வெருளி நோய்கள் 336 – 340 : இலக்குவனார் திருவள்ளுவன்

 

ஃஃஃ     இலக்குவனார் திருவள்ளுவன்      30 August 2025      அகரமுதல

(வெருளி நோய்கள் 331 – 335 : தொடர்ச்சி)

வெருளி நோய்கள் 336 – 340

336. இருகாட்சி வெருளி – Diplophobia

காண்பது இரட்டையாகத் தெரிவது குறித்த பேரச்சம் இருகாட்சி வெருளி.

பெரியவர்கள் தங்களுக்கு இரண்டு இரண்டு உருவமாகத் தெரிவதாகக் கூறும் பொழுது அதைக்கேட்கும் சிறுவர்கள் தங்களுக்கும் அவ்வாறு தெரிவதாகக் கருதிப் பேரச்சத்தை வளர்த்துக் கொள்வர். நாளடைவில் இப்பேரச்சம் வளர்ந்து வெருளியாக மாறும்.

diplos என்றால் இரட்டை எனப் பொருள்.

00

337. இருபடிச் சமன்பாட்டு வெருளி-Quadrataphobia

இருபடிச்சமன்பாடு குறித்த அளவுகடந்த பேரச்சம் இருபடிச்சமன்பாட்டு வெருளி.

Quadrata என்னும் இலத்தீன் சொல்லின் பொருள் இருபடி.

00

 338. இருபால் உறவு வெருளி – Biphobia

இருபால் உறவு பற்றிய காரணமற்ற பேரச்சம் இருபால் உறவு வெருளி.

இருபாலீர்ப்பு (Bisexuality) என்பதனையே அதன் சுருக்க வடிவமான  Bi குறிக்கிறது.

ஆண் ்அல்லது பெண்ணிற்குத் தற்பாலுடனும் எதிர்பாலுடனும் என இரு பாலினருடனும் ஏற்படும் ஈர்ப்பு அல்லது உறவு.

தற்பாலுறவு வெருளி உள்ளவர்களுக்கும் உறவு வெருளி உள்ளவர்களுக்கும் இரு பாலுறவு வெருளி வருவது இயற்கை.

00

339. இருப்பின்மை வெருளி-Destirpephobia

தேடும் அல்லது தேவைப்படும் பொருள் இருப்பில் இல்லை என்பது தொடர்பான அளவு கடந்த பேரச்சம் இருப்பின்மை வெருளி.

தேவைப்படும் பொருள் ஒன்று இருப்பில் இல்லை என்னும் பொழுது அதனால் மேற்காெள்ள திட்டமிட்டுள்ள செயற்பாட்டை மேற்கொள்ள முடியாமைக்கும் அதனால் விளையும் பயன் இன்மைக்கும் பெருங்கவலையும் பேரச்சமும் கொண்டு இவ்வெருளி வருகிறது.

stirpe என்னும் இலத்தீன் சொல்லின் பொருள் இருப்பு.  Destirpe என்றால் இருப்பின்மை.

00

340. இருப்பு அகநிலை வெருளி – Pnevmaphobia

இருப்பு அகநிலை(spiritual plane of existence) குறித்த வரம்பற்ற பேரச்சம் இருப்பு அகநிலை வெருளி.

Pnevma என்னும் இலத்தீன் சொல்லின் பொருள் ஆன்மா/ஆதன்.

00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 331 – 335 : இலக்குவனார் திருவள்ளுவன்

 

ஃஃஃ    இலக்குவனார் திருவள்ளுவன்      29 August 2025      அகரமுதல

(வெருளி நோய்கள் 326 – 330 : தொடர்ச்சி)

வெருளி நோய்கள் 331 – 335

331. இருக்கை வார் வெருளி – Zoniasfaleiaphobia

இருக்கை வார்(Seat belt) தொடர்பான அளவுகடந்த பேரச்சம் இருக்கை வார் வெருளி.

Zonia sfaleia என்பது பாதுகாப்புப் பகுதி என்னும் பொருள் கொண்ட கிரேக்கச்சொல். பாதுகாப்பிற்காக அணியப்பெறும் இருக்கை வாரை இந்த இடத்தில் குறிக்கிறது.

00

332. இருட் சுவர் வெருளி – Drkronphobia

இருண்ட சுவர் குறித்த வரம்பற்ற பேரச்சம் இருட் சுவர் வெருளி.

இருட்டு வெருளி, இரவு வெருளி உள்ளவர்களுக்கு இருட்சுவர் வெருளி வரும் வாய்ப்ப உள்ளது.

00

333. இருட்டடிப்பு வெருளி – Nonamophobia

எதிர்பாராத் திடீர் மின்தடையால் இருட்டு ஏற்படுவது குறித்த அளவு கடந்த பேரச்சம் இருட்டடிப்பு வெருளி.

சிறுவர் சிறுமியருக்கும் நோயருக்கும் இருட்டடிப்பு வெருளி மிகுதியாக உள்ளது. இரவு நேர இருட்டு, அறிவிக்கப்படும் மின்தடை நேர இருட்டு போன்றவற்றிற்கு அஞ்சுவோரும் இருட்டடிப்பு வெருளிக்கு ஆளாகின்றனர்.

00

334. இருத்தல் உணர்வு வெருளி – Synaiphobia

இருத்தல் உணர்வு குறித்த வரம்பற்ற பேரச்சம் இருத்தல் உணர்வு வெருளி.

00

335. இருநூறாம் எண் வெருளி  – Bicentumphobia

இருநூறாம் எண் குறித்த வரம்பற்ற பேரச்சம் இருநூறாம் எண் வெருளி.

centum என்னும் இலத்தீன் சொல்லின் பொருள் 100. Bi இரண்டைக் குறிக்கிறது. எனவே, Bi centum 200-ஐக் குறிக்கிறது.

எண் 2 வெருளி உள்ளவர்களுக்கும் இருநூறு குறித்த வெருளி உள்ளவர்களுக்கும் வெருளி 200 வருவது இயற்கை.

00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5