வெருளி நோய்கள் 401-405 : இலக்குவனார் திருவள்ளுவன்

ஃஃஃ     இலக்குவனார் திருவள்ளுவன்      17 September 2025      அகரமுதல

(வெருளி நோய்கள் 396-400 தொடர்ச்சி)

வெருளி நோய்கள் 401-405

401. உடன் பிறந்தார் மக்கள் வெருளி-Nibliphobia

உடன் பிறந்தவர்கள் மகன், மகள் இருவர் மீதான அளவுகடந்த பேரச்சம் உடன்பிறந்தார் மக்கள் வெருளி.
உடன்பிறந்தார் மகள் வெருளியில் குறிப்பிட்டவாறு, சொத்துத் தகராறு, குடும்பத் தகராறு, வாய்ச்சண்டை ஏற்படும் சூழல்களில் உடன்பிறந்தார் மக்கள் மீது பேரச்சம் வருவது இயற்கை. மகன், மகள் என்பவற்றின் பன்மையும் இருவரையும் சேர்த்துக் குறிப்பது மக்கள் என்னும் சொல்.
Nibli என்றால் உடன் பிறந்தார் மகன் அல்லது மகள் அல்லது இருவரையும் குறிக்கும்
00

402. உடன் பிறந்தார் வெருளி – Fratrophobia

உடன் பிறந்தவர் மீதான அளவுகடந்த பேரச்சம் உடன்பிறந்தார் வெருளி.
உறவினர்கள் பகையாக மாறுவது இயற்கை. சொத்துத் தகராறு, குடும்பத் தகராறு, வாய்ச்சண்டை ஏற்படும் சூழல்களில் உடன்பிறந்தார் மீது பேரச்சம் வருவது இயற்கை.
Fratro என்னும் இலத்தீன் சொல்லின் பொருள் உடன் பிறந்தவர்.
00

403. உடன்பணியாளர் வெருளி – Synergatiphobia

உடன்பணியாளர் மீதான அளவுகடந்த பேரச்சம் உடன்பணியாளர் வெருளி.
உடன்பணியாற்றுபவர் பொறாமையாலோ அவருக்கிருக்கும் சில தீய பழக்கவழக்கங்களாலோ பதவி உயர்வு தொடர்பான இடர்கள் அல்லது முரண்களாலோ மன வேறுபாடு ஏற்பட்டுப் பகையாக மாறுமோ என்ற எண்ணத்தால் பேரச்சம் வருவதுண்டு.
Synergati என்னும் கிரேக்கச் சொல்லிற்கு உடனிணை பணியாளர், உடனுழைப்பாளர், உடனூழியர் எனப் பல வகையாகக் குறிப்பிடுவர். சில இடங்களில் தொழிற் கூட்டாளிையையும் இச்சொல் குறிக்கிறது. நாம் பணித்தோழர் என்று சொல்வது சிறப்பாக இருக்கும். என்றாலும் நீர்மை கருதி உடன் பணியாளர் என்றே இங்கே குறிக்கப்பட்டுள்ளது.
00

404. உடன்பிறந்தாள் வெருளி – Sororophobia

உடன் பிறந்தாள் மீதான அளவுகடந்த பேரச்சம் உடன்பிறந்தாள் வெருளி
00

405. உடன்பிறப்பு வெருளி – Sibliphobia

உடன் பிறப்பு மீதான அளவுகடந்த பேரச்சம் உடன்பிறப்பு வெருளி.
உடன் பிறந்தவர் பிணக்கால் ஆட்சி கவிழ்ந்த வரலாறும் தொழில் சரிந்த வரலாறும் மிகுதியாக உள்ளன. எனவே, கருத்து வேறுபாடுகளாலும் பொறாமை உள்ளவர்களாலும் சொத்துப் பங்கீட்டுச் சண்டைகளாலும் தனக்குப் பேரிடர் அல்லது உடல், உயிருக்கு ஊறு நேரும் என்ற அச்சத்தால் உடன்பிறந்தவர் மீது வெருளி வருவதுண்டு.
Sibli என்னும் சொல் பழைய ஆங்கிலத்தில் உறவு என்னும் பொருளுடையது. பின்னர் பெற்றோரைப் பங்குபோட்டுக் கொள்பவர் , அஃதாவது உடன் பிறந்தவன் அல்லது உடன் பிறந்தவள் என்பதைக் குறித்தது.
00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 396-400 : இலக்குவனார் திருவள்ளுவன்

ஃஃஃ  இலக்குவனார் திருவள்ளுவன்      16 September 2025      அகரமுதல

(வெருளி நோய்கள் 391-395 தொடர்ச்சி)

வெருளி நோய்கள் 396-400

396. உடற்காய வெருளி – Traumaphobia / Traumatophobia

உடற்காயம் குறித்த வரம்பற்ற பேரச்சம் உடற்காய வெருளி.

பெண்களுக்கும் குறைந்த கல்வி உடையவர்களுக்கும் உடற்காய வெருளி மிகுதியாக இருப்பதாகக் கூறுகின்றனர்.

பொதுவாகப்பெண்களுக்கும் கல்வியறிவு குறைந்தவர்களுக்கும் இவ்வெருளி வருவதாக ஆய்வாளர்கள் கூறுகின்றனர்.

trauma என்னும் கிரேக்கச் சொல்லிற்குக் காயம் எனப் பொருள்.

00

397. உடற்பயிற்சி வெருளி -Exercitophobia / Drapanophobia 

உடற்பயிற்சி தொடர்பான அளவுகடந்த பேரச்சம் உடற்பயிற்சி வெருளி.

உடற்பயிற்சியின் பொழுது இறப்பு நேர்ந்த செய்தியைப் படித்தவர்களுக்கு அதன் காரணத்தை உணராமல் உடற்பயிற்சி மீது பேரச்சம் வருவதுண்டு. சான்றாக நடிகர் முத்துராமன் உதகமண்டலத்தில் அதிகாலை நடைப்பயிற்சி சென்ற பொழுது மரணமடைந்த செய்தியைப் படித்த அல்லது கேள்விப்பட்ட உடன் நடைப்பயிற்சி மீது பேரச்சம் கொண்டவரும் கொள்பவரும் இருக்கின்றனர்.

உடற்பயிற்சிக்கான கருவிகளைக் கையாள்வது குறித்த அச்சமும் உடற்பயிற்சி வெருளியாக மாறுவது உண்டு.

cito என்னும் இலத்தீன் சொல்லின் பொருள் விரைவான.

Exercito என்றால் விரைவான இயக்கம் எனப் பொருள். உடலியக்கத்தை – உடற்பயிற்சியை இங்கே குறிக்கிறது.

00

398. உடற்பயிற்சிக் கூட வெருளி – Gymnasiphobia

உடற்பயிற்சிக் கூடம் தொடர்பான அளவுகடந்த பேரச்சம் உடற்பயிற்சிக் கூட வெருளி.

அளவான நேரம் உடற்பயிற்சி செய்வதால் தீமை ஏதும் இல்லை; ஆனால் மிகுதியான உடற்பயிற்சி,  உடற்பயிற்சிக்கு அடிமையாக்கி (exercise addiction) உடல், மன நலவாழ்வில் எதிர்மறை விளைவுகளை ஏற்படுத்தும். இது சோர்வு, மன அழுத்தம், தூக்கமின்மை, காயங்கள் போன்ற சிக்கல்களுக்கு வழிவகுக்கும். மேலே உடற்பயிற்சி வெருளியில் குறிப்பிட்டவாறு, நாள்தோறும் உடற்பயிற்சி செய்யும் நடிகர் முத்துராமன் உதகமண்டிலத்திற்கு ஒரு படப்பிடிக்குச் சென்ற பொழுது(1981) மிகுதியான நேரம் உடற்பயிற்சி செய்தார். இதனால் மயங்கி விழுந்து மாரடைப்பிற்கு ஆளானார். இதுபோல் பல எடுத்துக்காட்டுகள் உள்ளன. அளவுக்கு மிஞ்சினால் அமிழ்தமும் நஞ்சு என்பது உடற்பயிற்சிக்கும் பொருந்தும்.

உடற்பயிற்சிக் கூடத்தில் உள்ள பல்வேறு உடற்பயிற்சிக் கருவிகள் துணைக்கருவிகளால் கை கால்களில் காயம் ஏற்படும் என அஞ்சியும் உடற்பயிற்சிக் கூட வெருளி வருகிறது.

00

399. உடன் பிறந்தார் மகள் வெருளி – Anepsiaphobia

உடன் பிறந்தவர் மகள் மீதான அளவுகடந்த பேரச்சம் உடன்பிறந்தார் மகள் வெருளி.

உறவினர்கள் பகையாக மாறுவது இயற்கை.  சொத்துத் தகராறு, குடும்பத் தகராறு, வாய்ச்சண்டை ஏற்படும் சூழல்களில் உடன்பிறந்தார் மகள் மீது பேரச்சம் வருவது இயற்கை.

Anepsia என்னும் கிரேக்கச் சொல்லிற்கு உடன் பிறந்தார் மகள் என்று பொருள்.

00

400. உடன் பிறந்தார் மகன் வெருளி – Anipsiophobia

உடன் பிறந்தவர் மகன் மீதான அளவுகடந்த பேரச்சம் உடன்பிறந்தார் மகன் வெருளி.

உடன்பிறந்தார் மகள் வெருளியில் குறிப்பிட்டவாறு, சொத்துத் தகராறு, குடும்பத் தகராறு, வாய்ச்சண்டை ஏற்படும் சூழல்களில் உடன்பிறந்தார் மகன் மீது பேரச்சம் வருவது இயற்கை. உடன் பிறந்தவர் மகன்  மீதான அளவுகடந்த பேரச்சம் உடன்பிறந்தார் மகன் வெருளி.

Anipsio என்றால் உடன் பிறந்தார் மகன் எனப் பொருள்.

00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 386-390 : இலக்குவனார் திருவள்ளுவன்

 

ஃஃஃ     இலக்குவனார் திருவள்ளுவன்      14 September 2025      அகரமுதல

(வெருளி நோய்கள் 381-385 : தொடர்ச்சி)

வெருளி நோய்கள் 386-390

ஈட்டி வெருளி – Dartophobia

எறிந்து விளையாடப்பயன்படும் ஈட்டி(Dart) குறித்த வரம்பற்ற பேரச்சம் ஈட்டி வெருளி.
எறியப்படும் ஈட்டி மேலே பட்டுக் காயம் ஏற்படும் அல்லது உயிருக்குப் பேரிடர் ஏற்படும் என்று பேரச்சம் கொள்ளேவார் உள்ளனர். இத்தகைய அச்சம் உடன் விளையாடுபவர்களுக்கும் வேடிக்கை பார்ப்பவர்களுக்கும் ஏற்படும்.
00

387. ஈயக் குவளை வெருளி – Gloindophobia

ஈயக் குவளை குறித்த வரம்பற்ற பேரச்சம் ஈயக் குவளை வெருளி.
Gloindophobia என்றும் சொல்வர்.
ஈயக் குவளை என்றும் ஈயக்கலன் என்றும் சொல்வர்.
காலகக் கலன் வெருளி(soda cans) (stprophobia), மெனபான வெருளி (anapsytikophobia) உள்ளவர்களுக்கு இவ்வெருளி வர வாய்ப்புண்டு
00

388. ஈர வெருளி – Humidophobia

ஈரம் தொடர்பான அளவுகடந்த பேரச்சம் ஈர வெருளி.
மிகுதியான ஈரப்பதத்தால் என்பது பூஞ்சை வளர்ச்சி, கட்டடப் பாதிப்பு, மாழைகள்(உலோகங்கள்) அரித்தல், பூச்சிகள் பெருகி நோய் பரவுதல் போன்ற பல்வேறு சிக்கல்கள் உருவாகலாம்.
குறிப்பாக வீடுகளுக்குள், ஈரப்பதம் அதிகரிப்பது சுவர்களிலும் கூரைகளிலும் நீர் கசிதல், வண்ணப்பூச்சு(பெயிண்ட்) உரிதல், தீய நாற்றம் போன்றவற்றை ஏற்படுத்தும். மூச்சு தெ்ாடர்பான உடல்நலச் சிக்கல்களையும் உருவாக்கலாம். எனவே, ஈரப்பதம் குறித்துப் பேரச்சம் எழுகிறது.
தரையில் ஈரம் இருந்தால் வழுக்கி விழுந்து அடிபடலாம்.அதனாலும் பேரச்சம் ஏற்படும். இஃது ஈரத்தரை வெருளி (Vshrophobia Oஎனத் தனியாகச் சொல்லப்பட்டுள்ளது.
00

389. ஈரக்கனவு வெருளி – Oneirogmophobia

ஈரக்கனவு குறித்த வரம்பற்ற பேரச்சம் ஈரக்கனவு வெருளி.
கனவினால் கீழாடைகளைச் சிறுநீர், விந்து முதலியவற்றால் நனைப்பதால் ஏற்படும் புரியாத பேரச்சம் வளரிளம்பருவத்தினருக்கு வருகிறது. இதுவே கனவில் நனைப்பு வெருளியாக – ஈரக்கனவு வெருளியாக மாறுகிறது.-
சிறுவர்கள் அச்சம் தரும் கனவுகளால் படுக்கையில் சிறுநீர் கழிப்பர். வளரிளம்பருவத்தினர் பருவக்கனவுகளால், படுக்கையை நனைத்து விடுகின்றனர். படுக்கை நனைப்பு என நேரடியாகக் குறித்தால் மேலும் தாழ்வு மனப்பான்மைக்கு ஆளாவர் என்பதால் ஈரக் கனவு எனக் குறிக்கப் பெறுகிறது.
oneiro என்னும் கிரேக்கச்சொல்லிற்குக் கனவு எனப்பொருள்.
00

390.ஈரத் தரை வெருளி – Vshrophobia / Voishrophobia

ஈரத் தரை குறித்த வரம்பற்ற பேரச்சம் ஈரத் தரை வெருளி.
ஈரத்தரையில் வழுக்கி விழுந்து அடிபட்டுக் கை கால் முறியும், உயிர் போகும் அல்லது வேறு பெருந்துன்பம் ஏற்படும் என்று அளவுகடந்த பேரச்சம் கொள்வர்.
ஈர வெருளி(Humidophobia) உள்ளவர்களுக்கு ஈரத்தரை வெருளி வர வாய்ப்புள்ளது.

00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 381-385 : இலக்குவனார் திருவள்ளுவன்

 ஃஃஃ    இலக்குவனார் திருவள்ளுவன்      13 September 2025      அகரமுதல

(வெருளி நோய்கள் 376-380 : தொடர்ச்சி)

வெருளி நோய்கள் 381-385

381. தித்தியன் வெருளி – Candymanphobia

புனைவுரு பாத்திரமான தித்தி மனிதன்(Candyman) குறித்த வரம்பற்ற பேரச்சம் தித்தியன் வெருளி.
தித்தி மனிதன் பாத்திரம் திகிலூட்டுவதால் இப்படத்தைப் பார்த்தாலும் தித்தி மனிதன் தொடர்பான செய்திகளைப் படித்தாலும் தொடர்புடை படங்களைப் பார்த்தாலும் பேரச்சம் கொள்கின்றனர்.
00

382. இன்மா வெருளி – Pemmaphobia

இன்மா (cake) மீதான மிகையான பேரச்சம் இன்மா வெருளி.
cake என்பதற்கு அணிச்சல், இனிப்பப்பம், இனியப்பம், இன்னப்பம், மாப்பண்டம் எனப் பலவாறாகக் கூறுகின்றனர். நான் இன்மா எனச் சுருக்கமாகக் கூறுகிறேன்.
இனிப்பு மீதும் இனிப்புப் பொருள்கள் மீதும் வெருளி உள்ளவர்களுக்கு இன்மா மீதும் வெருளி வருவது இயற்கையே.

00

383. இன்மை வெருளி – nihilophobia / Tipotaphobia

ஒன்றுமில்லா நிலை குறித்த அளவுகடந்த பேரச்சம் இன்மை வெருளி.
எதுவும் இருப்பதாகக் கொள்ளாமல் இன்மையையே இருத்தலாகக் கொள்வர்.
16.01.1995 முதல் 23.05.2001 வரை ஒளிபரப்பப்பட்ட இரிக்கு பெருமன்(Rick Berman), மைக்கேல் பில்லர்(Michael Piller), செரி தெய்லர்(Jeri Taylor) ஆகியோரால் உருவாக்கப்பட்ட விண்மீன் வண்டி – பயணர் (Star Trek: Voyager) என்னும் தொலைக்காட்சித் தொடரில் முதலில் பயன்படுத்தப் பெற்ற சொல்.
nihil என்னும் இலத்தீன் /கிரேக்கச்சொல்லின் பொருள் ஒன்றுமின்மை. வெறிது என்னும் ஒற்றைச் சொல்லில் தமிழில் இதனைக் குறிப்பர். எனவே, வெறிது வெருளி என்றும் சொல்லலாம்.
00

384. ஈ வெருளி – Muscaphobia

ஈ மீதான அளவுகடந்த பேரச்சம் ஈ வெருளி.
musca என்னும் இலத்தீன் சொல்லின் பொருள் ஈ.
Pteronarcophobia என்றும் இது அழைக்கப்பெறும்.
பூச்சிகள் வெருளி(entomophobia) உள்ளவர்களுக்கு ஈ வெருளி வருவது இயற்கை.
கழிவுகள், குப்பைகள், மலம், தூய்மையற்ற இடங்கள் முதலியவற்றில் அமரும் ஈக்கள் உணவுப்பண்டங்களிலும் உட்கார்ந்து தொற்றுநோயை உருவாக்கிப்பரப்புவதால் ஈ மீத பேரச்சம் வருகிறது.
ஈ திரைப்படம், நான் ஈ திரைப்படம் ஆகியவற்றில் ஈ யால் கதைப்பாத்திரங்கள் அருவருப்பும் பேரச்சமும் கொள்வது காட்டப்படுகின்றது.
00

385. ஈஃபில் கோபுர வெருளி – Eiffelturriphobia

ஈஃபில் கோபுரம் (Eiffel Tower) குறித்த வரம்பற்ற பேரச்சம் ஈஃபில் கோபுர வெருளி.
984 அடி உயரமுள்ள ஈஃபில் கோபுரத்தை அண்ணாந்து பார்த்துத் தலைசுற்றல் , கிறுகிறுப்பு, மயக்கம் வரும என அஞ்சுவோர் உள்ளனர். உயரத்தைப் பார்த்து அஞ்சுபவர்களுக்கு ஈஃபிள் கோபுர வெருளி வருவது இயற்கை.
ஒரு பாலியல் நிலையின் பெயர் ஈஃபிள் கோபுரம் என்பதாகும். எனவே, இதனக் கேள்விப்பட்டதும் அது நினைவிற்கு வந்து அருவருப்பும் அச்சமும் கொள்வோர் உள்ளனர்.
00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 376-380 : இலக்குவனார் திருவள்ளுவன்

 

ஃஃஃ    இலக்குவனார் திருவள்ளுவன்      12 September 2025      அகரமுதல

(வெருளி நோய்கள் 371-375 : தொடர்ச்சி)

வெருளி நோய்கள் 376-380

376. இன்கண்டு வெருளி – Xocolataphobia

இன்கண்டு(chocolate)பற்றிய அளவற்ற பேரச்சம் இன்கண்டு வெருளி.
‘சாக்கலேட்டு’ அல்லது ‘சாக்கொலேட்டு’ என்பது கொக்கோ மரத்திலிருந்து உற்பத்தி செய்யப்படுகிறது. இது மத்தியக் கால அமெரிக்கச் சொல் ஆகும். கல்கண்டு என்பதன் அடியொற்றி இதன் இனிப்புச் சுவை அடிப்படையில் தமிழில் இன்கண்டு எனலாம்.
00

377. தித்தி வெருளி – Caramelaphobia, Karamelaphobia

தித்தி (candy) குறித்த வரம்பற்ற பேரச்சம் தித்தி வெருளி.
‘மிட்டாய்’ என்பது தமிழ்ச்சொல்லல்ல. karamela என்னும் கிரேக்கச் சொல்லை இன்பண்டம், தித்தி எனச் சொல்லலாம். எனினும் chocolate என்பதை இன்கண்டு எனக் குறித்துள்ளதால் இதனைத் தித்திப்பு என்னும் பொருளுடைய தித்தி எனக் குறித்துள்ளேன்.
00

378. இன்கூழ் அவரை வெருளி – Jellybeanphobia

இன்கூழ் அவரை(Jellybean)பற்றிய அளவுகடந்த பேரச்சம் இன்கூழ் அவரை வெருளி.
Phasellusipsumophobia என்றும் சொல்வர். இதன் பொருளும் இன்கூழ் அவரை என்பதுதான்.
இன்கூழ் அவரையின் வடிவத்தைப் பார்த்தும் சுவையை விரும்பாமலும் இதன்மீது பேரச்சமும் பெரு விருப்பும் கொள்வோர் உள்ளனர்.
இனிப்பு வெருளி(Dulciphobia / Suaviphobia) உள்ளவர்களுக்கு இன் கூழ் அவரை வெருளி வரும் வாய்ப்பு உள்ளது.
00

379. இன்தயிர் வெருளி – Giaourtiophobia

இன்தயிர்(yogurt) மீதான மிகையான பேரச்சம் இன்தயிர் வெருளி.
இன்தயிரில் கலக்கப்படும் பாலினிமம், நல்ல நுண்ணுயிரி போன்றவற்றாலும் இதனை வெறுத்துப் பேரச்சம் கொள்வோர் உள்ளனர்.
giaourtio, என்னும் கிரேக்கச் சொல்லிற்கு இன்தயிர் எனப் பொருள்.
00

380. இன்பண்ட இயந்திர வெருளி – Yrouxphobia

இன்பண்ட இயந்திரம்(gumball machine) தொடர்பான அளவுகடந்த பேரச்சம் இன்பண்ட இயந்திர வெருளி.
Yroux என்றால் இன்பண்ட இயந்திரம் என்று பொருள்.
இன்பண்டம் மீது விருப்பம் இருந்தாலும் இன்பண்ட இயந்திரத்தால் மிகுதியான இன்பண்டம் பெற முடிவதால் இனிப்பு வெருளி உள்ளர்களுக்கும் தித்திப்பு வெருளி உள்ளவர்களுக்கும் இன்பண் இயந்திரம் மீது அளவு கடந்த வெறுப்பும் பேரச்சமும் ஏற்படுகின்றன.
00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 371-375 : இலக்குவனார் திருவள்ளுவன்

ஃஃஃ      இலக்குவனார் திருவள்ளுவன்      11 September 2025      அகரமுதல

(வெருளி நோய்கள் 366-370 : தொடர்ச்சி)

வெருளி நோய்கள் 371-375

371. இறைம வெருளி – Spirituphobia

இறைமம்(spiritual thing)சார்பானவை குறித்த வரம்பற்ற பேரச்சம் இறைம வெருளி.
இதனை ஆன்மா என்றும் ஆன்மாவைத் தமிழில் ஆதன் என்றும்
உயிர் நலம்சார்ந்த என்றும் குறிப்பிடுகின்றனர். எனினும் நடைமுறையில் சமயம் சார்ந்தும் இறை நெறி சார்ந்தும் உள்ளது. எனவே, இதனை இறைமம் எனக் குறிப்பிட்டுள்ளேன்.
00

372. இறைமை வெருளி – Theologicophobia

இறைமை தொடர்பான வரம்பற்ற பேரச்சம் இறைமை வெருளி.
இறைமை நூலைப்படிப்பதால் மட்டுமல்லாமல், இறைமை வழிபாடு, தொடர்பான நிகழ்வுகள் முதலான அனைத்திலும் வெறுப்பும் பேரச்சமும் கொள்வர்.
காதல் தோல்வியால்
கண்ணைப் படைத்து பெண்ணைப் படைத்த இறைவன் கொடியவனே ஓ
இறைவன் கொடியவனே

என்றும்

ஒரு மனதை உறங்க வைத்தான் ஒரு மனதைத் தவிக்க விட்டான்
ஒரு மனதை உறங்க வைத்தான் ஒரு மனதைத் தவிக்க விட்டான்
இருவர் மீதும் குற்றமில்லை இறைவன் செய்த குற்றமடி
இருவர் மீதும் குற்றமில்லை இறைவன் செய்த குற்றமடி

என்றும் சொல்வது போல் தோல்வி, நம்பிக்கை பொய்த்தல் பேரழிவு போன்ற சூழல்களில் இறைமை மீது வெறுப்பு கொள்வோர் உள்ளனர்.
00

373. இனஉறுப்பு வெருளி-korophobia

இன உறுப்பு சுருங்குகிறது அல்லது மறைகிறது என்பனபோன்ற எண்ணங்களால் ஏற்படும் அளவுகடந்த பேரச்சம் இனஉறுப்பு வெருளி.
இயல்பான நிலையிலும் தவறான கற்பனையை வளர்த்துக்கொண்டும் பால்வினை தொடர்பான கடந்த காலச் செயல்பாடுகள் தொடர்பான அச்சத்தினாலும் இன உறுப்பு தொடர்பான காரணமற்ற தேவயற்ற கவலைக்கும் அச்சத்திற்கும் ஆளாகின்றனர்.
இனஉறுப்பு வெருளி. திருமண வெருளிக்கும் காரணமாகிறது.
Koro = சுருங்கல். இன உறுப்புச் சுருக்கத்தைக் குறிக்கிறது.
00

374. இனிப்பு வெருளி – Dulciphobia / Suaviphobia

இனிப்பு குறித்த வரம்பற்ற பேரச்சம் இனிப்பு வெருளி.
இனிப்பு மிகுதிாக உண்டால்,பற்கள் சொத்தையாகும்; சளி, இருமல், காய்ச்சல் ஏற்படும்;
உடலில் மந்தத்தன்மை அதிகரிக்கும்; பசிமந்தம், அரைகுறை செரிமானம் முதலான பாதிப்புகள் நேரிடும்; உடல்எடை கூடலாம்; நோய் எதிர்ப்பாற்றல் குறையும்; தொண்டைசார்ந்த நோய்கள் ஏற்படும்; சுவையின்மை உருவாகும்; தொற்றுநோய்கள் எளிதாகவும், விரைவாகவும் தொற்றும்;உடலில் கெட்ட கொழுமியம்(Cholesterol) அதிகரிக்கும்; எலும்பு வலுக்குறையும் எனக் கருதி இனிப்பு உண்ண அச்சம் கொள்வர். இனிப்பு மிகுதியாக உண்டால் நீரிழிவு நோய் வரும் என அஞ்சி அது தொடர்பான தீமைகளைக் கருதி அஞ்சுவர். இனிப்பைக் குறைவாக உண்ண வேண்டும் என்பதே உண்மை. என்றாலும தொடர்பான அளவற்ற பேரச்சம் இனிப்பு வெருளியை உண்டாக்குகிறது.
00

375. இனிப்புருண்டை வெருளி – Gumballphobia

இனிப்புருண்டை(gumball)மீதான மிகையான பேரச்சம் இனிப்புருண்டை வெருளி.
இனிப்பு உருண்டையை உண்பதால் மேலே குறிப்பிட்டவாறு இனிப்பு உண்பதால் ஏற்படும் தீமைகளைக் கருதி அஞ்சுவர். இனிப்பு வெருளி(Dulciphobia / Suaviphobia) உள்ளவர்களுக்கு இனிப்பு உருண்டை வெருளி வரும் வாய்ப்பு உள்ளது.
00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5

வெருளி நோய்கள் 366-370 : இலக்குவனார் திருவள்ளுவன்

 

ஃஃஃ     இலக்குவனார் திருவள்ளுவன்      10 September 2025      அகரமுதல

(வெருளி நோய்கள் 361-365 – தொடர்ச்சி)

வெருளி நோய்கள் 366-370

366. இறால் வெருளி- Garidaphobia

இறால் மீன்(shrimp) தொடர்பான அளவுகடந்த பேரச்சம் இறால் வெருளி.
இறால் மீனைப் பார்த்தால் அல்லது சமைத்த இறாலைப் பார்த்தால் அல்லது இறால் மீனை உண்டால் பேரச்சம் வரும்.
விலங்கு வெருளி(Zoophobia) உள்ளவர்களுக்கும் இப்பி வெருளி (Ostraconophobia) வருபவர்களுக்கும் இறால் வெருளி வர வாய்ப்புண்டு. 00

367. இறுதிச்சடங்கு வெருளி – Cedeiaphobia

இறுதிச்சடங்கு குறித்த வரம்பற்ற பேரச்சம் இறுதிச்சடங்கு வெருளி.
பிறரது இறுதிச்சடங்கைப்பார்க்கும் பொழுது அல்லது பிறரின் இறுதிச்சடங்கில் பங்கேற்கும் பொழுது துயரம் வருவதாலும் தனக்கோ தன் வீட்டிலுள்ள மூத்த உறுப்பினர்களுக்கோ பிறருக்கோ இறுதிச்சடங்கு செய்யும் சூழல் வரலாம் எனப்பேரச்சம் வருவதுண்டு.
சாவு வெருளி(Necro Phobia/Thanato Phobia/ Thantophobia) வருபவர்களுக்கும் இறுதிச்சடங்கு வெருளி வருவதுண்டு.
00

368. இறை நம்பிக்கையர் வெருளி – Theistophobia

இறை நம்பிக்கையர் தொடர்பான அளவுகடந்த பேரச்சம் இறை நம்பிக்கையர் வெருளி.
இறை நம்பிக்கை யுடையவர்களில் ஒரு பகுதியினர் மூட நம்பிக்கை உடையவர்களாகவும் உள்ளனர். இன்னின்ன செய்தால் அல்லது இன்னின்ன செய்யாவிட்டால் இன்னின்ன தீ வினை நிகழும் என்பதுபோல் சொல்லப்படும் அச்சுறுத்தல்களை நம்பும் பேரச்சம் கொள்வோர் உள்ளனர். இதே போல் இறைநம்பிக்கையர், அதனையே பிறருக்கும் தெரிவித்து மற்றவர்களையும் அச்சுறுத்துவர். இதன்காரணமாக இறைநம்பிக்கையருடன் பழகுவதற்கே பேரச்சம் கொள்வோர் உள்ளனர்.
00

369. இறை மறுப்பர் வெருளி – Atheophobia

இறை மறுப்பர் தொடர்பான அளவுகடந்த பேரச்சம் இறை மறுப்பர் வெருளி.
இறை நம்பிக்கையரின் மூட நம்பிக்கைக்கு எதிரான கருத்துகளை இறை மறுப்பர் விரும்புவதில்லை. ஆனால் அவ்வாறு மறுப்பதை இறை நம்பிக்கையர் தெய்வ நம்பிக்கைக்கு எதிரானதாகக் கருதுகின்றனர். ஆதலின் இறை மறுப்பர் மீது இறை நம்பிக்கயருக்குத் தேவையற்ற பேரச்சம் ஏற்பட்டு வெருளிக்கு ஆளாகின்றனர்.
.
00

370. இறைச்சி வெருளி – Carnophobia

இறைச்சி தொடர்பான அளவுகடந்த பேரச்சம் இறைச்சி வெருளி.
இறைச்சி உண்டபின் நோய்க்கு ஆளாவது, இறைச்சிக்கூடத்திற்கு அல்லது இறைச்சி வெட்டும் இடத்திற்குச் சென்று அதிர்ச்சிக்கு ஆளாவது, இறைச்சி தொடர்பான எதிர்வினைகள் பற்றி அறிய வருவது, மரக்கறி உண்போர்(சைவம்) என்ற நிலையில் இறைச்சி உணவை வெறுப்பது போன்ற காரணங்களால் இறைச்சிமீதான பேரச்சம் வருகிறது.
karno என்னும் இலத்தீன் சொல்லின் பொருள் இறைச்சி.
00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5