(வெருளி நோய்கள் 446 – 450 : தொடர்ச்சி)

வெருளி நோய்கள் 451 – 455

  1. உலைச்சல் வெருளி/ உளைச்சல் வெருளி – Anchophobia

மன உலைச்சல்(anxiety) தொடர்பான அளவுகடந்த பேரச்சம் உலைச்சல் வெருளி. உணர்ச்சி வெருளி(Animotophobia) உள்ளவர்களுக்கு உலைச்சல் வெருளி வரும் வாய்ப்பு உள்ளது.
மன உளைச்சலானது சுற்றுச்சூழல், தனிப்பட்ட காரணிகள், குடும்பச் சிக்கல்கள், நிதிச் சிக்கல்கள், வேலையில் அதிக அழுத்தம், குமுகப் புறக்கணிப்பு, தனிப்பட்ட துயரங்கள், சோர்வு போன்ற காரணங்களால் மன உலைச்சலுக்கு ஆளாகின்றனர். பதற்றம் கொள்கின்றனர். அளவுகடந்தபதற்றமும் மன உலைச்சலும் மன நோய் வரவும் காரணமாகின்றன.
00

  1. உழுவை வெருளி – Tractorphobia

உழுவை(Tractor) தொடர்பான மிகையான பேரச்சம் உழுவை வெருளி.
பேரளவிலான உழுவைகளைக் கண்டு மக்கள் தங்கள் ஏருழவுப்பணிக்கும் அதன் மூலம் கிடைக்கும் வருவாய்க்கும் பாதிப்பு வரும் என்று வெருளி கொள்கின்றனர்.
இழுவைப்பொறி, இழுவை இயந்திரம், இழுவை எனக் குறிப்பிடப்படும் உழவுப்பணிப் பொறியை உழுவை என்பதே பொருத்தமாக இருக்கும்.
00

  1. உழைப்பாளர் நாள் வெருளி-Ergasiaemarphobia

உழைப்பாளர் நாள் மீதான அளவுகடந்த பேரச்சம் உழைப்பாளர் நாள் வெருளி.
மே முதல் நாள் கொண்டாடப்படுவதால் மே நாள் என்றும் தொழிலாளர் நாள் என்றும் அழைக்கப்பெறும் உழைப்பாளர் நாள் தொடர்பான பேரச்சம் தொழிலாளர்களுக்கும் வரலாம், முதலாளிகளுக்கும் வரலாம்.
00

  1. உளதாகு வெருளி – Dianoiphobia

மன இருப்பு/உள்ளதாகும் நிலை(mental plane of existence) தொடர்பான அளவுகடந்த பேரச்சம் உளதாகு வெருளி.
00

  1. உளதாம் தன்மை வெருளி – Afairophobia

உளதாம் நுண் தன்மை(abstract plane of existence) தொடர்பான அளவுகடந்த பேரச்சம் உளதாம் தன்மை வெருளி.

00

(தொடரும்)

இலக்குவனார் திருவள்ளுவன்,

வெருளி அறிவியல் தொகுதி 1/5