்படங்கள் முதலானவற்றின் மூலம் குட்டிச்சாத்தானால் தீங்கு நேரும் எனப் பேரளவு அச்சம் கொள்கின்றனர். சிறு அகவையில் குட்டிச்சாத்தான் நேரில் வந்து தொல்லை கொடுக்கும் என அஞ்சியோர் அதிலிருந்து மீளாமல் அச்சத்திலேயே வளர்ந்து விடுகின்றனர். குட்டிச்சாத்தான் படத்தைப் பார்த்தாலோ பிறர் சொல்லக் கேட்டாலோ அளவு கடந்த அச்சத்திற்கு ஆட்பட்டு விடுகின்றனர்.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5

வெருளி நோய்கள் 811-815: இலக்குவனார் திருவள்ளுவன்

 ஃஃஃ         இலக்குவனார் திருவள்ளுவன்      13 December 2025      அகரமுதல

(வெருளி நோய்கள் 806-810:  தொடர்ச்சி)

வெருளி நோய்கள் 811-815

811. குடிநீர் ஊற்று வெருளி – Yinshuijiphobia / Yinshui-phobia

குடிநீர் ஊற்று தொடர்பான அளவுகடந்த பேரச்சம் குடிநீர் ஊற்று வெருளி.
சீன மொழியில் shui என்றால் தண்ணீர் எனப் பொருள்.
“Yinshui” என்றால் தண்ணீர் குடிக்க என்று பொருளாகும்.
நீர் வெருளி உள்ளவர்களுக்குக் குடிநீர் ஊற்று வெருளி வரும் வாய்ப்புள்ளது.
00

812. குடிப்பு வெருளி-Dipsophobia/Dipsomanophobia

போதைநீர்களைக் குடிப்பது தொடர்பான இயல்பு மீறிய பேரச்சம் குடிப்பு வெருளி.
குடிப்பு என்பது மதுவகைகளைக் குடிப்பதைக் குறிக்கிறது. மதுப் பழக்கத்தைக் கைவிடாமல் அதே நேரம், குடிப்பழக்கம் தொடர்பில் அளவுமீறிய பேரச்சம் கொள்வதே இது.
குடிப்பழக்கத்தின் தீமைகளை அறிந்தே குடித்துக்கொண்டு அதற்கு அஞ்சுவோரும் உள்ளனர். உடல் நலம் கேடடைந்தபின்னர், இவ்வாறு நலக்கேடுற்று மறைந்தவர்களை அறிந்து பேரச்சம் வருவதும் உண்டு. குடிகாரர்களைப் பார்த்து அவரின் குடும்பத்தினர் அல்லது அறிந்தவர்களிடம் தேவையற்ற பேரச்சம் எழுவதும் உண்டு.
dipso என்னும் கிரேக்கச் சொல்லின் பொருள் வேட்கை. இங்கே இச்சொல் மதுவகை வேட்கையைக் குறிக்கிறது.
00

813. குடிமயக்க வெருளி – Alcoholophobia

குடிமயக்கத்தில் இருப்பது தொடர்பான அளவுகடந்த பேரச்சம் குடிமயக்க வெருளி.
சிலர் போதைப் பொருள் கலந்த மருந்துகளையும் உட்கொள்ள மாட்டார்கள்.
காண்க: குடிப்பு வெருளி(Dipsophobia)
00

814. குடியரசுக் கட்சி வெருளி – Repoumplikanikokommaphobia
     குடியரசுக்கட்சி தொடர்பான அளவுகடந்த பேரச்சம் குடியரசுக்கட்சி வெருளி.
     பொருளாதாரச் சிக்கல்களில் குடியரசுக் கட்சி அதன் தொடக்கத்திலிருந்தே மூலதனச் சார்பு அணுகுமுறையைப் பின்பற்றுகிறது; மரணத் தண்டனை போன்ற சில கடுமையான குற்றக் கொள்கைகளை ஆதரிக்கிறது; துப்பாக்கி உரிமையை ஊக்குவிக்கிறது; துப்பாக்கிக் கட்டுப்பாடுகளைத் தளர்த்துகிறது; திருநங்கை உரிமைகளை எதிர்க்கிறது. இப்போதைய அமெரிக்க அதிபர் திரம்பின் கொள்கைகளாலும் நடவடிக்கைகளாலும் அவர் மீது ஏற்படும் வெறுப்பு அவர் கட்சி மீதும் வருகிறது. இவை போன்ற காரணங்களால் அமெரிக்கக் -குடியரசுக் கட்சி மீது எதிர்க்கட்சியினருக்கும் பொதுமக்களில் ஒரு சாராருக்கும் வெருளி ஏற்படுகிறது.
     00
815. குடியிருப்பு வெருளி – Quarterphobia
     குடியிருப்பு குறித்த வரம்பற்ற பேரச்சம் குடியிருப்பு வெருளி.
     Quarters என்பது முதலில் படைத்துறையினருக்கான குடியிருப்பையே குறித்தது. பின்னர் அரசு ஊழியர்களுக்கான குடியிருப்பு வளாகத்தையும் குறித்தது. அடுத்து அரசு அமைத்துத் தரும் வீடமைப்புப் பகுதியைக் குறித்தது.
     குடியிருப்புப் பகுதிகளில் பொதுவான பயன்பாட்டுச் சிக்கல்களால் ஏற்படும் இடர்ப்பாடுகளால் பிறருடன் பழகவும் அஞ்சுவோர் உள்ளனர். சில வாடகைக் குடியிருப்புகள் பழுதுபார்க்கப்படாமல் சிதைந்த நிலையில் இருக்கும். இதனால் தொல்லைகள் ஏற்பட்டு வேறிடம் மாறவும் இயலாமல் இருக்கவும் முடியாமல் கவலைப்படுவர். இவ்வாறு குடியிருப்புப் பகுதிகளில் ஏற்படும் வசிப்புநிலைச் சிக்கல்களால் குடியிருப்பு வெருளிக்கு ஆளாகின்றனர்.
     00 (தொடரும்) இலக்குவனார் திருவள்ளுவன்  – வெருளி அறிவியல் 2/5

வெருளி நோய்கள் 806-810: இலக்குவனார் திருவள்ளுவன்

 

ஃஃஃ    இலக்குவனார் திருவள்ளுவன்      12 December 2025      அகரமுதல

(வெருளி நோய்கள் 801-805: தொடர்ச்சி)

வெருளி நோய்கள் 806-810

806. குச்சிப் பனி வெருளி – Popsiclephobia

குச்சிப் பனி மீதான மிகையான பேரச்சம் குச்சிப் பனி வெருளி .
இதனை உருவாக்கும் நிறுவனப் பெயரில் பாப்புசிக்கில் வெருளி என்றும் சொல்வதுண்டு.
00

807. குடலியக்க வெருளி-Defecaloesiophobia/Defecalgesiophobia

குடல் செயல்பாடு தொடர்பான அளவுகடந்த தேவையற்ற பேரச்சம் குடலியக்க வெருளி.
Defecalgesiophobia என்றால் குடல் நோவு வெருளி எனலாம். எனினும் ஒத்த பொருளை இருவகையாகச் சொல்வதை விடக் குடலிறக்க வெருளி என்றே அழைக்கலாம்.
de என்னும் இலத்தீன் சொல்லின் பொருள்கள் இருந்து / இடத்திலிருந்து/முதலாக முதலியன. fec என்னும் இலத்தீன் சொல்லின் பொருள் குடலினின்றும் வெளிப்படுத்தப்படும் கழிவுப்பொருள். எனவே, மல வெருளியாகவும் சிலர் கூறுகின்றனர். ஆனால் மல வெருளி(Rhypophobia) எனத் தனியாகக் குறிப்பதால் இதனை இவ்வாறே குறிக்கலாம்.
aloesio / algesio என்னும் கிரேக்கச் சொற்களின் பொருள் நோவு.
00

808. குடி கலன் வெருளி – Stprophobia
     குடிப்பிக் கலன்(soda can) தொடர்பான அளவுகடந்த பேரச்சம் குடி கலன் வெருளி.
     குடிப்புப் பானமாகிய கார உப்பு(soda) நீர்மத்தையே இது குறிக்கிறது. எனினும் பிற பானங்களுக்கும் இது பயன்படுவதால், பொதுவாக இதனைக் குடிப்பி எனலாம்.
     00
809. குடிக்கோ வெருளி – Presiphobia

தலைவர்கள் குறித்த அளவுகடந்த பேரச்சம் குடிக்கோ வெருளி.
அமைப்புகள், உள்ளாட்சிகள் தலைவர்கள் மட்டுமல்லாமல் நாட்டுத்தலைவர் குறிதத பேரச்சம் முதன்மையானது. குடிமக்கள் தலைவர் என்பதால் குடிக்கோ எனப்படுகிறது.
00

810. குடிப்பொழுது வெருளி – Manepostophobia

குடித்து மகிழ்ந்த பொழுது நிகழ்ந்த எதுவும் நினைவில் இல்லாமல் பேரச்சம் கொள்வது குடிப்பொழுது வெருளி
களித்தானைக் காரணம் காட்டுதல் கீழ்நீர்க்
குளித்தானைத் தீத்துரீஇ அற்று.(குறள் 929)
என்கிறார் திருவள்ளுவர்.

அஃதாவது, கள்ளுண்டு மயங்கியவனைத் தெளிவிப்பது என்பது நீருள் உள்ளவரைத் தீ விளக்கு கொண்டு தேடுவது போன்றது என்கிறார். அத்தகையவனுக்கு எங்ஙனம் குடித்துக் கும்மாளமிட்டதும் அல்லது சண்டையிட்டதும் நினைவில் இருக்கும்? எனவேதான், குடித்து மயங்கியவன் காலையில் எழுந்ததும் அதற்கு முன்னர்க் குடித்த பொழுது நிகழ்ந்ததை மறந்து விடுகிறான்.
Mane + post என்பதற்கு இலத்தீனில் காலைக்குப் பின்னர் எனப் பொருள்.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5

வெருளி நோய்கள் 801-805: இலக்குவனார் திருவள்ளுவன்

 

ஃஃஃ      இலக்குவனார் திருவள்ளுவன்      11 December 2025      அகரமுதல

(வெருளி நோய்கள் 796-800: தொடர்ச்சி)

வெருளி நோய்கள் 801-805

801. கிறுகிறுப்பு வெருளி- Illyngophobia / Dinophobia(1)

கிறுகிறுப்பு தொடர்பான தேவையற்ற அளவுகடந்த பேரச்சம் கிறுகிறுப்பு வெருளி.
நீர்ச்சுழற்சி அல்லது தலை சுற்றல் தொடர்பான பேரச்சத்தையும் குறிக்கும்.
இரண்டிற்கும் பொதுவான சுழற்சி அடிப்படையில் முதலில் சுழற்சி வெருளி எனக் குறித்திருந்தேன். நீர்ச்சுழியாகிய நீர்ச்சுழற்சியைப்பார்க்கும் பொழுது தலை கிறு கிறு எனச் சுற்றுவதால் அல்லது தலை சுற்றும் என அஞ்சுவதால் வரும் பேரச்சத்தைத்தான் இது குறிக்கிறது. எனவே சுற்றல் வெருளி என்பதை விட கிறுகிறு வெருளி என்பது இன்னும் பொருத்தமாக இருக்கும் என்பதால் அதனைக் குறித்துள்ளேன்.
கிறுகிறுப்பு வரும் முன்னரே மேலே இருந்து கீழேபார்த்தால் கிறுகிறுப்பு வரும் என்று பேரச்சம் கொள்வர்.மாடிப்பகுதிகள், மொட்டைமாடிகள், உயர்ந்த கட்டடங்கள், உயர்ந்த பகுதிகள், மலைப்பகுதிகள், உயரத்தில் சுற்றும் சுழல் ஊஞ்சல் (இராட்டினம்) முதலியவற்றிற்குச் செல்லும் பொழுது மயங்கி விழப்போவதாகப் பேரச்சம் கொள்வர்.
illyngo என்றால் கிறுகிறுப்பு எனப் பொருள். பொதுவாகக் கீழே பார்க்கும் பொழுது ஏற்படும் மயக்கத்தைக் குறிக்கிறது.
00

802. கீசா வெருளி – Keeshaphobia
     புனைவுரு கீசா பிராங்கிளின்(Keesha Franklin) குறித்த அளவு கடந்த பேரச்சம் கீசா வெருளி.
     கீசா பிராங்கிளின், திரு பிராங்கிளினின் இரண்டாவது மகளாவார்.
     00
803. கீழைப் போலந்து முதலீட்டு வெருளி – Investineasternpolandphobia

போதிய வளர்ச்சி இல்லா நாடான கிழக்குப்போலந்தில் முதலீடு செய்வது தொடர்பான அளவுகடந்த பேரச்சம் கீழைப் போலந்து முதலீட்டு வெருளி.
கிழக்குப் போலந்தில் நீங்கள் ஏன் முதலீடு செய்யவில்லை? (Why didn’t you invest in Eastern Poland? / Dlaczego nie zainwestowałeś w Polsce Wschodniej?) எனக் கிழக்குப் போலந்தில் ஒரு பரப்புரை இயக்கமே மேற்கொள்ளப்படுகிறது. அந்த அளவிற்கு அங்கே முதலீடு செய்வது குறித்து வெருளி உள்ளது.
00

804. கீறல் ஓட்டு வெருளி – Rcrebphobia

கீறல் ஓடு தொடர்பான அளவுகடந்த பேரச்சம் கீறல் ஓட்டு வெருளி.
ஓட்டில் கீறல் விழுந்திருப்பின் மழை நீர் கசியும், அறைக்கு உள்ளே சொட்டும், சூறைக்காற்றால் உடைந்து கீழே விழும், காயம் ஏற்படுதல் போன்ற இடர் ஏற்படும் என்ற வெருளி வரும்.
00

805. ilakkuvanar thiruvalluvanகுச்சிப் பண்ட வெருளி – Gleifitzouriphobia

குச்சிப் பண்டம்(lollipop)பற்றிய அளவுகடந்த பேரச்சம் குச்சிப் பண்ட வெருளி.
Gleifitzouri என்னும் கிரேக்கச் சொல்லிற்குக் குச்சிப் பண்டம்(
Lollipop) எனப் பொருள்.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5

வெருளி நோய்கள் 796-800: இலக்குவனார் திருவள்ளுவன்

ஃஃஃ       இலக்குவனார் திருவள்ளுவன்      10 December 2025      அகரமுதல

(வெருளி நோய்கள் 791-795 தொடர்ச்சி)

வெருளி நோய்கள் 796-800

796. கிறித்துநாள் வெருளி – Viciquinquiphobia / Christougenniatikophobia/ Yedanshuphobia

கிறித்துப் பிறப்பு நாள் குறித்த பேரச்சம் கிறித்துநாள் வெருளி.

கிறித்துப்பிறப்பு(கிறித்துமசு) கொண்டாட்டங்கள் குறித்த பெருங்கவலையும் பேரச்சமும் சிறாருக்கே மிகுதியாக வருகிறது.
கிறித்துப் பிறப்பு வெருளி என்றால் கிறித்து பிறந்தது குறித்த பேரச்சம் என்றாகிறது. கிறித்துப் பிறந்தநாள் கொண்டாட்டம் குறித்த பேரச்சத்தைத்தான் இங்கே குறிக்கிறது. எனவே, சுருக்கமாகக் கிறித்து நாள் என்பது சரியாக இருக்கும்.
00

797. கிறித்துப்பிறப்பு விளக்கு வெருளி – Julelophobia

கிறித்துப்பிறப்பு விளக்கு குறித்த வரம்பற்ற பேரச்சம் கிறித்துப்பிறப்பு விளக்கு வெருளி.
கிறித்து நாள் வெருளி உள்ளவர்களுக்குக் கிறித்துப்பிறப்பு விளக்கு வெருளி வரும் வாய்ப்பு உள்ளது.
00

798. கிறித்துமசு பாட்டி வெருளி – Kyriaclausophobia

கிறித்துமசு பாட்டி(திருவாட்டி கிளெசு) தொடர்பான அளவுகடந்த பேரச்சம் கிறித்துமசு பாட்டி வெருளி.
கிறித்துமசு தாத்தா வெருளி(Santaphobia, or Clausophobia, or Hohophobia) உள்ளவர்களுக்குக் கிறித்துமசு பாட்டி வெருளி வரும் வாய்ப்பு உள்ளது.
00

799. கிறித்துவ வெருளி –Christophobia

கிறித்துவ சமயம் குறித்த அளவுகடந்த பேரச்சம் கிறித்துவ வெருளி.
கிறிததுவர் வெருளி போன்றதுதான் இதுவும்.
காண்க : கிறித்துவர்வெருளி-Christianophobia
00

800. கிறித்துவர் வெருளி-Christianophobia

கிறித்துவர் மீது ஏற்படும் தேவையற்ற வெறுப்பும் அளவுகடந்த பேரச்சமும் கிறித்துவர் வெருளி.
இதுவும் கிறித்துவ வெருளி போன்றதே. எனினும் கிறித்துவர்களின் வழிபாடுகள், மீட்புக் கூட்டங்கள் முதலானவற்றால் கிறித்துவர்கள் மீது பேரச்சம் கொள்வோர் உள்ளமையால் தனியாகவும் குறிப்பிடப்படுகிறது. கிறித்து சமயத்துடன், கிறித்துவ மறை நூலான விவிலியம், கிறித்துவ விழாக்கள், கிறித்துவ வழிபாடுகள், கிறித்துவக்கோயில்கள் எனக் கிறித்துவம் தொடர்பானவற்றின் மீது தேவையற்ற வெறுப்பு கொள்வர் இவர்கள்.
தங்களின் பரப்புரையால் தங்கள் குடும்பத்தினரை அவர்கள் சமயத்திற்கு மாற்றிவிடுவார்களோ, இதனால் நமக்குத் தெய்வக் குற்றம் ஏற்படுமோ என்று அஞ்சுவர் இத்தகையோர்.
இசுலாமிய நாடுகள், இந்தியாவில் உள்ள இந்துக்கள், நாத்திகர்கள் ஆகியோரிடம் கிறித்துவர் வெருளி இருப்பதாகக் கூறுகின்றனர்.
காண்க : கிறித்துவ வெருளி -Christophobia
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5

வெருளி நோய்கள் 791-795: இலக்குவனார் திருவள்ளுவன்

ஃஃஃ      இலக்குவனார் திருவள்ளுவன்      09 December 2025      அகரமுதல

(வெருளி நோய்கள் 786-790: தொடர்ச்சி)

வெருளி நோய்கள் 791-795

791.  கிழக்கு வெருளி/ கீழ்த்திசைச் செலவு வெருளி – Anatolephobia / Anatoliphobia/ Estephobia

கிழக்கு தொடர்பான அளவுகடந்த பேரச்சம் கிழக்கு வெருளி/ கீழ்த்திசைச் செலவு வெருளி.

கிழக்கே பயணம் செய்தால், கிழக்குத் திசையில் எதையும் செய்தால் தீமை நிகழும் என்ற பேரச்சம்.

ஒவ்வொரு நாளிலும் ஒவ்வொரு கோள்கள் ஆதிக்கம் செலுத்துகின்றன. சில நாள், சில கோள்களின் ஆற்றல் குறைந்திருக்கும். அந்த நாளில் பயணம் மேற்கொள்ளக்கூடாது என்பது கணிய/சோதிடப் பித்தர்களின் நம்பிக்கை. இந்தியாவில் கணிய(சோதிட)ப் பற்றர்கள், திங்கட் கிழமைகளிலும் சனிக்கிழமைகளிலும் கிழக்குத் திசையில் பயணம் செய்ய மாட்டார்கள். இதனைக்  ‘கிழக்கே சூலை’ என்பர்.  திங்கள்(சந்திரன்), சனி ஆகியவற்றின் திசை மேற்கு எனப்பட்டு, அதனால், திங்கள்கிழமை, சனிக்கிழமைகளில் கிழக்கே சூலம் என்பர். வீட்டின் வாசல் கிழக்கு பார்த்து இருப்பின், ஞாயிறு,  வெள்ளி ஆகிய கிழமைகளில் புதுமனை புகுவிழா நடத்தினால் தீங்கு நேரும் என்று அஞ்சுவர்.

Anatole என்னும் கிரேக்கச்சொல்லின் பொருள் உதயம். சூரியன்  உதயமாகும் திசை கிழக்கு என்பதால் இது கிழக்கைக் குறிக்கிறது.

உதி(த்தல்) என்பதன் அடிப்படையாகப் பிறந்த உதயம் என்னும் சொல் தமிழே.

செலவு என்றால் பயணம் என்று பொருள்.
00

792. கிளி வெருளி – Papagalophobia

கிளிகள் குறித்த தேவையற்ற பெரும் அச்சம் கிளி வெருளி.

பறவை வெருளி உள்ளவர்களுக்குக் கிளி வெருளி வரும் வாய்ப்பு உள்ளது.
Papagalo என்னும் இத்தாலியச் சொல்லின் பொருள் கிளி. இச்சொல் வெவ்வேறு வடிவங்களில் கிரேக்கம், அரபி, செருமானிய மொழிகளில் இடம் பெற்றுள்ளது.
00

793. கிள்ளுதல் வெருளி -Pinchophobia

கிள்ளுதல் பற்றிய பெருங்கவலையும் பேரச்சமும் கிள்ளுதல் வெருளி.

ஒருவருக்கு வலி உண்டாக்கும் நோக்கத்துடன் அவரது தோலின் ஒரு பகுதியைத் தன் பெருவிரலுக்கும் ஆட்காட்டி விரலுக்கும் இடையில் இறுக்கமாகப் பற்றிப் பிடித்தலே கிள்ளுதல் எனப்படுகிறது.
கிள்ளுவதால் புண் உண்டாகலாம், வேறு உடல் நோவு உண்டாகலாம் எனப் பேரச்சம் கொள்வர்.
00

794. கிறித்து மர விளக்கு வெருளி – Remmiðophobia

கிறித்து மர விளக்கு தொடர்பான அளவுகடந்த பேரச்சம் கிறித்து மர விளக்கு வெருளி.

ஒளிர்வு அல்லது ஒளி ஒற்றைத் தலைவலியை உண்டாக்கலாம் என்பதாலும் மின் அதிர்ச்சி குறித்து அஞ்சுவதாலும் அல்லது முன்னரே மின்னதிர்ச்சிக்கு ஆளாகியிருந்தாலும், தீ நேர்ச்சி(விபத்து) நேரலாம் என அஞ்சுவதாலும் கிறித்து மர விளக்கு வெருளிக்கு ஆ்ளாகின்றனர்.

கிறித்து மர வெருளி உள்ளவர்களுக்குக் கிறித்து மர விளக்கு வெருளி வரும் வாய்ப்பு உள்ளது.

காண்க: கிறித்துமர வெருளி.
00

795. கிறித்து மர வெருளி – Yedanshuphobia

கிறித்துநாள் கொண்டாட்டத்தின் பொழுது பயன்படுத்தப்படும் மரம் தொடர்பான காரணமற்ற அளவுகடந்த பேரச்சம் கிறித்துமர வெருளி.
கிறித்து நாள் வெருளி உள்ளவர்களுக்கும் கிறித்து மர விளக்கு வெருளி உள்ளவர்களுக்கும் கிறித்து மர வெருளி வரும் வாய்ப்பு உள்ளது.

காண்க: கிறித்து மர விளக்கு வெருளி.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5

வெருளி நோய்கள் 786-790: இலக்குவனார் திருவள்ளுவன்

ஃஃஃ      இலக்குவனார் திருவள்ளுவன்      08 December 2025      அகரமுதல

(வெருளி நோய்கள் 781-785 தொடர்ச்சி)

வெருளி நோய்கள் 786-790

786. கிண்ண வெதுப்ப வெருளி / கிண்ண வெதுப்பன் வெருளி – Muffilophobia

கிண்ண வெதுப்பம்(muffin) குறித்த வரம்பற்ற பேரச்சம் கிண்ண வெதுப்ப வெருளி.
உணவு வெருளி(Cibophobia) உள்ளவர்களுக்குக் கிண்ண வெதுப்ப வெருளி வரும் வாய்ப்பு உள்ளது.

கிண்ணவெதுப்பன்(The Muffin Man) மழலைப்பாடல்களை அடிப்படையாகக் கொண்ட திகில் தொடரில் எதிராளராக வருபவன். சிலர் இதனை அதனடிப்படையில் கிண்ண வெதுப்பன் வெருளி என்கின்றனர்.
கிலி வெருளி உள்ளவர்களுக்குக் கிண்ண வெதுப்பன் வெருளி வரும் வாய்ப்பு உள்ளது.
00

787. கிராண்டு தாம்பசன் வெருளி – Ovasilatontychainophobia

கிராண்டு தாம்பசன்(Grant Thompson)என்னும் இளைஞர் மீதான அளவுகடந்த பேரச்சம் கிராண்டு தாம்பசன் வெருளி.
நேர்ப்பு மன்னர் வெருளி(The King of Random-TKOR) என்னும் நம் ஒளியலை(You Tube) எனப்படும் காணொளிக் குழல் தளப்பதிவைக் கிராண்டு தாம்பசன்(Grant Thompson)என்னும் இளைஞர் உருவாக்கினார்.(இவர் 2019இல் காலமானார்.)
நம் ஒளியலையைச் சிலர் வலை ஒளி என்கிறனர். இது பொதுவான சொல்லாக உள்ளதாலும் மக்களின் பதிதல், பகிர்தல் முதலான அனைத்துவகைப் பயன்பாட்டிற்குமான காணொளித்தளம் என்பதாலும் நேர் பொருளாக உம் ஒளியலை எனக் குறிப்பிட்டுப் பின்னர் உட்பொருளாக நம் ஒளியலை என மாற்றியுள்ளேன்.
முட்டாள்தன வெருளிகளில் இதுவும் ஒன்று.
00

788. கிரெட்டா துன்பெருகு வெருளி – Gretathunburgosorphobia

பருவநிலைப் போராளியாகிய கிரெட்டா தின்தின் எலியோனரா எரண்மன் துன்பெருகு (Greta Tintin Eleonora Ernman Thunberg) என்னும் சுவீடன்நாட்டுச்சிறுமி மீதான தேவையற்ற அளவுகடந்த பேரச்சம் கிரெட்டா துன்பெருகு வெருளி.

00

789. கிரேக்கச்சொல் வெருளி-Hellenologophobia / Hellenophobia

கிரேக்க அல்லது இலத்தீன் சொற்கள் குறித்த தேவையற்ற பேரச்சம் கிரேக்க வெருளி.
பல கலைச்சொற்கள் கிரேக்கமாகவும் இலத்தீனாகவும் உள்ளன. அதனால் பொருள் வெளிப்படையாகப் புரிவதில்லை. எனவே கிரேக்க, இலத்தீன் சொற்கள்மீது பேரச்சம் கொள்வோர் உள்ளனர்.
Hellen என்னும் பழங் கிரேக்கச்சொல் ஒளி /அறிவொளி என்பனவற்றைக் குறிக்கும். அறிவொளி வாய்ந்த மொழி என்னும் பொருளில் கிரேக்கத்தையும் பின்னர் இச்சொல் குறிக்கத் தொடங்கியது.
00

790. கிலி வெருளி – Horrorphobia

கிலி(horror) குறித்த வரம்பற்ற பேரச்சம் கிலி வெருளி.
கிலி ஏற்படுத்தும் படங்கள், தொலைக்காட்சிப் படங்கள், திரைப்படங்கள், செய்திகள் முதலியன குறித்துப் பேரச்சமும் கவலையும் கொள்வது.
00

(தொடரும்) 

இலக்குவனார் திருவள்ளுவன் 

வெருளி அறிவியல் 2/5